+ In nomine domini nostri Iesu Christi. Anno ab incarnatione eius millesimo septuagesimo quinto et trigesimo tertio anno principatus domni nostri Gisulfi gloriosi principis, mense iulio duodecima indictione. Ante me Petrum iudicem Iaquintus filius quondam Madelmi coniunctus est cum Vivo vicecomite filio quondam Petri, et ipse Iaquintus clarificavit sibi esset pertinente integra terra cum silba, que est foris hanc Salernitanam civitatem in loco Transboneia ubi proprio Calcara dicitur, que est per fines et mensuras iusto passu hominis mensuratas: a parte meridiei finis via que dicitur da Calcara, et per eam mensurati passus septuaginta septem; a parte orientis finis via que ducit per mediam serram que dicitur de Vitemenia et ducit inter hanc et alias res ipsius Iaquinti et aliorum pertinentias et passus centum triginta; a parte septemtrionis ... pertinentias. et sicut ipsi Iaquinto congruum fuit, sua voluntate per convenientiam, per hanc cartulam venundedit ipsi Vivo vicecomiti totam et integram suprascriptam terram cum silba quam sibi ut dictum est clarificavit pertinente esse per suprascriptas fines et mensuras qualiter suprascriptum est, cum omnibus que intro eam sunt cunctisque suis pertinentiis et cum vice de ... unam peciam de terra cum silba que est intra suprascriptam terram cum silba per iamdictas fines et mensuras qualiter suprascriptum est ... , quam ipse Iaquintus per cartulam datum habet Ursi qui dicitur Cafarello filio quondam Sergii castaldei et Iohanni qui dicitur Spiczacanzone filio quondam Mastali Atrianensis, quam dixerunt esse per fines et mensuras iusto passu hominis mensuratas: a parte meridiei finis via que ducit inter hanc et alteram terram cum silba aliorum, et per eam mensurati passus septuaginta quattuor; a parte orientis finis qualiter ascendit per medium lumbonem et per eum mensurati passus triginta septem; a parte septemtrione et passus alii septuaginta quattuor; a parte occidentis et passus triginta septem; et integram portionem quam ipsi Urso de suprascripta pecia de terra ... sicut suprascriptum est habere pertinuit, ipsi Vivo vicecomiti pertinere dixerunt per suas rationes. ea ratione ut integram suprascriptam venditionem qualiter suprascriptum est, preter ipsam peciam de terra per ipsas posteriores fines et mensuras sicut suprascriptum est, de qua etiam ipsam portionem quam ipsi Urso pertinuit eidem Vivo pertinere dixerunt sicut suprascriptum est, semper sit in potestate ipsius Vivi vicecomitis et heredum eius et liceat illum et eius heredes de ea facere quod voluerint; et propter confirmationem huius venditionis ipse Iaquintus suscepit ab ipso vicecomite statutum pretium auri tarenos ex moneta Amalfitanorum viginti in omni deliberatione. et per convenientiam ipse Iaquintus guadiam ipsi Vivo vicecomiti dedit et fideiussorem ei posuit semedipsum, et per ipsam guadiam obligavit se et suos heredes semper defendere ipsi vicecomiti et eius heredibus integrum illud quod ei venumdedit in ea ratione sicut suprascriptum est ab omnibus hominibus, et ipse Iaquintus tribuit ei licentiam ut, quando ipse vicecomes et sui heredes voluerint, potestatem habeant illud per se defendere qualiter voluerint cum omnibus moniminibus et rationibus quas de eo ostenderint; et si sicut superius scriptum est ipse Iaquintus et suos heredes ipsi Vivo vicecomiti et eius heredibus non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Vivo vicecomiti et illius heredibus triginta auri solidos constantinatos, et sicut superius scriptum est adimplere. Et taliter tibi Iohanni notario scribere precepi. S. + Ego qui supra Petrus iudex. S.

Source Fulltext: Codex Diplomaticus Cavensis, vol. 10, 119-121, Estratto da ALIM