+ In nomine Domini. Vicesimo quarto anno principatus domni nostri Gisulfi gloriosi principis, mense novembri quarta indictione. Ante me Petrum iudicem Mascinus clericus filius quondam Romoaldi coniunctus est cum Stefanus Amalfitanus filius quondam Iohannis qui dictus est da lu Balneum, et ipse Mascinus clarificavit se habere una pecia de terra cum vinea et cannieto foris hanc civitatem in locum Transboneia ubi Troccla dicitur, et dixit ipsam terram cum vinea esse per fines et mensuras iusto passu hominis mensuratas: a parte occidentis finis via passus triginta quinque, a parte septemtrionis finis media sepe passus quadraginta tres, a parte orientis finis via passus triginta nobem, a parte meridiei passus triginta hocto, et revolvit in partem septemtrionis passus undecim, et revolvit in partem occidentis passus decem et septe usque ipsa via priore fine. et sicut ipsi Mascino congruum fuit, sua boluntate, per hanc cartulam venumdedit ipsi Stefano integram suprascripta terra cum vinea et cannieto per suprascriptas fines et mensuras, quam et venumdedit ei quantum eidem Mascinus pertinuit et pertinet habere a foras ipsas mensuras ibi coniunctum in parte meridiei et in parte septemtrionis cum omnibus que intra illud sunt cunctisque eius pertinentjiis et cum bice de viis suis. ea ratione ut semper sit in potestate ipsius Stefani et heredum eius et liceat illum et eius heredes de ea facere quod voluerint; et propter confirmatione huius venditionis ipse Mascinus suscepit a predicto Stefano statutum pretium auri solidos sclifatos biginti in omni deliveratione. et per combenientiam ipse Mascinus guadiam ipsi Stefano dedit et fideiussorem ei posuit Adelario germanum ipsius Mascino et filium suprascripta Romoaldi, et per ipsam guadiam obligavit se et suos heredes semper defendere ipsi Stefano et illius heredibus integrum illud quod ei, sicut suprascriptum est, benumdedit per suprascriptas fines et mensuras ab omnibus hominibus et partibus, seu et per suprascriptam guadiam obligavit se et suos heredes semper defendere ipsi Stefano et illius heredibus integrum illud quod ei extra ipsas mensuras, sicut suprascriptum est, benundedit ab omnibus illi hominibus et partibus, quibus per ipsum Mascinus et per eius heredes illud vel ex ipsos quomodocumque datu aut obligatu seu manifestatu paruerit et qui pro illorum parte et dato quascumque causationes de eo ipsi Stefano et illius heredibus preposuerint; ab aliis autem hominibus et cum voluerint ab omnibus hominibus potestatem habeant ipse Stefanus et eius heredes suprascriptam venditionem per se defendere qualiter voluerint cum omnibus muniminibus et rationibus quas de ea ostenderint. et si, sicut superius scriptum est, ipse Mascinus et eius heredes ipsi Stefano et ad eius heredes non adinpleverint et suprascripta vel ex eis quicquam removere aut contradicere presumserint, per ipsam guadiam obligavit se et suos heredes componere ipsi Stefano et illius heredibus centum auri solidos costantinatos et, sicut superius scriptum est, adinplere. verumtamen non noceat suprascriptum Adelarium, qui est fideiussor, quia in suprascripte vie vicem et pertinentiam se abere dixit. suprascriptum disturbatum in uno loco legitur Stefano et in alio suprascripta, et illud qui inter virgulos scriptum est legitur benditionem. Et taliter te Petrum notarium scribere precepi. Ego qui super Petrus iudex.

Source Fulltext: Codex Diplomaticus Cavensis, vol. 09, 19-20, Estratto da ALIM