Cartula continebat qualiter in anno dominice incarnationis millesimo septuagesimo quinto et tricesimo tertio anno principatus domni Gisulfi, mense maio quintadecima indictione, ante ipsum Petrum iudicem abierant Grimoaldus Barbutus filius Iohannis et Aloara uxor eius et Dauferius filius eorum et Miranda filia Alfani comitis, relicta Iaquinti germani suprascripti Grimoaldi, et Guidelaita filia ipsorum Iaquinti et Mirande et Iohannes presbiter, qui pro parte suprascripti episcopii ostenderat suprascriptum preceptum, et ipse Grimoaldus ostenderat unum scriptum per Iohannem notarium scriptum anno vicesimo secundo principatus suprascripti domni Gisulfi, mense decembri secunda indictione. Qualiter Purpura, genitrix ipsorum Grimoaldi et Iaquinti, iudicaverat ipsis filiis suis omnes res suas ad faciendum ex eis illi et eorum heredes quod vellent, sicut ipsum scriptum continebat, in quo ipse Sico iudex subscripserat. Et ipsi Grimoaldus, Aloara, Dauferius, Miranda et Guidelaita manifestaverant et dixerant pertinere parti ipsius episcopii integras suprascriptas terras per iamdictas fines et mensuras, sicut ipsum preceptum ipsius episcopii continet, cum omnibus intro habentibus et suis pertinentiis et cum vice de viis suis, ut semper essent in potestate suprascripti domni Maraldi episcopi et successorum eius et partium suprascripti episcopii, ad faciendum ex eis quod vellent. et obligaverant se et suos heredes semper defendere ipsi domno episcopo et successoribus eius et parti ipsius episcopii de sedecim partibus tres partes de tota suprascripta terra ubi Modiolu et Serra de Stainu dicitur per ipsas fines, sicut suprascripta quarta cartula continet, ab illis hominibus sicut in eadem quinta cartula legitur, extra suprascripta aliquanta terra que intra easdem fines erat, sicut ipsa quinta cartula continet, in qua ipse Petrus iudex et Romoaldus et Iohannes notarii subscripti sunt.

Source Fulltext: Codex Diplomaticus Cavensis, vol. 10, 115-116, Estratto da ALIM