||
Wir Ludwig der Elter und Ludwig der Junger, bayde graven ze Otingen, bekennen offenlichen mit disem brief, ||
umb die vier tusend guldin, die man gewert und bezalt hat Johannsen von Seggendorff, unserm lieben ||
getruwen, an unserr stat von der durchluchtigosten fursten hern Karls, dez Römischen keysers, und ||
dez erwirdigen hern Dyetrichs, von Gots gnaden byschofe zu Maydburg, wegen von Rosenstain ||
und Luterburg, wegen und umb die vorgeschriben vier tusend guldin, sagen wir die obgenanten unser ||
gnedig herren, der vorgenanten vier tusend guldin quit ledig und lose. Mit urkund dicz briefs, ||
der mit unsern insigeln versigilt ist, diu hieran hangend, der geben ist nach Krystus geburt ||
drwzchen hundert jare und in dem ainen und sechczigesten jare an dem nehsten affter¬||
montag nauch unser Frawen tag, alz siu gen hymel fure .