Wir Johannes Hantelmann, probst, hermannus danieles, Senior vnd gantz Ca- pittel der kerken Sanctorum Johannis Baptiste vnd Johannis apostoli et Euangeliste vp dern Slote tho Tangermunde, Halberstadisch Stiffts, Bekennen — dat die Ernhafftige, Erssame vnd wolge- achte Em Johan Rost vnd Ern Johan kosen, belehncte vnser parkerken sancti Steffani protho- marthiris, vnd Achim Puntzschke vnd Gerike Michiels, Burger hirsuluest tho Tanger munde, Testamentarii, zeliger dechtnuss Ilssen, lentze wredcn nachgelassen wedewen, mitt vnssem willen vnd volbortt, wo ock hiebeuorn by tiden Ern Martini Schultcn, prouest, bewil- let, bevolbordet vnd nachgegeuen wurden, vth dersuluen Fruwen Testament, nach orem besten wil len, voran gott dem almechtigen tho loue vnd priesse, dancksagung der rnilden gottlichen Barm- hertigkeit, dem bittern lyden vnsses herrn Jhesu Christi, In die ehre syner benedyten vnuormakel- den tnoder Marie, der ewigen Junckfrawen vnd hirnmelkonnigen, samptt alien vtherkoren, sunderlich

414

in die ehre Anne, der heiligen mutter Marie, sancti Francisci Martiris, Marie Magdalene, Marie Marthe vnd des heiligen lazari gefundirt hebben vnd bestiflftet ein ewig geistlich lehen effte vica- rie tho dem Nien althar in der kerken sancti Nicolai, vnd hebben dat suluige altar effte lehen do- tiret vnd begifftiget, dotirn vnd begifftigen dat Jegewardiglich In krafft diesses brieffs mit eyner wische, boltung, towass vnd aller gerechtigkeitt vp Brack genomet, dartho eyne balue dobberentz- sche hufe Lande9, vor Tangermunde belegen, darby noch Negen Margk houetsumme, sso von dem Schultenhoue tho Eluerstorp affgeleget, ock hefft die vorsichtige Lentze Branth, Burger hirsoluest, gedachte vicaria vnd lehen rait viff gulden Jherlicher tinsse, sso gekofft vor hundert gulden houentsumma, laut des kopbriefs begifftigett. Dartho ock vefftich gulden sampt ander mehr gerechtigkeitt vth dem Testamente Herrn Johan Oelsiegers beschieden, vorlaten vnd vp tins? thobelegende vorhanden sindt. Auer dat, wes von frommen andechtigen personen mehr hirtho ge- wanth vnd gegeuen mochte werden: vnd effte diesse tinsse, sso dar ein teil reempciones vnd wider - kope find, affgelecht worden, sso schall vnd mach ein Ersam Rath die Houetsumme by sich in tru- wer vorwarung nehmen vnd dy vpt surderligste mit weten vnd willen des vicarii wedder anlegen. So hefft ock gedachte Fundatrix Im leuende dith lehen mit eynem kelcke begauet, dartho genom- der Er Johan Oel sieger solich ein agnus dei von vier loth siluers vnd ein votiual bescheiden vnd ist ock lunst mit missgewande vnd ornath tho notturfft des altares redelicher wisse besorgett, welck altar vnd geistlick lehen schal von Ernst Johanni Rostenvth krafft des Testaments vnd deffuluigen vorlatener gerechticheitt Gerardi Michaelis, dem die Testatrix bey ohrem leuende suluest de Irste lihung gethan hefft, befhalen vnd vorleihen syn, sick damp tho rechte instituirn tho laten. Auer dat Jus patronatus vnd lihung deffuluigen lehens schullen hebben de Erffnehmen der vorbenompten frowen, die thor tidt im leuende sindt, na lude des Testaments vnd darnach tho ewigen tiden bliuen by eynem Erssamen, wolwissen Rath tho Tangermunde, der thor stede fittet, sulck lehen, sso offte dat vorledigen wirdet, eynen frommen priester effte fust eynen Clerico tho uorlihen; die suluige vicarius schal nach andacht der Fundatorn vorpflichtet wessen tho singen, edder sso he keine adiuuanten hefft tho lessen, Tor weken zcwe mifseu, gottc dem almechtigen vnd dem gantzen himmelschen here tho loue, Eren vnd werdicheit, Nemlich alle dinstage Missain Anne vnd alle Fridage dat officium humiliauit von dem bittern lidende vnd hiligen Fiff wunden vnsses Herren Jhesu Christi gewislich durch sick effte einen anderen tho bestellen, sso schal sick ock disie vicarius vnd alle syne nakomen glick andern vicarien In vnsser kerken nach gemeyner vnd loffliker wanheit Conformiren vnsser kerken vnd Capittel an gerechticheiden In opper effte ander der glick nicht thouorfange, Sunder nach gebur in ehrlichen dingen gehorssam sin. Des tho ewiger bevestunge vnd mehrer wahrer bekenthnuss aller vnd iglicher vorgeschreuener stucke, puncte vnd artikel, sso hebben wy vorgnante prouest, Senior vnd gantz Capittel tho Tanger munde, vor vns vnd vnsse Nakomen vnsses Capittels Ingesegel wetlich laten hangen benedden an diffen open briefs, de gegeuen vnd geschreuen is nach Christi vnses Herren geburdt duscnd viff- hundert, dornach Im Sonentwintigsten Jhare, am dage visitacionis gloriosissime virginis.

2(uS bent assess. §a!6erf}Sbt. Litterarium de 1514 ff. (Cop. No. 116) f. 266 im ÆiJn. <)3ro».«2lrdjto ju SWagbe&urg.

415