|N001|Wir Rudolff von Gots genaden hertzog zu Sachsen, dez Heiligen reichs erczmarschalk, bekennen und tun kunt offenlich mit diesem briefe allen, |N002|di in sehen oder haren lesen, daz wir haben an gesehen di sinderlich gnad und gunst dez allerurchleuchtigist fürsten und herren, herr Karls dez|N003|virden, romischen keysers zu allen zeiten merer dez reichs und kunigs zu Beheim , unsers liben genedigen herren, da mit er seliger gedechtnis |N004|unsirer liben vater, uns und unseren bruder gemeinet hat und nach allewege tuet durch sunder sein gnade, und da von mit wolbedachtem |N005|mute, mit rate unser freunde und manne und mit rechter wizzen geloben wir in guten trewen an geverde für uns, unseren bruder, unser |N006|bruder kinder und unser aller erben dem egenanten unserem herren dem keyser, seinen erben und nachkumen kunigen zu Beheim, daz wir in beige¬ |N007|stendig und beholfen sein und wollen mit unserr macht, dar nach der hilfe not wirdet, wider allermeinclich, di sie, ire lant, leuete, gut, festen. |N008|stete, herschefte, greniczen und alle zugehorunge, wo sie di haben oder gelegen sind, angrifen, hinderen oder schedigen woellen, in welchen wirden |N009|eren oder wesen ouch di selben weren. Ouch geloben wir dem egenanten unserm genedigen herren, dem romischen keyser, daz wir, unser bruder |N010|und unser bruder kinder mit samt unser allen erben dez rechten alle wege gehorsam sein und sullen umb alle sachen, die ymand gen |N011|uns begunner zu wirderen und zu clagen. Mit urkund ditz brifes versigelt mit unserem insigel, der geben ist zu Prag do man zalt|N012|von Cristus geburt dreutzehenhundert iar und dar nach in dem ain und sechtzigsten iar dez nechsten donerstages nach unserr frawen|N013|tag, als si gen himel emphangen ward .