||
Wir Ludwig von Gotes genaden margrave ze Brandenburg und ze Lusicz, pfallenczgraf bey Rein, ||
herczog in Bayern und in Kernden, graf ze Tirol und ze Gorcz et cetera , bechennen und tun chunt offenbar ||
mit disem brief allen den, die yn sehent oder horent lesen, das wir durch zuversicht gemeines nuczes und ||
frides aller laute geloben mit guten trewen one geverde dem allerdurchlawtigisten fursten hern Karl, romischen ||
kayser, ze allen zeiten merer des reichs und kunig ze Behaim , unserm lieben herren und ocheim, daz wir alle ||
rauber, brenner, dyebe und alle ander schedlich laute, wie die genant sint, in allen unsern herscheften ||
und gebieten nicht halden, hawsen noch hofen sullen noch wellen, und haben auch allen herren burgrafen, ||
amptlauten, rittern und knechten, allen richtern, steten und allen andern unsern lieben getrewen und under¬ ||
tanen unserr herscheft und gebiet ernstleich und vestichlichen bei unsern hulden geboten und gebieten yn auch, ||
das si an allen steten soliche schedlich laute sullen aufhalden si vachen und zu yn richten, darnach und si mit ||
irrer missetat den tod haben verdienet. Mit urchund des briefs, der geben ist ze Munichen des montags ||
vor des heilingen Gotzleichnams tag nach Christes geburt driwczehenhundert iar in dem sechtzigisten jare .