+ In nomine domini vicesimo anno principatus domni nostri Gisulphi gloriosi principis, mense iulio, quartadecima indictione. Dum in sacro monasterio quod conditum est foris hanc salernitanam urbem, prope litus maris in loco qui nuncupatur ercle ..... sancte semperque virginis dei genitricis marie in quod domnus marinus venerabilis abbas preest essemus nos sico comes et iudex, et iohannes iudex; et ibidem adessent antimus amalfitane civitatis iudex et plures alis homines ………… vivo castaldeus patrie huius, filius quondam petri et pantaleoni predicte civitatis, filius quondam iohannis de leone de gutto, de iohanne de domna blatta, ad faciendum inter se finem de causationibus quas inter se …….. cetaria et carbonaria. Et per partes ostenderunt sua munimina. Ipse vivo ostendit cartulas sex, et ipse pantaleon ostendit cartulam unam, et per partes manifestaverunt pluras cartulas .... hoc non ostenderint. Prima quidem legere fecimus ipsas cartulas quas ipse vivo ostendit, prima ex eis scripta per barbatum notarium, quarto anno principatus domni sicenolfi, mense nobembri, octaba indictione. Acipertus atrianensis filius quondam ………. cartulam, bona eorum voluntate vindederant iohanni filio ianniperti totas et integras res illorum quas communiter habebant in montibus in locis cetaria et in faleczo et carvonaria, et septem arboribus ...... sancti cesarii, et fine caputaque, sicut finis ipsius iohannis discernebat. A parte meridie fines pede montis faleczi, sicut valle discernebat, et descendente in fluvio de cetaria, et prevaricante ipsa ……. valle maiore, et per ipso vallone saliente in toro de imbrici, et rectum exiente in fluvio de carvonara, de super parte finis serre montis. Infra ipsas fines totum inclitum ipsi iohanni venumdederant cum castanietum …….. cum omnia infra se habentibus, et cum vice de viis suis, et ubicumque exinde inventus dederit, nec sibi, nec alio homini nichil exinde reserbaverant; sed in integrum ipsi iohanni venumdederant, sicut ipsa ……… a testibus rovorata est. Secunda cartula scripta per ursum presbiterum et notarium, quadragesimonono anno principatus domni guaimarii principis, et octabo anno domni gisulfi eius filii, mense aprili, quartadecima indictione. Maraldus et iohannes germani filii iohanni per convenientiam pro vice sua et de consortibus suis tradiderant ad lavorandum campuli filii leonis de cercle de terris eorum vacue, quas commune habebant in montibus in suprascriptis locis cetaria et faliczu et carbonaria, et septem arboribus, et ferolitu finibus mitilianense usque sex annos completos; et erat ipsas res per ipsas fines, sicut suprascripta prima carta continet, ut liceret illum et homines quos ibi ad lavorandum miserat ipse terris lavorare et silvas indeque roncare, et annualiter ipse terris seminare usque ipso constitutum, et de quod annualiter ibi seminarent, darent eis terraticum secundum consuetudinem de ipso loco, sicut ipsa carta continet, in quam tenpus et guisenolfus testati sunt. Tertia cartula scripta per antipertum notarium, vicesimo anno principatus suprascripti domni gisolfi, mense septembri, undecima indictione. Ingelgardus clericus filius ingelgardi, et garofalus filius lioperti pro vice sua et de consortibus suis tradiderant ad lavorandum stephano qui vocabatur scontratu, abitatori de tragoneia ipsas res eorum per suprascriptas fines quas commune habebant; ut usque octo anni completi quantum inde ille et homines quos ibi miserint ad lavorandum, et de quod annualiter ibi seminaverint darent eis terraticum secundum consuetudo de ipso loco, sicut ipsa carta continet, in qua machenolfus et ragemprandus subscripti sunt. Quarta cartula scripta per ildericum subdiaconum et notarium, tricesimo tertio anno principatus suprascripti domni gisolfi, mense augusto, octaba indictione. Ipse ingelgardus clericus filius ingelgardi ante presentia maioni castaldei et testium tradiderant birino naturalis filius magenolfi de loco transboneia res suas quas habebat cum