Sinbow unb 2KMern, torn 10. 9tugujt 1536.

Wir Joachim, von gotts gnaden Marggraff zu Brandenburgk, des heiligen Romischen Reiches Ertzcamerer vnd kurfurste etc., bekennen offentlich —, das wir von der Erwirdigen, wol- gebornen vnd Edlen vnser lieben besonder, der Ebitischen des frien werntlichen Stiffts Quedel- burgk durch vnsern Rath vnd lieben getreuen Curthen von der scbulenburgk, Heuptman zu Zoffen, zu rechten Erbmanlehen die Graueschafft lindow vnd herschafft zu mock em mit alien Iren nutzen vnd zugehorungen, nichts aussgeschloffen, mit sampt alien andern guetern, die vnser Eldern vnd vorfaren, Marggrauen zu brandenburgk, von dem Stifft Quedelburgk zu lehen gehabt, Entpfangen haben, Inhalt der lehenbriue daruber ausgangen, wir vnd vnser Erben vnd nachkomen, Marggrauen zu Brandenburgk, sollen vnd wollen auch soliche lehen, als offt vnd dicke es zu falle kompt vnd noth sein wirth, von der gemelten Ebtischen vnd Iren nachkomen den Regirenden Ebtischinnen-zu lehen suchen vnd entpfahen, als viel anvnsist; vnd ob wir, vnser Erben vnd nachkommen, Marggrauen zu Brandenburgk, soliche lehen Jar vnd Tag zu empfahen Seumigk wurden, vnd die genante Eptischin oder Ire nachkomende Regirende Ebtischinne vns vnd vnser erben vnd nachkome soliche lehen zu enpfahen ersuchen, vnd wir das vorachten wurden, alsdan mag sie vnd Ire nachkomen Ebtischinn damit nach Irem willen geparen, wie der lehen recht ist, an vnsere vnd vnser Erben vnd nachkomen, Marggrauen zu Brandenburgk, einicherley einsage vnd hinderung. Ob auch was von den genanten lehen, so wir von dem stifft vnd ebti- schin zu Quedelburg zu lehen tragen, von abhanden komen oder gebracht worden, So sollen vnd wollen wir vnd vnser erben vf ansuchen vnd erinnern der Ebtischin alien moglichrn vleiss ankeren, die widerumb darzubringen vnd sunst In anderwege des stiffts vnd In zu zeitten der re girende Ebtischin vnd Capittels beste wifljen. Solichsalles vnd Igliches gereden wir obgnanter Ja- chim, Marggraue zu Brandenburg, kurfurst etc., bey vnsern furstlichen worten vnd treuen fur vns, vnser erben vnd nachkomen, Marggrauen zu Brandenburgk, ftett, vheste vnd vnuerbro- chenlich zu halten, an arg vnd geuerde. Des zu urkundt haben wir vnser kurfurstlich Ingesigel wiffentlich an diflen brieff hengen lassen vnd geben zu Coin an derSprew, am tage laurentzi, Chrifti Geburt Tausent sunffhundert vnd Im Sechs vnd dreisGgeften Jare.

Su« bem SefaBucb; ber aefctif|Ui anna ju Ouebtinbutg de 1517 $. 8?. aftri Oueblinfcnrg 67 a. f. 142 im ÆiSnJgl. v$rotj.>ar<$tt>c ju 3Ragbeburg.

152