+ In nomine Domini. Vicesimo octabo anno principatus domni nostri Gisulfi gloriosi principis, mense augusto septima indictione. Ante me Petrum iudicem Iohannes filius quondam Iohannis qui fuit filius Iohanni Neapolitani et Amata que est uxor sua ac filia quondam ******* coniuncti sunt cum Vivo vicecomite filio quondam Petri, et per ipsos Iohannem et Amatam ostense sunt due cartule quas feci legere. Prima ex eis continebat qualiter Stavile filius quondam Mirandi, natibus de Transboneia et tunc erat habitantes intra hanc Salernitanam civitatem, et Gemma filia Mauri magistri, qui erant vir et uxor, clarefecerat ipse Stavile habere terra et casa intra hanc Salernitanam civitatem in plaio montis, propinquo aqua de Palma, que ei pertinebat per successione parentum et per suis rationibus; et erat ipsa casa fabricata a super tassum de ipso monte; et terrola vacua habebat a partibus septemtrionis et occidentis, que erat quasi ripa coniuncta ad ipsa casa fabricata que dominaturus ac possessurus erat. et erat totum insimul ipsa terra et casa per fines et mensuras: a parte meridiei finis via publica, inde latitudo pedes undecim minus uncie tres mensuratum per altum a foras scala fabricata eorum de ipsa casa; a parte orientis finis facies de pariete fabricata de casa heredum Iohanni Sclabi qui erat consors eorum, per altum mensuratum pedes triginta minus uncie due; a parte septemtrionis erat latitudo pedes undecim; a parte occidentis finis sicut ripa discernebat et pertangebat in aquarium fabricatum unde suptus terra decurrebat de aqua de ipsa Palma, inde longitudo pedes triginta sex sicut coniungebat in ipsa via priore fine, totum mensuratum ad iusto pede manum hominis. per istas fines et mensuras tres partes erat pertinentes, que congruum erat ei vendere, suprascripti Iohanni genitorius istius Iohanni ac filio memorati Iohanni natibus de terra Neapolim, qui erat tunc habitantes in hac predicta civitate Salernitana; et ipsa Gemma in predicta terra et casa quartam partem profitebat se habere per suum scriptum morgincaph ei emissum per ipso viro suo alia die eorum copulationis et congruum erat ei comuniter cum ipso viro suo illud venumdare suprascripti Iohanni filio Iohanni Neapolitani. et obserbata omnia que in Langobardorum regum edicto scripta sunt de muliere que res suas comuniter cum viro suo venumdare voluerit, ipsi Stavile et Gemma vir et uxor comuniter ante ipsum Grimoaldum comitem et iudicem per ipsam cartulam venumdederant ipsi Iohanni filio suprascripti Iohanni, qui fuerat Neapolitanus, tota et inclita ipsa terra et casa fabricata cum scala fabricata per supradictas fines et mensuras cum omnia intra se habentibus omnibusque suis pertinentiis et cum vice de via ipsa et cum sortione eorum de moniminibus inde pertinentibus ubique illam inbenire poterent, ad securiter et firmiter semper ipse Iohannes et suos heredes illud abendum, dominandum, possidendum, omnia inde faciendum que volerent. et si plus eis pertinebat extra ipsas fines et mensuras ibique coniunctum in partibus occidentis et septemtrionis et meridiei, totum illud ei venumdederant et nullam inde sibi reserbaberant, set ipse Iohannes et suos heredes illud securiter haberent et facerent inde omnia que volerent, sicut ipsa cartula continet que scripta est per Mirandum notarium de vicesimo tertio anno principatus Salerni domni Guaimarii principis et quarto anno principatus eius Capue et tertio anno ducatus illius Amalfi et Sirrenti, mense augusto nona indictione, in qua ipse Grimoalt comes et iudex subscriptus est. Secunda ex eis scripta est per Ademarium notarium tricesimo anno principatus domni nostri Guaimarii qui superius nominatus est et nono anno ducatus illius Amalfi et Sirrenti et sexto anno principatus et ipsorum ducatuum suprascripti domni nostri Gisulfi eximii principis et ducis eius filii, mense martio prima indictione. Qualiter ante Ademarium comitem et iudicem coniuncti fuerant Petrus filius quondam Mitiliani et Iohannes filius quondam Disigi et Iohannes et Roffreda et Petrus germani filii quondam Maraldi et Risus filius quondam Petri et Iaquintus filius quondam Iohanni, toti habitatores de loco Mitiliano, et clarificaverant habere terra comuniter cum Ferrandus filius supradicti Mitiliani et cum Petro nepote ipsorum Petri et Ferrandi intus hanc Salernitanam civitatem iuxta fontana que dicebatur Palma. et dixerant ut de ipsa terra pertineret ipsorum Petri et Ferrandi et predicti Petri nepotis illorum, qui fuerat filius Iohanni germani ipsorum Petri et Ferrandi, inclitam medietatem, et ipsorum Iohanni filii Disigi et Iohanni et Roffrede et Petri filiorum Maraldi et Risi filii Petri et Iaquinti filii Iohanni pertinere de ipsa terra similiter medietatem. et dixerant ut ipsa terra esset per fines: a parte septemtrionis finis ripa unde