consortibus suis, que erat silva, et quercietum in monte de faleczo, .... et ferolitu, ut usque tres anni potestatem haberent in ipsis rebus cesina facere et roncare et zappare et seminare, et de quale semente ibi seminaverint dare eis terraticum secundum consuetudinem de ipso loco, sicut ipsa cartula continet ……… et petrus subscripti sunt. Quinta cartula scripta per ipsum ildericum subdiaconum et notarium, nono anno principatus domni iohanni, et tertio anno domni guaimarii eius filii, mense nobembri, quinta indictione. Disiio et lando germani filii cuidam ingelgardi presbiteri, ante alfanum comitem …….. atque dederat petro monacho filio quondam campuli de aliola finibus amalfitanorum, terris et cum silvis de monte de caronara et de montibus de loco cetara finibus salernitana, quas communiter habebant cum consortibus suis per suprascriptas fines, velut ipsa prima cartula continet, pro vice sua et de consortibus suis tradiderat ad roncandum et cesine faciendum, et lavorandum, et seminandum usque tres frudia, et omne annum dare inde eis terraticum, secundum consuetudinem de ipso loco, sicut ...... cartula continet, in qua ipse alfanus et leo presbiter subscripti sunt. Sexta cartula scripta per alderisium notarium, quintodecimo anno principatus domni guaimarii, mense martio, prima indictione. Ipsi disiio et lando filii suprascripti ingelgardi presbiteri ante testes dederant ipsum annum licentiam et potestatem iohanni magistri filii sergii monachi, ut ille et homines quos misisset abscidere lignamina per montanea eorum quantu ei fuerit necesse ad sufficiendum per cetara, et carbonara, et ferolitu, et falerzu, que erant pertinentes eorum per gradum successionis, et ille et eius heredes darent exinde illis et eorum heredibus servitium medium tarenum, sicut ipsa carta continet, in quam dilectus presbiter et notarius et urso subscripti sunt. Postmodum vero legere fecimus ipsa cartula quam ipse pantaleon ostendit, et continebat qualiter ipse prefatus iohannes et guttus filius suprascripti leonis de gutto de iohanne de domna blatta diviserant et diffinierant per ipsam cartulam merissi divisionis plenarias et integras terras vacuas et silvas in citara positas, tam de montibus quam et de planis cum plenariis et integris tigilletis ibidem habentibus, et cum omnibus sibi habentibus et pertinentiis, excepto ipso quod de antea divisum habebant quam, et cum omnia cum omnibus, quantum habebant intrans predicti loco nominato iaole, et iosano, et ad fabricam, quas ipse guttus diviserat per medium in duabus partibus, et pro eo quod diviserat illud tenebat sibi in manu de causa commune plenaria et integram totam terram vacuam et silvosa de ...... citara positam, sicut demonstrabat de super ipsa fine, ubi erat ipsa via, ubi fines factam habebant cum aliolensis et cercensis de suptus fine mare, de uno latere fine causa suprascripti monasterii de ercle, sicut descendebat in iusu a predicto ...... causa eorum et predicto monasterio per ipsam finem usque in mare per fines de bela collata. et de alio latere, sicut ascendebat in susu in ipso capite eorum a citara per ipsum torum per finem ipsius gutti, et in susu per medium ipsum torum per finem ipsius iohannis …….. ipso monasterio et de veterensibus retraversando a capite desuper ipsis veterensibus et inde in quercum ubi baptiderat crucem que erat in latere predicte vie. Ipsud vero aliud diviserant per medietate in duas portiones, sicut tunc dicebant, ut aptiderant crucem in castanea grossa, sicut tunc dicebant de suptus et de super, et inde limpido descendente in iusu, sicut demonstrabant cruces. ipsas quas baptiderant per ipsas castaneas usque in ipsam castaneam ubi erat ipsa crux, de suptus inde retraversando angulum in da occidente usque in piczu de ipso primo monte ubi erat licina in capite, et ab ipso monte retraversando limpido descendente in iusu in da parte meridie, sicut discernebat per medium tracturarium que erat in medio lamas usque in flumen de plenario