+ In nomine domini nonodecimo anno principatus domni nostri Gisulphi gloriosi principis, mense iunio, tertiadecima indictione. Ante me petrum iudicem vivo castaldeus filius quondam petri coniunctus est cum iohanne notario, et ipse vivo clarificavit se habere duas pecias de terris foris hac civitatem salernitanam in loco transboneia ubi fagitu dicitur, quas dixit esse per fines et mensuras iusto passu hominis mensuratas. Prima ex ipsis peciis est terra cum castaneto et aliquanti inserti, a parte occidentis finis via communis, et per eam recte prope ipsam terram mensuratas passi octoginta octo: a parte meridiei finis terram cum castaneto et insiteto, in qua ipse vivo et pars monasterii sancte et individue trinitatis, quod dedicatum est in loco mitiliano, in quod domnus leo vir venerabilis divina providentia fretus abbas esse dinoscitur, portiones habente, et per ipsam finem recte mensuratos passi quadraginta quattuor: a parte orientis passi octoginta: a parte septemtrionis passi viginti. Secunda ex ipsis peciis est terra cum insiteto et vacuo: a parte occidentis finis ipsius vivi et passi triginta duo recte mensuratos: a parte meridiei similiter finis ipsius vivi, et recte mensuratos passi octoginta: a parte orientis gilium vallonis quod sabuculum dicitur, et prope eum intra ipsam terram recte mensuratos passi triginta quattuor: a parte septemtrionis passi nonaginta duo recte ab ipso cilio mensuratos, et in medium per trabersum mensuratos passi triginta duo. et sicut ipsi vivo congruum fuit sua voluntate per convenientiam per hanc cartulam vendidit ipsi iohanni notario pro parte suprascripti monasterii integras ambas suprascriptas pecias de terris per iamdictas fines et mensuras, et quantum est ab ipso cilio usque in medium ipsum vallonem per latitudinem et per longitudinem, quantum suprascripta secunda pecia ibi retinet, cum omnibus intra ipsas pecias de terris et intra illud quod est ab ipsa mensura de ipsa secunda pecia usque in medium ipsum vallonem habentibus cunctisque earum pertinentiis et cum vice de ipsa via et de aliis viis suis; ea ratione, ut semper integra suprascripta venditio sit in potestate ipsius domni abbatis et successorum eius et partibus ipsius monasterii de ea facere quod voluerint: et propter confirmationem uius venditionis ipse vivo per convenientiam suscepit ab ipso iohanne notario pro parte ipsius monasterii statutum pretium auri solidos quadraginta et unum, quorum quisque habebat tarenos quattuor in omni deliberatione. et per convenientiam ipse vivo guadiam ipsi iohanni notario pro parte ipsius monasterii dedit, et fideiussorem ei pro ipsius monasterii parte posuit maurum qui dicitur clezita filium quondam sergii atrianiensis, et per ipsam guadiam obligavit se et suos heredes semper defendere ipsi domno abbati et successoribus illius et partibus ipsius monasterii integrum illud quod ipsi iohanni notario, sicut suprascriptum est, vendidit ab omnibus hominibus. et tribuit licentiam, ut quando ipse domnus abbas et successores suos et pars ipsius monasterii voluerint, potestatem habeant illud per se defendere, qualiter voluerint, cum omnibus muniminibus et rationibus, quas de eo ostenderint. et si, sicut superius scriptum est, ipse vivo et suos heredes ipsi domno abbati et successoribus illius et partibus ipsius monasterii non adimpleverint, et suprascripta vel ex eis quicquam remobere aut contradicere presumpserint, per ipsam guadiam obligavit se et suos heredes componere ipsi domno abbati et successoribus illius, et partibus ipsius monasterii centum auri solidos constantinos, et, sicut superius scriptum est, adimplere. et taliter tibi iohanni notario scribere precepi. + Ego qui supra petrus iudex.

Source Fulltext: Codex Diplomaticus Cavensis, vol. CDC.008, -, Estratto da ALIM