Bertrandus de Alanio episcopus Eugubinus, sacri palatii apostolici causarum et causae ac partibus infrascriptis a domino nostro papa auditor specialiter deputatus, universis et singulis dominis abbatibus, prioribus, praepositis, decanis, archidiaconis, cantoribus, scolasticis, thezaurariis, sacristis tam cathedralium quam collegiatarum, canonicarum, parrochialiumque ecclesiarum rectoribus et loca tenentibus eorundem, presbyteris curatis et non curatis, vicariis perpetuis, cappellanis, notariis et tabellionibus publicis ac clericis quibuscunque per civitatem, diocesim et provinciam Pragensem ac alias ubilibet constitutis et eorum cuilibet in solidum, ad quem vel ad quos praesentes nostrae litterae pervenerint, et qui super infrascriptis fuerint requisiti aut fuerit requisitus, salutem in domino et mandatis nostris ymmo verius apostolicis firmiter obedire! Noveritis quod dudum felicis recordationis dominus Vrbanus papa VIus causam et causas, quae vertebatur, vertebantur seu verti et esse sperabantur primo inter religiosos viros dominos abbatem et conventum monasterii Sanctae Coronae Cisterciensis ordinis Pragensis diocesis ex parte una, et dominum Joannem tunc praepositum ecclesiae Wissegradensis prope Pragam et quendam Wilhelmum, cui expost de dicta praepositura extiterat provisum, de et super nonnullis villis, agris, pascuis, piscariis, silvis, molendinis, possessionibus, jurisdictionibus et rebus aliis in processu causae deductis et eorum occasione ex altera, coram reverendo patre domino Petro Gasconis legum doctore, domini nostri papae prothonotario et ipsius sacri palatii causarum auditore, successive commisit audiendas, decidendas et fine debito terminandas cum omnibus et singulis emergentiis, incidentiis, dependentiis et connexis, quarum quidem commissionum vigore per ipsum dominum Petrum prothonotarium et auditorem et coram eo ad nonnullos actus iudiciales in causa et causis huiusmodi processo ac praefato felicis recordationis domino Vrbano papa VIto vita functo, nec non sanctissimo in Christo patre et domino nostro domino Bonifacio divina providentia papa nono ad apicem summi apostolatus assumpto, idem dominus noster Bonifacius papa nonus ipsi domino Petro Gasconis prothonotario et auditori quandam aliam commissionis sive supplicationis cedulam per certum suum cursorem praesentari fecit, quam idem dominus Petrus prothonotarius cum ea qua decuit reverentia recepit, sub hiis verbis: ,Beatissime pater! Pridem lite pendente in palatio causarum apostolico inter venerabiles et religiosos viros dominos abbatem et conventum Sanctae Coronae Cisterciensis ordinis Pragensis diocesis ex una parte, et dominum Johannem tunc praepositum ecclesiae Wissegradensis prope Pragam de et super nonnullis villis, agris, pascuis, piscariis, silvis, molendinis, jurisdictionibus et rebus aliis in processu litis et causae huiusmodi deductis et eorum occasione ex altera, idem dominus Johannes tunc praepositus per felicis recordationis dominum Vrbanum papam VItum immediatum sanctitatis vestrae praedecessorem ad ecclesiam Luthomislensem fuit promotus, et cuidam Wilhelmo de dicta praepositura extitit provisum, contra quos singulariter et divisim et successive ad nonnullos actus est processum, citra tamen conclusionem statum causae huiusmodi sanctitas vestra dignetur habere hic pro sufficiente expressum, praedictusque Wilhelmus per contractum matrimonii etiam praeposituram praedictam dimisit et ab ea recessit, de ipsaque praepositura sic vacante cuidam Johanni domini Benessii est provisum, qui in vitium succedens sicut praedicti Johannes et Wilhelmus et quilibet eorum ipsas villas et alia supradicta detinuerunt indebite occupata, sic et ipse Johannes praepositus modernus ipsa detinet occupata minus iuste in maximum dicti monasterii dampnum, praeiudicium et desolationem. Supplicat igitur eidem sanctitati vestrae procurator et procuratorio nomine dictorum abbatis et conventus,, quatenus causam et causas, quam et quas dicti domini abbas et conventus movent et movere intendunt contra dominum Johannem Benessii novum praepositum necnon decanum, canonicos et capitulum ecclesiae Wissegradensis praedictae, omnesque alios et singulos sua interesse putantes de et super agris, pascuis, piscariis, silvis, molendinis, possessionibus, iuribus