ipso qui erat a parte orientis cum omnia sua pertinentia. Unde nichil exceptuaverant, sicut demonstrabant desuper suprascripta via in quantum eorum pertinente erat et de suptus et de uno latere usque in medium flumen, et de alio latere. A parte occidentis, sicut superius dixerant et cum plenario ipso a transmonti insertetum et castanietum vacuum et plenum cum omnibus sibi habentibus et pertinentibus; unde nichil exceptuaverant fecerant esse unam portionem, et de plenario ipso aliquo qui erat a parte occidentis cum omnibus sibi habentibus et pertinentibus, unde nichil sceptuaverant, sicut demonstrabant desuper suprascripta via, in quantum eorum pertinente erat, et de suptus finis medium flumen; et de uno latere a parte occidentis, sicut demonstrabat suprascriptus quercus, ubi baptiderant predictam crucem et inde in iusu per finem ipsius gutti de ipso quod in manu tenebat, et per finem de suprascriptis veterensis usque in finem de predicto gutto, et inde retraversando angulum in iusu per finem ipsius gutti usque in flumen fecerant aliam portionem, qui voluisset ambulare per ipsam viam, que tunc facta erat, potestatem haberent cum bobibus iunctis et cum tracto, et cum omnia causa. verumtamen quale pars de illud suprascriptum aliquid perdiderint, non quereret ad aliam partem restaurationem, quia sic eis steterat. Quarum ipsi iohanni tetigerat in portionem ipso qui superius legitur, qui erat a parte occidentis, cum omnibus sibi habentibus et pertinentibus, quomodo superius legitur; et ipsius gutto tetigerat in portionem ipsam suprascriptam alia portione a citara et ipso a transmonti, sicut erat cum omnia sua pertinentia, et sicut superius legitur, et in omnibus exinde diffinierant, et sibi exinde adpreenserant, ad faciendum exinde unusquisque ex eis de sua portione quod volerent, sicut ipsa cartula continet in qua leo filius pando de tauro comite, et constantinus filius constantini filii mauri de leopardo, et lupinus filius leonis filii stephani filii lupini comites testes sunt; et scriptum est per sergium presbiterum scriba, die nonadecima mense magii, indictione octaba. Cum autem suprascripte cartule fuerunt ostense, diu inter se ipsi vivo et pantaleon altercantes volebat sibi ipse vivo cum partibus monasterii sancte et individue trinitatis quod conditum est foris hanc predictam urbem in loco metiliano in quod domnus leo venerabilis abbas preest, et cum alii eorum consortibus habere ipsas res per suprascriptas fines, velut ipse cartule, quas ostense continent. Item contra ipse pantaleon dicebat sibi et maraldo germano suo filio suprascripti iohannis ex ipsis rebus pertinere illud quod ipse iohannes genitor eorum in portionem compreenserat, sicut suprascripta carta quam ostendit continet, et que ille cum ipso maraldo germano suo, quem ipse genitor eorum per expletis quadraginta annos illud possedisset. Nos autem talia audientes super ipsis rebus cum ipso antimo iudice et cum alio perreximus et studiosius illud perscrutavimus et invenimus ipsos pantaleonem et maraldum possidentes ex ipsis rebus terram cum castaneto et silva et vacuo per has fines: de super parte fine via puplica, de alia parte fine de alii qui sunt heredes suprascripti gutti; de alia parte fine de hominibus huius nostre patrie quos dicuntur veterensis, et finis suprascripti monasterii sancte marie de loco ercle, et de alia parte fine ipso fluvio de cetaria que est a parte orientis. Cum autem taliter ipsos pantaleonem et maraldum possidentes invenimus, sicut inter ipsos pantaleonem et vivum convenit, nos et ipsi antimi iudicavimus, et eos guadiare fecimus, ut pro parte plicarent se, et ipsi vivo pararet sancta dei evangelia, et ipse pantaleon secundum legem per sacramentum ad ipsa evangelia ipsi vivo iuret, ut quem ille cum ipso germano suo, que ipse genitor eorum per expleti quadraginta anni ipsas res per suprascriptas fines quas possidendum eos invenimus, possedisset, et sibi et ipsi maraldo legibus esse pertinentem; et