+ In nomine domini tertiodecimo anno principatus domni nostri Gisulfi gloriosi principis, mense aprilis, septima indictione. Memoratorium factum a nos mari filius quondam dumnandi de loco nucerie et muscato filio quondam radoaldi, eo quod coram presentia domni iohannis venerabilis archiepiscopi sancte sedis archiepiscopatus huius salernitane civitatis, et coram ydoneis hominibus, per convenientiam, per iussionem ipsius domni archiepiscopi, pro parte suprascripti archiepiscopii tradidimus nobis iaquintus clericus integram tertiam partem de terra cum arbusto pertinente ipsius archiepiscopii, que est in loco ipso nucerie, ubi floccano dicitur, et est tota ipsa terra per fines et mensuras, iusto passu hominis mensurata; Da una parte fine via puplica que ducit ad stabi, est inde per latitudinem passi septuaginta quattuor: De alia vero parte fine alia bia, que coniungit cum ipsa via puplica, est inde similiter per latitudinem passi octoginta duo; et per longitudinem est ab ipsa via puplica et usque ipsa alia via. De iamdicta vero terra per iamdictas fines et mensuras ipse iaquintus tradidit nobis integram tertiam partem, qualiter illut ego predictus mari. de antea per brebem a parte predicti archiepiscopii tenui, et nunc ipsum brebem remisi ego predictus mari ad partem predicti archiepiscopii faciendum quod voluerit. ego predictus muscato in integrum unam suprascriptam tertiam partem ex ipsa terra per brebem a pars ipsius archiepiscopii teneo, ea ratione, ut integram ipsam terram qualiter illam, ut dictum est, ipse iaquintus nobis tradidit de iamdicta terra per iamdictas fines mensuratas, Amodo et semper ad nostram et de nostris heredibus sint potestate illam tenendum, dominandum, fobeas et omnis nostras utilitates iusta rationem ibi faciamus, et unde meruerit illam clusam bonam semper haveamus, et sicut meruerit salbam illam semper haveamus bona, et amodo et semper tota suprascripta traditio omni anno de super et de supter lavoremus, et studiemus, sicut meruerit, et arbores et vites de bono bitineo ibidem plantemus et propaginemus, sicut meruerit, et sic tota suprascripta traditio, ut dictum est, lavoremus et cultemus bona, ut cotidie in melius proficiat et non dispereat, et semper ibidem haveat arbustum bonum de bono vitineo surtum et operatum, et amodo et semper omni anno apto tempore suprascripta traditio seminemus sementem quale ibi meruerit; et omnis lavores quas in suprascripta traditione seminata fuerit, apto tempore studiemus, sicut meruerit, et semper per tempore de aree et de vindemie faciamus scire pars predicti archiepiscopii, ut illuc missum dirigat, et nos et nostros toti ipsi lavori ibidem ad area coram ipso missum studiemus, sicut ipse meruerit, et de omne victum, vel quicquit de supter de suprascripta tradictione exierit, deant ibidem ad ipsum missum terraticum secundum consuetudinem de ipso loco, et totum ipso arbustum et poma, que in suprascripta tradictione habuerit, apto tempore vindemiemus, et colligamus, sicut meruerit, et omnis vindemia indeque ibidem ad palmentum coram ipsum missum procuremus, sicut meruerit, et integram medietatem de omne vino, quod inde exierit, et de ipsa poma, vel de quod exierit desuper de suprascripta tradictio, demus ibidem ad ipsum missum, reliqua medietate nobis haveamus. et ipsa medietate ipsius archiepiscopii de ipso vinum portemus ad cellarium ipsius archiepiscopii, quam habet ad sanctam mariam, pertinentem archiepiscopii de eodem loco nucerie, et reponamus illut salbum in organea, que pars predicti archiepiscopii ibidem nobis vel ad nostros heredes assignaverit; et omni anno de aire de vindemie ad pars predicte ecclesie in ipso cellario dua cercla bona, et ipsum missum et equum illius nutriemus, secundum nostram possivilitatem, dum ibi steterit pro ipso vino et frudia recipiendum. et palmentatica omni anno per vindemie ad pars predicti archiepiscopii demus secundum consuetudinem de ipso loco. et quale tempore suprascripta tradictio nos et nostros heredes tenere et lavorare noluerimus, aut non potuerimus in suprascripta ratione, Tunc inclitam illam laborata, et operata, et surta, et unde meruerit clusa et salba bona remittamus ad pars predicti archiepiscopii faciendum inde quod voluerint; et nos et nostros heredes liceat inde exire cum omnibus nostris causis movilibus, et portare illud ubi boluerimus. et per convenientiam ipse iaquintus guadiam nobis dedit, et fideiussore nobis posuit dalfium clericum filium quondam grisonis, et per ipsam guadiam et convenientiam ipse domnus archiepiscopus obligavit se et successores suos et pars predicti archiepiscopii defendere nobis nostrisque heredibus inclita suprascripta tradictione, qualiter supra legitur, ab omnibus hominibus cum vice de ipsis viis, usquedum illam tenuerimus in suprascripta ratione. et sicut superius scriptum est, ut ipse domnus archiepiscopus et successores suos. et pars predicti archiepiscopii nobis nostrisque heredibus non adimpleverint, et suprascripta vel exinde remobere aut contradicere presumpserint, per ipsam guadiam obligavit se et successores suos, et pars predicti archiepiscopii componere nobis nostrisque heredibus triginta auri solidos constantinos. Quod scripsi ego iohannes notarius. + Ego iohannes clericus et notarius qui et subscribsi. + Ego amatus presbiter et cardinalis. + Ego marinus clericus et primicerius. + Ego landolfus notarius me subscripsi.

Source Fulltext: Codex Diplomaticus Cavensis, vol. CDC.007, -, Estratto da ALIM