et iurisdictionibus et aliis supradictis et eorum occasione coniunetim et divisim, reverendo patri domino Petro Gasconis dicti sacri palatii causarum auditori, coram quo dicta causa pendet indecisa, committere dignemini audiendas, in statu debito resumendas, decidendas et fine debito terminandas, cum omnibus et singulis emergentiis, incidentiis, dependentiis et connexis et cum potestate citandi dictos Johannem novum praepositum, decanum, canonicos et capitulum, omnesque alios et singulos sua interesse putantes, etiam si opus fuerit, extra Romanam curiam et ad partes semel et pluries, totiens quotiens opus erit.‘ In fine vero dictae commissionis sive supplicationis cedulae scripta erant de alterius manus littera superiori litterae ipsius cedulae penitus et omnino dissimili et diversa haec verba: ,De mandato domini nostri papae audiat idem auditor, resumat, citat (sic, citet) ut petitur, et iustitiam faciat.‘ Qua quidem ultima commissione memorato domino prothonotario et auditori praesentata, praelibatus dominus noster papa certis de causis causam et causas huiusmodi in eo statu, in quo coram ipso domino Petro prothonotario et auditore verterentur tunc et penderent, nobis Bertrando episcopo et auditori praefato commisit resumendas et ulterius audiendas, decidendas et fine debito terminandas cum omnibus et singulis emergentiis, incidentiis, dependentiis et connexis. Cuius quidem commissionis nobis ut praemittitur factae vigore causa et causis huiusmodi per nos debite resumptis, fuimus postmodum per discretum magistrum Rutgherum Balhorn in Romana curia procuratorem et nomine procuratorio dictorum abbatis et conventus monasterii Sanctae Coronae Cisterciensis ordinis dictae diocesis principalium in praescripta commissionis cedula principaliter nominatorum, prout de huiusmodi suae procurationis mandato in actis praesentis causae coram nobis habitis extitit plena facta fides, coram nobis constitutum cum instantia debita requisiti, ut sibi citationem extra Romanam curiam et ad partes contra et adversus Johannem Benessii praepositum, necnon decanum, capitulum et canonicos dictae ecclesiae Wissegradensis principales ex adverso, etiam in praedicta commissionis cedula principaliter nominatos communiter vel divisim iuxta vim, formam et tenorem commissionis praescriptae nobis factae sub forma debita et consueta decernere et concedere dignaremur. Nos igitur Bertrandus episcopus et auditor praefatus attendentes requisitionem huiusmodi fore iustam et consonam rationi, volentesque in causa et causis huiusmodi rite et legitime procedere ac partibus praedictis iustitiam ministrare, ut tenemur: vos omnes et singulos supradictos auctoritate apostolica qua fungimur in hac parte, primo, secundo et tertio peremptorie tenore praesentium requirimus et monemus communiter et divisim, vobisque nichilominus et vestrum cuilibet in virtute sanctae obedientiae et sub excominunicationis poena, quam in vos et vestrum quemlibet canonica monitione praemissa extunc prout exnunc in hiis scriptis nisi feceritis, quod mandamus, districte praecipiendo mandamus, quatenus infra sex dierum spatium, postquam pro parte dictorum dominorum abbatis et conventus principalium fueritis requisiti seu alter vestrum fuerit requisitus, quorum sex dierum duos pro primo, duos pro secundo et reliquos duos dies vobis universis et singulis supradictis pro tertio et peremptorium terminum ac monitionem canonicam assignamus, praefatos dominos Johannem praepositum, decanum et canonicos in eorum propriis personis seu eorum praesentias commode habere poteritis, alioquin in hospitiis habitationum ipsorum, si ad ea tutus pateat accessus, aut in ecclesia Wissegradensi prope Pragam capitulum nec non principales in loco capitulari eiusdem ecclesiae Wissegradensis, dum ibidem capitulum facientes aut alias insimul in loco ad tenendum capitulum congregatos apprehendere potueritis, sin autem tam ipsos Johannem praepositum, decanum, canonicos et capitulum principales antedictos in cathedrali Pragensi et collegiata Wissegradensi ecclesiis praedictis vel aliis publicis circumvicinis ubi, quando et quotiens expediens fuerit et fueritis requisiti, seu aliquis vestrum fuerit requisitus, ex parte nostra ymmo verius apostolica publice alta et