+ In nomine Domini. Vicesimo septimo anno principatus domni nostri Gisulfi gloriosi principis, mense aprili sexta indictione. Ante me Petrum iudicem Sergius et Lupenus germani filii quondam Mauronis Atrianensis per convenientiam, pro parte eorum et Mucze et Anne et Gemme et Marie sororis illorum et filie quondam suprascripti Mauronis et Blacte genitricis eorum filie quondam Mauronis Atrianensis qui dictus est da lu Portu, que etiam uxor fuerat memorati Mauronis, ad tenendum et lavorandum tradiderunt Iohanni qui dicitur da la Uliba filio quondam Sergii integram terram cum pastino et insites, quam ipsis mater et filii habere pertinet foris hanc Salernitanam civitatem in loco Transboneia ubi Maianum et Planella dicitur, que est per fines et mensuras iusto passu hominis mensuratas: a parte occidentis finis medio vallone et prope eum intra ipsam terram recte mensurati passus nonaginta et octo; a parte orientis finis medio toru et passus sexaginta quinque, et de longitudine est a medio ipso vallone usque ipsum torum. ea ratione ut amodo et semper natos nascentes ipse Iohannes et suos heredes integram ipsam traditionem cum vice de via sua teneant et dominent, foveas et omnes suas utilitates ibidem faciant qualiter voluerint iusta ratione, et presenti anno ipse Iohannes et suos heredes infra ipsam traditionem unam calcariam faciant cum suo expendio et eam cocere faciant cum lignamina que intro ipsam traditionem habuerint; et de calce ipsius calcarie ipse Iohannes et suos heredes et cum omni altero suo expendio intro ipsum traditionem casam et palmentum cum labello fabricent et ipsam casam scindolis eam cooperiant et intro eam resideant et abitent semper. et intro ipsam traditionem plantent et propaginent et surgant arbustum bonum et plantent et insitent et studient et surgant bonum zenzalitum, sic tamen ut completis decem annis amodo numeratis ipse Iohannes et suos heredes habeant in tota ipsa traditione bonum arbustum et bonum zenzalitum surtum et operatum et insitatum sicut de tantos annos locus ipse meruerit; et a completis ipsis decem annis in antea omni anno tempore congruo totum ipsum arbustum potent, propaginent, studient et bonum operent ut proficiat et non depereat et ubi meruerit infra ipso arbusto arbores et vites de bono vitineo plantent et propaginent et surgant sicut meruerit, et infra ipso zenzalito ubi meruerit plantent et insitent et surgant et studient, ut cotidie bonum pareat operatum et qualiter in melius peragat et non deterioret. et totam ipsam traditionem amodo per circoitum unde meruerit claudant et clausam et salbam eam habeant semper, et amodo et semper omni anno per tempus de aree et de vindemie ipse Iohannes et suos heredes faciant scire ipsos mater et filii et eorum heredes ut illuc pergant vel missum dirigant, et de omni victo quod per annum ibidem fecerint dent eis ibidem ad area terraticum secundum consuetudinem ipsius loci. et totum ipsum arbustum suo tempore rationaviliter coram eos vindemient et ibique ad palmentum ipsum coram eos rationaviliter vindemient et precurent, et integram medietatem de omni vino quod inde exierit et de pomis quibus per annum ibidem habuerint eis dent, alteram vero sibi habeant. et ipsum zenzalitum omni anno amodo et semper suo tempore vigilent et custodiant et colligant et integram medietatem de omnibus castaneis et zenzalis quibus per annum exinde collexerint bonis siccis ipsis matri et filiis et eorum heredibus vel ipsi misso dent, alteram vero sibi habeant per partes faciendum quod voluerint; et ipsam medietatem, quam ipsis matri et filiis et eorum heredibus vel ipsi misso de suprascripto vino evenerint, ipse Iohannes et suos heredes reponant illud in organeis a vino quod eis adsignaverint, quibus per eos fiant bona conciata et studiata semper et salbum faciant ipso vinum in ipsis horganeis intro ipsam casam usque dum illud inde tulerint absque de generatione et igne. et palmentaticum omni anno per vindemie eis dent secundum consuetudinem ipsius loci, et dum per annum illuc steterint unum ex ipsis matri et filii et eorum heredes vel ipse missus pro ipsos terraticum et vinum et zenzalis et castaneis recipiendum ipse Iohannes et suos heredes eos unum ex eis ut dictum est nutriant secundum illorum possivilitatem. et per convenientiam ipse Iohannes guadiam ipsis Sergio et Lupeno pro parte eorum et ipsarum Blacte et Mucze et Anne et Gemme et Marie dedit et fideiussorem eis pro sua et eorum parte posuit semetipsum, et per ipsam guadiam obligavit se et suos heredes amodo et semper adimplere ipsorum Sergii et Lupeni et Blacte et Mucze et Anne et Gemme et Marie et eorum heredibus omnia sicut suprascriptum est. tantum quale tempore a completis ipsis decem annis amodo ut dictum est numeratis ipse Iohannes et suos heredes ipsam traditionem tenere noluerint, remittant integram ipsam traditionem bonam plantatam, surtam et insitatam et salbam et clausam per circoitum unde meruerit cum ipsa casa cooperta et salba et ipsum palmentum cum susceptorium et horganeis a vino salbis totum rationaviliter ipsorum matri et filiis Blacte et Sergii et Lupeni et Gemme et Mucze et Anne et Marie et eorum heredibus, et ipsi Iohanni et eius heredibus sit licentiam exinde abstraere omnes res suas et ducere eas ubi voluerint absque eorum contrarietate. et si sicut superius scriptum est ipse Iohannes et suos heredes ipsis matri et filiis Blacte et Sergii et Lupeni et Marie et Gemme et Mucze et Anne (et) eorum heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsis Blacte et Sergii et Lupeni et Mucze et Anne et Gemme et Marie matri et filiis (et) eorum heredibus triginta auri solidos constantinatos et sicut superius scriptum est adimplere. verumtamen hoc memorari facio ut omni anno, dum ipse Iohannes et suos heredes suprascriptam traditionem tenuerint, in Nativitate Domini et in Pasca resurrectionis eius portent aut dirigant ad dumus ipsorum matri et filiis et eorum heredibus et eis adsignent xenium sicut iustum fuerit; et si per annum intra ipsam traditionem hortum habuerit, ipse Iohannes et suos heredes portent aut dirigant de eo quod in ipso horto habuerit folia et comentaria ad domus eorum intra hanc civitatem sicut meruerit et iustum fuerit semper; et quicquit ex ipsa traditione frudium amodo et usque duobus annis completis ipse Iohannes et suos heredes tollere et habere potuerint, totum illud sibi habeant et nichil ex eo usque ipsis duobus annis alicui dent per suprascriptam guadiam et obligata pena. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 156-159, Estratto da ALIM