Wir Karl, von gots gnaden Romischer kunig, zv alien zeiten merer des Reichs vnd kunig zv Beheim, Embieten alien Byschofen, Ebten, abtiflin, Probsten, heren, freyen, dienstmann, Rittern, knechten, Steten, Burgern, gepawren vnd allermeniglich, die zv dem Marken zv Bran denburg vnd zv Lantsperg gehoren, vnsern lieben getrewen, vnser hulde vnd alles gut. Wann wir den hochgeborn Rudolfen dem Jungern vnd Otten, gebrudern, herzogen zv Sachsen, vnsern lieben Oheimen, Albrechten. vnd Woldemarn, fursten zv Anhalt vnd Grauen zv Aschanien, vnsern lieben Swegern vnd fursten, iren erben vnd nachkomen durch getrewer steter dienst willen, die si vns vnd dem heiligen Romif'chen Reiche offt vnuerdrozzenlichen getan haben vnd noch tun sullen vnd mugen in kunftigen zeiten, die vorgenanten Marcken zv Branden burg vnd zv Lantsperg mit alien wirden, eren vnd rechten, heren, freyen, dienstmann, Geist- lichen vnd wertlichen Rittern, knechten, Burgern, gepawren, Landcn, leuten vnd zugehorunge recht vnd redlich verlihen haben, ob der hochgeborn Woldmar, Marckgrauen zv Brandenburg vnd zv Lantsperg, vnser lieber Swager vnd furste, stiirbe vnd abgieng, daz er elicher erben nach im nicht liezze, als jn vnsern briefen, die wir darvber geben haben, volkomenlich geschriben stet; Dorvmb gebieten wir euch mit vnserm kuniklichen gewalt, den wir haben, von wegen des heiligen Romischen Reichs, euch alien vnd ieglichem besundern, daz ir den vorgenanten hochge- borne'Rudolfen vnd Otten, Herzogen zv Sachsen, Albrechten vnd Woldmarn, fur sten zv Anhalt vnd Grauen zv Aschanien, geloben, hulden vnd sweren suit, getrewe, gehor- sam vnd vndertenig zu sein als Marckgrauen zv Brandenburg vnd zv Lantsperg vnd daz ir si, ir erben vnd nachkomen fur Margrauen zv Brandenburg vnd zu Lantsperg erkennen wellent vnd gen im alles daz tun, daz ir gen ewerm rechten Erpheren billich vnd durch recht zv tun pflichtig feint mit solichem vnderscheide, ob der vorgenante Marckgrafe Woldmar, euwer herre, Also sturbe vnd abgieng, daz er erben nicht liezze als da vorgel'chriben stet. Mit vrchunde ditz briefs versigelt mit vnserm kuniklichen insigel, der geben ist zo velde bei frankenfurt, Nach cristus geburd driezehenhundert iar vnd in dem achten vnd vierzgestem iar, an dem nehsten Sampztag nach sand Dyonisii tag, jn dem dritten iar vnsers Reiches.

SRa$ bent Originate be« @tabtare6toe« ju granlfurt VIII, 3, 67.