297 + IN NOMINE SANCTE ET INDIVIDUE TRINITATIS. Robbertus divina favente clementia dux. Nostras ad Deum tendere preces confidimus si dignas petitiones nostrorum fidelium non contempnimus et eosdem fideles nostro beneficio nobis fore credimus fideliores et in nostro servitio promtiores et ceteros ea quæ benefecerimus arbitratos fidelius nostris obedire preceptis. idcirco per interventum domnæ Sichelgaite ducis, dilectæ coniugis nostræ, concedimus tibi Gratiano fideli nostro besterario filio quoddam Roderisi ... terram cum vacuo et casa solarata nostræ reipublicæ pertinentem intra hanc nobis a Deo concessam Salernitanam civitatem in Orto Magno ...utus, et a parte meridiæ confinit platea quæ ducit ad portam que vocatur Eleni et a parte orientis est ... que intra ipsam terram cum casa et vacuo sunt cuntisque suis pertinentiis et cum vice de ipsis platea et via ... fabricata quæ sunt ibique in parte septemtrionis et terra in qua constructæ sunt et de curte commune cui ... qualiter pertinuerat cuidam Matronæ filiæ quoddam Constantini gastaldei uxori Iohannis comitis palatii filii ... Matrone in sorte evenerat ab Antocia germana sua, taliter totum et integrum illud tibi concedimus. ea ratione ut semper sit in potestate tua et heredum tuorum, et tu et tui heredes licentiam habeatis de eo facere quod volueritis, et neque a nostris iudicibus, comitibus neque a quibuscumque actoribus nostre reipublicæ habeatis ex eo quolibet tempore aliquam contrarietatem, sed im perpetuum tu et tui heredes securiter illud habeatis et de eo faciatis quod volueritis omni publica contradictione remota. Textum vero huius nostre concessionis scribere precepimus tibi Ursoni nostro protonotario, anno dominicæ incarnationis millesimo septuagesimo nono, mense septembri concurrente indictione tertia.

Source Fulltext: Codex Diplomaticus Cavensis, vol. 10, 298-298, Estratto da ALIM