+ In nomine domini octabo anno principatus domni nostri iohanni, et tertio anno principatus domni guaimarii eius filio gloriosi principibus, mense magius quarta indictione. ideo que nos guido filius bone memorie guaimarii comitis et aloara filia quondam landoari comiti, qui sumus vir et uxor, clarefacimus, quoniam ipse guaimarius genitor et socerum nostrum a nobo construxit fundamine ecclesia bocabolum sancti martini in rebus sua ulter flubio lirino propinquo ipsa carraria, et nos, deo auxiliante, intus anc salernitanam cibitatem in terris nostris a subtus platea qui pergit ad porta qui dicitur elini, nobo construximus fundamine ecclesia bocabolum sancti mighaelis archangeli, et inspirabit nobis dei omnipotentis misericordiam, ut pro nostre salutis anime offerire in eadem ecclesia sancti martini aliquantum de ipse terris nostre de intus hanc predicta cibitate a subtus ipsa ecclesia sancti mighaelis circa puteum qui ibidem est. et ideo ego iamdicta aloara per consensum et bolumtate istius guidoni viro meus, in cuius mundium me subiacere palamfacio, unanimiter nos amboque vir et uxor guido et aloara pro amore omnipotenti deo et nostre salutis anime per hanc cartulam obtulimus deo et in prefatam ecclesiam sancti martini de iam supradictis terris de intus ec cibitatem per as finis et mensuria: a partibus orientis fine nostra, ubi ipso puteum est, sunt inde pedes decem et septem minus uncie quadtuor: a pars meridie, qualiter proprium parietem de ex nostra offertione discernit, sunt exinde pedes biginti septem: a partibus occidentis similiter fine nostra, et inde sunt pedes quindecim et summisse: a pars septemtrionis similiter fine nostra, et inde sunt pedes biginti septem minus uncie tres, totum mensuratum ad talem pedem manum omini, quantum chartula ista in capite est lata. per ipse finis et mensurie totum et inclitum cum omnia intro se abentibus et suis pertinentiis, et cum bice de bia et andito suo et cum sericidio a foras ipsis parietibus extra ipsa mensuria in suo cecidente et cum bice de ipso puteum in supradicta ecclesia sancti martini offeruimus ad securiter et firmiter omni tempore in ipsa ecclesia permanendum, et sacerdotes, qui per nos et nostris eredibus in eadem ecclesia sancti martini ordinatus fuerit, eos tenendum et dominandum, et ad residendum dare, et omnis sue utilitatis ibidem faciendum illis et ominibus quam ibidem ad residendum miserint, et aliquando per nulla ratione fiad substractum de ipsa ecclesia. de qua obligamus nos et nostris eredibus omni tempore defensandum in ipsa ecclesia sancti martini inclita supradicta nostra offertione da illi ominibus et partibus, cui per nos illut vel exinde datum aut obligatum seu manifestatum paruerit, et qui pro nostra parte in pars ipsius ecclesie inde emiserit aut preposuerit quodcumque causatio. et Si taliter eos non defensaberimus, aut si per qualecumque ratione de potestate predicte ecclesie illut vel exinde tollere aut contrare quesierimus, vel alique causationes exinde preposuerimus ad pars predicte ecclesie, compomere obligabimus nos et nostris eredibus ad ipsi sacerdotes quinquaginta auri solidos constantinos, et ec supradicta nostra offertione firma permanead, et questio et causatio nostra sint exinde tacita et bacua. verumtamen, si supradicta nostra offertione quomodocumque substracta fuerit de potestate predicte ecclesie, potestatem abeamus nos et nostris eredibus exinde causare absque omni colludio et ad nostra potestatem illos reducere, et iterum in ipsa ecclesia rebertere, omni tempore permanendum in ipsa ecclesia in iamdicta ratione. quam te ademari notarium scribere rogabimus. hactum salerno. + ego qui supra wido

Source Fulltext: Codex Diplomaticus Cavensis, vol. 2, 316-317, Estratto da ALIM