intelligibili voce peremptorie citare curetis, quos nos etiam tenore praesentium sic citamus, quatenus sexagesima die post citationem huiusmodi per vos vel alterum vestrum eis factam immediate, si dies ipsa sexagesima iuridica fuerit, et nos vel alius auditor loco nostri forsan surrogandus seu quem surrogari contigerit, Perusii vel alibi, ubi tunc forsan dominus noster papa cum sua curia residebit, in audientia seu palatio causarum apostolico, ubi iura redduntur, mane hora causarum ad iura reddendum in loco nostro solito pro tribunali sederimus vel sederit, alioquin proxima die iuridica extunc immediate sequente, qua nos vel praedictum loco nostri forsan surrogandum auditorem in dicto palatio causarum apostolico pro tribunali sedere contigerit, per se vel procuratorem seu procuratores suos ydoneus (sic, idoneos) ad causam seu causas huiusmodi sufficienter instructos, cum omnibus et singulis actis, actitatis, litteris, instrumentis, iuribus et munimentis suis quibuscunque ad causam seu causas huiusmodi facientibus seu eam et eas concernentibus compareant in iudicio legittime. coram nobis vel dicto surrogando, praefatis dominis abbati et conventui principalibus seu eorum procuratori vel procuratoribus legittimis de et super praemissis omnibus et singulis in praedicta facta commissione contentis de iustitia responsuri, et ad omnes et singulos actus iudiciales gradatim et successive et usque ad diffinitivam sententiam inclusive debitis et consuetis terminis ac dilationibus praecedentibus ut moris est, processuri et procedi visuri, aliasque dicturi, facturi, audituri et recepturi, quod iustitia suaserit et ordo dietaverit rationis, certificantes nichilominus eosdem citatos, quod sive in dicto citationis termino sic ut praemissum est comparuerint sive non, nos nichilominus in causa et causis ulterius ad partis comparentis instantiam procedemus, seu dictus surrogandus procedet, dictorum citatorum absentia seu contumacia non obstante. Diem vero citationis huiusmodi atque formam et quidquid in praemissis feceritis, nobis per vestras patentes litteras seu publicum instrumentum huiusmodi seriem seu designationem in se continentes seu continens remissis praesentibus fideliter intimare curetis. Absolutionem vero omnium et singulorum, qui praefatas nostras excommunicationis sententias seu earum aliquam incurrerint quoquo modo, nobis vel superiori nostro tantummodo reservamus. In quorum omnium et singulorum testimonium praemissorum praesentes nostrascitationis litteras seu praesens publicum instrumentum, huiusmodi nostram citationem in se continentes seu continens, indefieri et per discretum virum Heinricum notarium publicumnostrumque et huiusrnodi causae coram nobis scribam infrascriptum subseribi et publicari mandavimus, nostrique sigilliappensione fecimus communiri. Datum et actum Perusii apudmaiorem ecclesiam Perusinam in palatio causarum apostolico,ubi iura redduntur, nobis inibi mane hora causarum ad iurareddendum in loco nostro solito pro tribunali sedentibus, subanno a nativitate domini millesimo trecentesimo nonagesimotertio, indictione prima, die Mercurii quinta mensis Martii,pontificatus sanctissimi in Christo patris et domini nostridomini Bonifacii divina providentia papae VIIII. praedictianno quarto, praesentibus ibidem discretis viris magistris Martino Mutsken de Eyk et Theoderico de Monte clericis Leodiensis et Traiectensis dioceseum, notariis publicis, nostrisque scribis, testibus ad praemissa vocatis specialiter et rogatis.||
Signum||
Tabellionatus||
Et ego Heinricus Senfteleben de Rochelitz clericus Merseburgensis diocesis publicus apostolica et imperiali auctoritatibus notarius, praefatique reverendi patris domini Bertrandi episcopi et auditoris ac causae huiusmodi coram eo scriba, praemissis omnibus et singulis, dum ut supra per ipsum dominum episcopum et auditorem agerentur et fierent, una cum praenominatis testibus praesens interfui, eaque omnia et singula sic fieri vidi et audivi ac aliis occupatus negotiis per alium fideliter scribi feci et deinde in hanc publicam formam redegi, signoque meo, quo apostolica auctoritate utor, consignavi, rogatus et requisitus in fidem et testimonium omnium praemissorum.

Source Fulltext: PANGERL, Goldenkron (=FRA II/37, Wien 1872) S. 207-212