+ In nomine domini anno trigesimo sexto principatus domni nostri gisolfi glorioso principe, mense agustus undecima indictione. memoratorium factu a me maraldus presbiter filius lamfrit, eo quod ante subscripti testes tradidit ego ad tenendum et laborandum mauri filius ruscinii et falchi filius maraldi terris cum arbusto et abellanietum et castanietum et vacuum uno teniente qui est in locum montoru, quod ego in beneficium teneo a pars ecclesie sancti massimi tali tinore, ut amodo et usque tres frudia recollecta totum ad sua potestate eos tenere, et ipso arbustu et ipso abellanietum annualiter apto tempore eos laborare, et ipso arbustum potare propaginare, et ubi meruerit, bites traere et eos laborare de super et de subter, sicut locus ipse meruerit ut bene paread laboratum et cultatum, et ipse terris vacibe apto tempore laborare et seminare et recolligere; et de que annualiter ibidem seminaberint, deant inde nobis terraticum secundum consuetudine de ipso locum, et ipso arbustum apto tempore eos bindemiare et ipse abellane colligere. preter si voluerimus nos tollere medietatem ipso vinum et ipse abellane et tertiam parte de castanee, que de ipso castanietum collesserit, deant illut nobis; et si non voluerimus eos tollere, per omnis annu deant nobis in festibitate sancti martini quadtuor auri tari voni, et illis abeant sibi ipso vinum, et ipse abellane, et predicte castanee et ipso terraticum. unde per vona combenientia guadia mihi ipsi nominati maurus et falcus dederunt et ipsi sibi exierunt mediatores; set per eadem guadia obligaberunt se et suis eredibus, ut si aliquit, de quomodo superius legitur, quesierit remobere aut contrare, et talia nobis vel in pars ipsius ecclesie non adinpleberint, componere obligaberunt se suisque eredibus nobis vel im pars ipsius ecclesie decem solidos costantinos. et hunc brebem scripsi ego madelmus notarius qui interfui. + ego adelmundu + ego potio

Source Fulltext: Codex Diplomaticus Cavensis, vol. 2, 56-57, Estratto da ALIM