aqua in ipsa fontana fluebat; ab oriente finis aliqua pars de anditum ubi vicem habebat iamdictus Iohannes filius Iohanni et sericidium de ipsa casa sua ibi fluebat et pergebat ipsa terra iuxta pariete fabricata de ipsa casa predicti Iohanni filii Iohanni, erant inde pedes viginti duo; a partibus meridiei et occidentis erat finis via que pergebat usque predicta ripa unde ipsa aqua fluebat, et querebant aliqua pars ab ipsa parte orientis venumdare de ipsa terra ipsius Iohanni filii Iohanni, cui ipsa casa fabricata erat. et sicut ipsis Petro et Iohanni et alio Iohanni et Roffrede et Petri et Risi et Iaquinti congruum fuerat, bona illorum voluntate, per ipsam cartulam venumdederant de suprascripta terra illorum predicto Iohanni genitoris istius Iohanni ac filio suprascripti Iohanni per mensuria iusto pede manum hominis mensurata iuxta ipsa ripa pedibus duobus, et ab ipsa parte orientis ipsi viginti duos pedes, et ab ipsa parte meridiei iuxta ipsa via pedibus duobus, et a parte occidentis iuxta terra que inde eorum remanserat alii viginti duo pedes, cum omnibus que intra ipsam venditionem erant cunctisque eorum pertinentiis et cum vice de predicta via usque ad predictam fontem semper suprascriptus Iohannes emptor et suos heredes integram suprascriptam venditionem habendum et faciendum de ea omnia que volerent, sicut ipsa cartula continet, in qua ipse Ademarius iudex subscriptus est. Cum autem ipse cartule fuerunt ostense et lecte, clarificaverunt ut de tota ipsa terra et casa fabricata per suprascriptas fines et mensuras, que et qualiter eidem Iohanni genitor istius Iohanni venumdata fuerunt, sicut suprascripte cartule continent, quartam partem pertineret iamdicte Amate uxori istius Iohanni per datum eiusdem Iohanni mariti sui, et tres partes eidem Iohanni sui mariti, qui fuerat filius suprascripti Iohanni filii Iohanni Neapolitani. et sicut ipsis Iohanni et Amate congruum fuit, bona eorum voluntate, per convenientiam, secundum legem et Romanorum consuetudinem, per hanc videlicet cartulam venumdederunt suprascripto Vivo vicecomiti filio suprascripti Petri integram suprascriptam terram et casam per iamdictas fines et mensuras qualiter ipsi Iohanni genitori et soceri eorum filio exdicto Iohanni Neapolitani venumdata fuerant, quemadmodum suprascripte cartule continent iusto pede manus hominis mensuratum, cum omnibus que intra illud sunt cunctisque suis pertinentiis et cum integra vice et pertinentia quam ipsis Iohanni et Amate habere pertinuit in iamdictis viis et in iamdicta fonte et in ipsis et super ipsis viis et iamdicta fonte dixerant, ut ipse Vivus edificia construncta et edificatam haberet sua pertinentia et cum suprascripte cartule. ea ratione ut integra suprascripta venditio qualiter prescriptum est semper sit in potestate exdicti Vivi et heredum eius et liceat illum et eius heredes de ea facere quod voluerint. et propter confirmationem uius venditionis ipsi Iohannes et Amata susceperunt ab eodem Vivo vicecomite statutum pretium auri solidos bonos quadraginta in omni deliberatione. et per convenientiam ipsi Iohannes et Amata secundum legem et Romanorum consuetudinem guadiam ipsi Vivo dederunt et fideiussores ei posuerunt seipsos, et per ipsam guadiam obligaverunt se et suos heredes semper defendere ipsi Vivo vicecomiti et eius heredibus integrum illud quod ei venumdederunt ut dictum est ab omnibus hominibus. ea ratione ut quando ipse Vivus et suos heredes ipsos Iohannem et Amatam et eorum heredes defensores de eo habere quesierint, per omnes vices ipse vicecomes et eius heredes dent eis et eorum heredibus suprascriptas cartulas iusta ratione salbas habendas diebus sexaginta, et tunc per omnes vices ipse Iohannes et iamdicta Amata et eorum heredes integrum illud eidem Vivo vicecomiti et eius heredibus defendant sicut suprascriptum est; et post completos ipsos dies per omnes vices ipsi Iohannes et Amata et eorum heredes cartulas ipsas ambas rationaviliter salbas quales eis datas fuerint ipsi vicecomiti et eius heredibus reddant; et tribuerunt ei licentiam ut, quando ipse vicecomes et eius heredes voluerint, potestatem habeant illud per se defendere qualiter voluerint cum omnibus muniminibus et rationibus quas de eo ostenderint. et si sicut superius scriptum est ipsi Iohannes et Amata uxor eius et eorum heredes ipsi Vivo vicecomiti et eius heredibus non adimpleverint et suprascripta vel ex eis quicquam removere aut contradicere presumpserint, per convenientiam et per ipsam guadiam obligaverunt se et suos heredes componere ipsi vicecomiti et eius heredibus centum auri solidos constantinatos et sicut superius scriptum est adimplere. hec autem omnia suprascripta fecit ipsa Amata secundum legem et Romanorum consuetudinem. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 09, 226-231, Estratto da ALIM