||
Wir Rudolf von Gotz gnaden herezog ze Österreich, cze Steyr und ze Kernden et cetera tun chunt, daz ||
wir dem durluchtigen hochgepornen fürsten herrn Ludwigen, kunig ze Ungern, unserm ||
lieben bruder, von soleicher sache und taygding wegen, als er zwuschen dem allerdur¬ ||
luchtigisten unserm gnedigen herren, herr Karlen roemischem keyser und kunig ze Beheim, und ||
uns gefuert und getan hat, geantwurt und geben haben genczlich alle die hantvesten ||
und briefe, die unser vordern, wir und unser prueder von lehens oder phantschaft wegen ||
uf den landen Beheim und Merhern oder auf andern irn landen und herscheften uncz ||
uf disen huttigen tag dhains wegs gehebt haben. Were aber, daz furbazzer hinder uns, ||
unsern prudern oder unsern erben solicher briefe, die unser vordem oder uns gegeben weren, icht ||
mere funden wurden, die sullen alle tod und absein und enhein chraft mere haben, uzge¬ ||
nomen allain des briefes, den wir haben von dem hochgepornen fürsten, unserm lieben ||
oheim, herrn Johan marchgrafen ze Merhern umb den dienst, den er uns tun sol von ||
der richtung wegen, die der vorgenannte unser pruder von Ungern zwuschen unserm vatter ||
seligen und im gemachet hat. Mit urchund dicz priefs, versigelt mit unserm anhangendem ||
insigel, der geben ist ze Tyerna an samztag nach dem heiligen auffart tag unsers||
herren nach Cristi gepurt tausent dreuhundert iaren darnach in dem sechtzigisten iare .