+ In nomine domini, octabodecimo anno principatus domni nostri Gisulphi gloriosi principis, mense martio, duodecima indictione. Ego Iohannes domini gratia abbas ecclesie sancte et intemerate dei genetricis marie, que condita est intra hanc salernitanam civitatem, et pertinet heredum domni iohannis olim principis, per convenientiam tradidi leoni varrilario filio quondam iohannis: dum idonei homines interessent, de terra cum casa fabrita solarata, pertinente ipsius ecclesie foris hanc predictam civitatem, quam pridem ille et maurus cannabarius fabricare fecerunt, que est per fine et mensuria iusto pede manus hominis mensurata: a parte orientis finis sicut discernit paries fabritus de casa ipsius ecclesie, quam retinet falco barisanus, et pedes undecim: a parte meridiei finis terra ipsius ecclesie, et pedes quattuor: a parte occidentis finis anditu ipsius ecclesie, quod ducit a portella, que pene eadem casa facta est in muro istius civitatis, quod pertinet ipsius ecclesie, et pedes undecim: a parte septemtrionis finis ipsum murum, et pedes viginti quattuor. integram tertiam partem de catodeo et duas partes de solario in parte orientis cum vice de via sua. Tali vero hordine, ut amodo et usque completi viginti et nobem anni sit in potestate ipsius leonis et heredum eius et hominum, quos ibi mittere voluerint ad habitandum, eam tenendam et dominandam, fobeas et omnes suas utilitates iusta ratione ibi faciant et habeant, qualiter voluerint, Necnon et tradidi suprascripti leoni in suprascripto hordine menianum, quod factum est ante ipsam casam, per latitudinem ab ipsa casa in parte meridiei pedes octo, et per longitudinem ab orientali cantone ipsius case in parte occidentis pedes duodecim ad suprascriptum pedem mensuratos cum duabus ligneis columniis in ipsam terram per substentationem iamdicta mensuria fixis, et cum scalam ligneam in ipsam terram iuxta ipsam casam positam. Ita tamen ut si voluerint, faciant edificium super ipsum menianum qualiter voluerint iusta ratione, et quando necessum fuerit, ipsam traditionem conciare faciant, et quod censum et dationem ex ipsa traditione tollere et habere potuerint, infra ipsos annos totum sibi habeant, faciendum quod ex eo voluerint. Et pro tributo suprascripte traditionis ipse leo et suos heredes dent michi meisque successoribus vel parti ipsius ecclesie per omnem ipsorum annorum annum quattuor auri tarenos bonos, quos per caput sine iuncta per hanc terram dari possamus. Completis vero ipsis annis inclitam ipsam traditionem conciata, coperta, clusa bona cum regiis et clabibus, et salba cum ipsis meniano et casa remittant michi meisque successoribus vel parti ipsius ecclesie, faciendum quod voluerimus; et illi et homines quos ibi miserint, liceat ex ea abstraere omnes res suas et ducere quo voluerint. et per convenientiam ipse leo guadia michi dedit et fideiussorem michi posuit seipsum. et per ipsam guadiam obligavit se et suos heredes, si ipso tributo omni anno de suprascripto mense, sicut dictum est, non dederint, et sicut suprascriptum est, michi meisque successoribus et parti ipsius ecclesie non adimpleverint, et suprascripta ex eis quicquam removere aut contradicere presumpserint, componere michi meisque successoribus et parti ipsius ecclesie triginta auri solidos constantinianos; et taliter scripsit iohannes notarius. + Ego ademarius notarius me subscripsi. + Ego romoaldus notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM