+ In nomine domini Dei eterni et salvatoris nostri Iesu Christi. Anno ab incarnatione eius millesimo septuagesimo nono, temporibus domini nostri Robberti gloriosissimi ducis, mense iulio secunda indictione. Ante me Siconem comitem et iudicem Iohannes notarius filius quondam Pandonis coniunctus est cum Iohanne filio quondam Ursi Atrianensis qui dictus est Infresatore, et in manu suprascripti Iohannes notarii paruit unum scriptum per Iohannem notarium scriptum qualiter ... Et cum fuit ostensum, dixerunt ipsi Iohannes notarius et Iohannes filius Ursi ut pro eo quod ipse Iohannes notarius ante paucos preteritos dies appellasset ipsum Iohannem ut iniuste eidem Anne uxoris sue fecisset et ipse Iohannes non fuisset ausus ei iurare sicut iamdictum scriptum continet, ideo devere ei componere ipsos viginti solidos constantinatos; et quoniam ipse Iohannes filius Ursi illos non habuit pro componendos eos eidem Iohanni sicut inter eos convenit, ipse Iohannes filius Ursi per hanc cartulam tradidit ipsi Iohanni notario, cuius uxor Mucza nomine soror germana est suprascripte Anne, integram portionem suam quam ei pertinet de toto eo quod dudum eidem Iohanni et Sergio et Constantino germanis suis per firmam cartulam venundederat Constantina filia Iohannis Atrianensis uxor Iaquinti filii Petri, sicut ipsa cartula continet quam nunc ipse filius Ursi ostendit, que scripta est per Petrum notarium sextodecimo anno principatus domni Gisulfi, mense maio decima indictione, in qua Ursus comes et iudex subscriptus est, et integras res quas eidem Iohanni filio Ursi pertinet habere foris hac civitate in locis Troccle ubi Gattumortu dicitur et Transboneia, cum omnibus que intra ipsam traditionem sunt cunctisque suis pertinentiis et cum vice de andito et viis suis et cum portione sua de suprascripta cartula et de septem cartulis et uno precepto unde aliquantulum in suprascripta cartula declarata est et de omnibus aliis muniminibus suprascriptarum rerum foris hac civitate continentibus. ea ratione ut semper sit in potestate suprascripti Iohannis filii Pandonis et heredum eius et liceat illum et eius heredes de eo facere quod voluerint; et per convenientiam ipse filius Ursi guadiam ipsi filio Pandonis dedit et fideiussorem ei posuit suprascriptum Iohannem filium Constantini de Comite Marino, et per ipsam guadiam ipse filius Ursi obligavit se et suos heredes semper defendere ipsi filio Pandoni et eius heredibus integrum illud quod ei sicut suprascriptum est tradidit ab omnibus hominibus et tribuit ei licentiam ut, quando ipse filius Pandonis et eius heredes voluerint, potestatem habeant illud per se defendere qualiter voluerint cum omnibus muniminibus et rationibus quas de eo ostenderint. et si sicut superius scriptum est ipse Iohannes filius Ursi et suos heredes non adimpleverint et suprascripta vel ex eis quicquam removere aut contradicere presumpserint, per ipsam guadiam obligavit se et suos heredes componere ipsi Iohanni filio Pandoni et eius heredibus centum auri solidos constantinatos et sicut suprascriptum est adimplere. Et taliter tibi Iohanni notario scribere precepi. S. + Ego qui supra Sico iudex.

Source Fulltext: Codex Diplomaticus Cavensis, vol. 10, 284-286, Estratto da ALIM