+ In nomine Domini. Vicesimo octabo anno principatus domni nostri Gisulfi gloriosi principis, mense octubri octaba indictione. Ante me Petrum iudicem Iohannes filius quondam Basilii Greci coniunctus est cum Policarpo filio quondam Constantini Greci, et ipse Iohannes clarificavit se habere terram cum parietibus fabricatis que est foris et prope hac Salernitana civitate in loco ubi Bosanolam dicitur, quam dixit esse per fines et mensuras iusto pede manus hominis mensuratas: a parte occidentis est finis curte comune in qua stillicidium case que intra hanc terram facturi sunt fluere debet et per eam in altum recte per facie parietis fabricati qui intra hanc terram construnctus est, mensurati pedes quattuordecim et uncie due; a parte meridiei est finis alia terra cum casa fabricata ipsius Iohannis qualiter medius paries fabricatus discernit et finis terrolam cum hortu de qua medietatem ipse Iohannes sibi dixit pertinere, et per totam istam partem recte mensurati pedes viginti quattuor et medium; a parte orientis est finis aliorum qualiter limite discernit et intra istam terram prope ipsam finem recte mensurati pedes undecim; a parte septemtrionis est finis sicut totus paries fabricatus qui intra hanc terram construnctus est discernit et secus eum in altum recte mensurati pedes viginti tres et uncie due. et sicut ipsi Iohanni congruum fuit, sua voluntate, per convenientiam, per hanc cartulam venumdedit ipsi Policarpo totam et integram ipsam terram per iamdictas fines et mensuras qualiter prescriptum est, quam se clarificavit habere sicut suprascriptum est, cum omnibus que intro eam sunt cunctisque suis pertinentiis et cum vice et pertinentia de ipsa medietate, quam sibi dixit pertinere, de ipsa terrola cum hortu et cum vice de ipsa curte et via sua et cum ipso stillicidio a foras ipsa mensuria in eadem curte rationaviliter fluente. ea ratione ut integra suprascripta venditio qualiter prescriptum est semper sit in potestate ipsius Policarpi et heredum eius et liceat illum et eius heredes de ea facere quod voluerint. et propter confirmationem huius venditionis ipse Iohannes suscepit ab eodem Policarpo statutum pretium auri tarenos bonos septuaginta et duo in omni deliberatione. et per convenientiam ipse Iohannes guadiam ipsi Policarpo dedit et fideiussorem ei posuit Nikolaum qui dicitur Astaru socerum suum filium quondam Iohannes Greci; et per ipsam guadiam obbligavit se et suos heredes semper defendere ipsi Policarpo et eius heredibus integrum illud quod ei, sicut suprascriptum est, venumdedit ab omnibus hominibus et tribuit ei licentiam ut, quando ipse Policarpus et suos heredes voluerint, potestatem habeant illud per se defendere qualiter voluerint, cum omnibus muniminibus et rationibus quas de eo ostenderint. et si sicut superius scriptum est ipse Iohannes et suos heredes ipsi Policarpo et eius heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Policarpo et eius heredibus triginta auri solidos constantinatos et sicut superius scriptum est adimplere. suprascripto disturbato legitur medietate. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 236-238, Estratto da ALIM