+ In nomine domini nonodecimo anno principatus domni nostri gisulfi gloriosi principis, mense ianuario, quartadecima indictione. Ante me petrum iudicem ursus filius quondam sergii castaldi qui dictus est cafarellum, et pulissena uxor eius filia quondam alferi, coniuncti sunt cum manso atrianensis filio quondam constantini, qui dictus est tumacellum: et ipsa pulissena clarificavit se abere una pecia de terra cum binea et cannietum foris hanc salernitanam civitatem in locum transboneia, ubi trocclo dicitur: et dixit ipsam terram esset per fines et mensuras iusto passu hominis mensuratas. A parte septemtrionis finis ipsius mansonis et de germani sui, et passi quadraginta octo. A parte orientis finis medio ballone, et per eum mensurati passi sidecim. A parte meridie passi quadraginta nobem. A parte occidentis passi tridecim et medium. Et bolevat ipsa mulier, conscentienti ei ipso viro suo, illud benundare ipsi mansonis et observantes ea que in langobardorum regum edictum scripta sunt de muliere que res sua consentiente biro suo benundare boluerit suum abet ipso viro suo, fecerunt notitia ad duos parentes qui ipsi pulissene propinquiores sunt; et in presentia ipsorum parentum et mea ipsa pulissena nullam se dixit patere biolentia, nisi voluntate sua ipsa pecia de terra, consentiente ipso biro suo, se dixit benumdare. Et ego in hac cartula manum pona quam petrus scribit cum notitia ipsorum parentum et mea scribit; ut ab hoc die hoc quod vendiderit stabilem deveat permanere. Quo ita facto ipsa pulissena, sicut ei congruum fuit, sua boluntate per hanc cartulam consentiente ei ipso biro suo, benundedit ipsi mansonis integra suprascripta pecia de terra per suprascriptas fines et mensuras cum omnibus que intra eam sunt, cunctisque eius pertinentiis, et cum bice de bia sua; ea ratione ut integra suprascripta benditio, sicut supra legitur, semper sit in potestate ipsius mansonis, et leoni et ursi germani sui, et de illorum heredibus; et liceat illis et illorum heredibus de ea facere quod voluerint, et pro parte confirmationem uius benditionis, ipsa pulissena, consentiente ei ipso biro suo, suscepit a predicto mansone statutum pretium aureos tarenos quadraginta quattuor in omni deliberatione. Et per combenientia ipsi ursus et pulissena vir et uxor guadiam ipsi mansonis dederunt, et fideiussorem ei posuerunt petrum filium quondam iohanni qui postmodum monachus fuit, et dictus est scaciaracia; et ipse manso ipsa guadia et predictus fideiussor suscepit pro parte sua et pro parte leoni et ursi germani sui, filii suprascripti costantini; et per ipsam guadiam ipsa pulissena, consentiente ei ipso viro suo, obligavit se et suos heredes semper defendere ipsorum germanorum et ad illorum heredibus integram suprascripta benditio, sicut supra legitur, hab omnibus hominibus et partibus. et ipsa pulissena, consentiente ei ipso biro suo, tribuit ipsi mansoni licentia, ut quando ille et predicti germani sui et illorum heredibus voluerint, potestatem habeant suprascripta venditione per se defendere, qualiter voluerint, cum omnibus muniminibus et rationibus quas de ea ostenderint. Et si, sicut superius scriptum est, ipsa pulissena et suos heredes ipsorum germanorum, et ad illorum heredibus non adimpleberint, et suprascripta vel ex eis quicquam remobere aut contradicere presumpserint, per ipsam guadiam, consentiente ei ipso biro suo, obligavit se et suos heredes componere ipsorum germanorum et ad illorum heredibus triginta auri solidos constantinos; et sicut superius scriptum est adimplere: et ipse ursus filius predicti sergii, per combenientiam per suprascripta guadia obligavit se et suos heredes, si suprascripta vel ex eis quicquam remobere aut contradicere presumserint, componere ipsorum germanorum et ad illorum heredibus triginta auri solidos constantinos, et taciti ex oc adbersus illos permanerent. Verumtamen quum ipsa pulissena reserbavi via per ipsa rebus ad consortes suos que per legem illam ibi abere debet; ut per ipsam via ingredi et regredi possant cum illorum congruitatis, iusta ratione. Et quod superius inter virgulas scriptum est, dicit et mensuras; et ipsum disturbatum in uno loco legitur, se nullam se dixit pateret; et in aliis loco legitur, et taciti ex oc adbersus illos permanerent. et taliter te petrum notarium scribere precepi interfuisti. + Ego qui supra petrus iudex.

Source Fulltext: Codex Diplomaticus Cavensis, vol. CDC.008, -, Estratto da ALIM