+ In nomine domini nostri Iesu Christi. Anno ab incarnatione eius millesimo septuagesimo quarto et tricesimo secundo anno principatus domni nostri Gisulfi gloriosi principis, mense martio undecima indictione. Dum coram presentia domni Leonis reverentissimi abbati monasteri Sancte et individue Trinitatis quod construnctum est foris hanc Salernitanam civitatem in loco Mitiliano essem ego Petrus iudex, in eadem presentia aderat Constantinus Atrianensis filius quondam Ursi Atrianensis; et ipse Constantinus clarificavit sibi pertinere de octo partibus integram unam partem de tota ecclesia que construncta est foris hanc predictam civitatem in loco Lucanie ubi Tirisinum dicitur ad honorem beati precursoris Domini Iohannis et de omnibus rebus stavilibus et movilibus ipsi ecclesie pertinentibus. et sicut ipsi Constantino congruum fuit, sua voluntate, per convenientiam, per hanc cartulam optulit Deo et in suprascripto monasterio de ipsis octo partibus suprascripte ecclesie et de omnibus rebus stavilibus et movilibus de ipsis octo partibus integram unam partem, cum omnibus intro ipsam partem abentibus cunctisque suis pertinentiis et cum vice de viis suis et cum simile portione de omnibus monuminibus de ipsa ecclesia et de suprascriptis rebus ipsi ecclesie pertinentibus continentibus. ea ratione ut integrum illud quod ipse Constantinus Deo et in suprascripto monasterio sicut suprascriptum est optulit, semper sit in potestate suprascripti domni abbatis et illius successoribus et partibus suprascripti monasterii, et liceat ipsum domnum abbatem et suos successores et pars eiusdem monasterii de eo facere quod voluerint. et per convenientiam ipse Constantinus pro parte suprascripti monasterii guadiam dedit Iohanni eiusdem monasterii monacho dum ydonei interessent homines, et ei pro ipsius monasterii parte fideiussorem posuit Leonem Atrianensem filium quondam Constantini Atrianensis qui dictus est Tomacellu, et per ipsam guadiam obligavit se et suos heredes semper defendere ipsi domno abbati et eius successoribus et partibus suprascripti monasterii integrum illud quod Deo et in eodem monasterio ut dictum est optulit ab omnibus hominibus et partibus; et tribuit licentiam ut, quando ipse domnus abbas et suos successores et partes eiusdem monasterii voluerint, potestatem habeant illud per se defendere qualiter voluerint, cum omnibus monuminibus et rationibus quas de eo ostenderint. et si sicut superius scriptum est ipse Constantinus et suos heredes ipsi domno abbati et eius successoribus et partibus suprascripti monasterii non adimpleverint et suprascripta vel ex eis quicquam removere aut contradicere presumpserint, per convenientiam et per ipsam guadiam obligavit se et suos heredes componere ipsi domno abbati et illius successoribus et partibus suprascripti monasterii quinquaginta auri solidos constantinatos. hec suprascripta fecit ipse Iohannes monachus per licentiam suprascripti domni abbatis. verumtamen hoc memorari facio quoniam de suprascripta ecclesia et de omnibus rebus stavilibus et movilibus ipsi ecclesie pertinentibus dixerunt pertinere ipsi domno abbati et partibus suprascripti monasterii per alias suas rationes integram unam quartam partem et mediam. quod autem superius inter virgulos scriptum est legitur "optulit". Et taliter tibi Iohanni notario scribere precepi. S. + Ego qui supra Petrus iudex. + Ego Iohannes notarius me subscripsi. S.

Source Fulltext: Codex Diplomaticus Cavensis, vol. 10, 14-16, Estratto da ALIM