+ In nomine Domini. Vicesimo octabo anno principatus domni nostri Gisulphi gloriosi principis, mense aprili septima indictione. Ante me Siconem comitem et iudicem Maria filia quondam Nicolai, que fuerat uxor Sergii filii quondam Iohannis clerici, et Credisindeo et Purpura et Gemma et Pretiosa filius et filie ipsorum Sergii et Marie, quarum ipsa Purpura uxor fuit Petri vicecomitis et ipsa Gemma est uxor Desidei filii quondam Desidei, dum ibidem ipse Desideus maritus eius adesset, coniuncti sunt cum Cennamo filio quondam Iohannis. et sicut ipsis Marie et Credisindeo congruum fuit, bonis eorum voluntatibus, per hanc cartulam venumdederunt ipsi Cennamo integras omnes res stabiles quas sibi et ipsi Sergio quomodocumque fuerunt et sunt pertinentes foris hac Salernitana civitate in loco Freddaria et per fines et vocavula et pertinentias ipsius loci tam in montibus quam et in planis cum omnibus que intra eas sunt cunctisque earum pertinentiis et cum vice de viis earum et cum sex cartulis ex eo continentibus. Quarum prima scripta est per Mirandum notarium tricesimo primo anno principatus domni Guaimarii et primo anno principatus domni Guaimarii eius filii, mense augusto secunda indictione, in qua Petrus iudex subscriptus est; secunda scripta per Ademarium notarium tricesimo octabo anno principatus ipsius domni Guaimarii et nono anno principatus domni Guaimarii eius filii, mense maio decima indictione et in ea subscriptus est Ragemprandus iudex; tertia et quarta scripte per Petrum notarium octabo decimo anno principatus domni Guaimarii filii domni Guaimarii, mense martio quarta indictione, in quibus Amatus iudex subscriptus est; quinta scripta per Truppoaldum notarium vicesimo quinto anno principatus Salerni domni Guaimarii et quinto anno principatus eius Capue et ducatus Amalfis et Sirrenti et secundo anno suprascriptorum principatuum et ducatuum domni nostri Gisulfi eius filii et primo anno ducatus illorum Apulie et Calabrie, mense augusto undecima indictione, et in ea Ademari iudex subscriptus est; sexta scripta per ipsum Truppoaldum notarium vicesimo septimo anno principatus Salerni suprascripti domni Guaimarii et septimo anno principatus eius Capue et ducatus Amalfis et Sirrenti et quarto anno suprascriptorum principatuum et ducatuum domni Gisulfi eius filii et tertio anno ducatus illorum Apulie et Calabrie, mense augusto tertiadecima indictione, in qua Ademari iudex subscriptus est, et cum omnibus aliis muniminibus ex eo continentibus. ea ratione ut semper sit in potestate ipsius Cennami et heredum eius et liceat illum et eius heredes de eo facere quod voluerint. et propter confirmationem huius venditionis ipsi Maria et Credisindeo susceperunt ab ipso Cennamo statutum pretium auri solidos octoginta et tres in omni deliberatione. et per convenientiam ipsi Maria et Credisindeo et Desideus et Gemma et Purpura et Pretiosa guadiam ipsi Cennamo dederunt et fideiussores ei posuerunt seipsos, et per ipsam guadiam ipsi Maria et Credisindeo obligaverunt se et suos heredes semper defendere ipsi Cennamo et illius heredibus integrum illud quod ei ut suprascriptum est venumdederunt ab omnibus hominibus. ea ratione ut, quando ipse Cennamus et eius heredes ipsos Mariam et Credisindeum et eorum heredes defensores de eo habere quesierint, per omnes vices dent eis suprascriptas sex cartulas salvas habendas per omnes vices diebus sexaginta, et per omnes vices illi et illorum heredes integrum illud quod ei ut dictum est venumdederunt illi et illius heredibus ut suprascriptum est defendant; et post completos ipsos dies per omnes vices cartulas ipsas salbas quales eis date fuerint illis reddant, et tribuerunt licentiam ut quando ipse Cennamus et eius heredes voluerint potestatem habeant illud per se defendere qualiter voluerint, cum omnibus muniminibus et rationibus quas de eo ostenderint. et si, sicut superius scriptum est, ipsi Maria et Credisindeo et illorum heredes ipsi Cennamo et illius heredibus non adimpleberint et suprascripta vel ex eis quicquam remobere aut contradicere presumpserint, per ipsam guadiam obligaverunt se et suos heredes componere ipsi Cennamo et illius heredibus centum auri solidos constantinatos et sicut superius scriptum est adimplere. et per convenientiam, per suprascriptam guadiam ipsi Desideus et Gemma et Purpura et Pretiosa obligaverunt se et suos heredes, si sicut superius scriptum est non adimpleverint et suprascripta vel ex eis quicquam removere aut contradicere presumpserint, componere ipsi Cennamo et illius heredibus centum auri solidos constantinatos et sicut superius legitur adimplere et taciti ex eo permanere et tacere ex eo facerent omnes homines, qui pro parte et dato eorum et heredum illorum eum ipso Cennamo et cum eius heredibus ex omnibus suprascriptis vel de eo causare presumpserint, per iamdictam guadiam et obligationis penam. et ipsi Maria et Credisindeo et Purpura, que a lege suprascripti Petri, qui fuit vir eius, soluta est et Pretiosa suprascripta fecerunt secundum legem et consuetudinem Romanorum et ipsa Gemma suprascripta fecit cum voluntate suprascripti viri sui. quod autem superius inter virgulos scriptum est legitur salvas. Et taliter te Romoaldum notarium scribere precepi. S. Verumtamen hoc memoramus, quoniam ipse Iohannes genitor suprascripti Sergii non fuit clericus sed Romana lege bibebat. Et hoc teipsum Romoaldum notarium subiungere precepi. S. + Ego qui supra Sico comes et iudex.

Source Fulltext: Codex Diplomaticus Cavensis, vol. 09, 218-220, Estratto da ALIM