ubi taliter iuramenta iam semper ipsi pantaleon et maraldus et illorum heredes securiter habeant ipsas res per suprascriptas fines, de quam iuraverit, sicut scriptum est, et faciant ex ea quod voluerint, absque contrarietatem ipsius vivi et heredum eius, et partibus suprascripti monasterii sancte trinitatis et aliorum consortium eorum; et pro parte fideiussore inter se posuerunt seipsos. postmodum vero nos ipsi pantaleon et vivo plicati in eodem monasterio sancte marie, coram nobis et ipso antimo, et aliis per ipsum vivum parata sunt sancta dei evangelia, et ipse pantaleon paratus fui ipsum sacramentum dandum, sicut suprascriptum est; set antequam sacramentum ipsum fieret, colloquio nostro et aliorum hominum, horta est inter eos sicut inferius declarabitur convenienter. Ipse autem vivo per susceptum launegilt donavit ipsi pantaleoni ipsum sacramentum, et ipse pantaleon viginti quattuor auri tarenos dedit ipsi vivo, et ob hoc ipse vivo manifestavit ipsi pantaleoni de suprascripta terra per iamdicta fine, de qua, ut suprascriptum est, iurare debuit; ut semper integram eam cum omnibus intro habentibus cunctisque suis pertinentiis, et cum vice de ipsa via sit in potestate ipsorum pantaleonis et maraldi, et heredum eorum, ad faciendum ex ea quod voluerint. et per convenientia ipse vivo et iohannes monachus suprascripti monasterii sancte trinitatis per iussionem ipsius domni leonis abbatis, guadiam ipsi pantaleoni pro parte sua et ipsius maraldi germani sui dederunt, et fideiussorem ei pro sua et illius parte posuerunt ursum filium quondam mauri atrianensi, qui dictus est caputu; et per ipsam guadiam ipse vivo obligavit se et suos heredes semper defendere ipsis pantaleoni et maraldo et eorum heredibus integrum illud, de quo, ut suprascriptum est, ipsi pantaleoni manifestavit ab omnibus hominibus habitatoribus de ipso loco metiliano et aliorum heredibus, et ab omnibus hominibus quibus per ipsos homines et per eorum heredes et per ipsum vivum, et per eius heredes illud vel ex eo datum aut obligatum vel manifestatum seu quomodocumque alienatum paruerit, et qui per eorum partes et dato quascumque causatio ex eo ipsis pantaleoni et maraldo et eorum heredibus preposuerint, et ipse domnus leo abbas per ipsam guadiam et per convenientiam dum ydonei homines interessent obligavit se et successores suos et partes suprascripti sui monasterii semper defendere ipsis pantaleoni et maraldo et eorum heredibus integrum illud de quo ipse vivo, ut suprascriptum est, manifestavit ab ipso iohanne monacho filio quondam petri, et a iaquinto monacho ipsius monasterii filio quondam igni, et a magenolfo filio quondam iohannis et ab eorum heredibus et ab omnibus hominibus, quibus per eos et per eorum heredes et per ipsum domnum leonem et per successores eius et pro parte suprascripti sui monasterii illud vel ex eo quomodocumque datum aut obligatum vel manifestatum seu alienatum paruerit; et quibus per eorum parte et dato quascumque causationes ex eo ipsis germanis et eorum heredibus preposuerint, ab aliis autem hominibus et cum voluerint ab omnibus hominibus ipsi germani et eorum heredes licentiam habeant illud per se defendere, qualiter voluerint, cum omnibus muniminibus et rationibus quas de eo ostenderint. Et si, sicut superius scriptum est, ipse vivo et eius heredes, et ipse domnus leo et successores eius et pars suprascripti sui monasterii ipsis germanis et eorum heredibus non adimpleverint, et suprascripta vel ex eis quicquam removere aut contradicere presumpserint, per ipsam guadiam ipse vivo obligavit se et suos heredes, et ipse domnus leo obligavit se et successores eius et pars suprascripti monasterii componere ipsis pantaleoni et maraldo et eorum heredibus quingentos auri solidos constantinos. quod autem superius inter virgulos scriptum est, legitur suprascripti. Et taliter tibi iohanne notario scribere precepimus. + Ego qui supra iohannes iudex. + Ego qui supra sico comes et iudex. + Ego qui supra leo abbas. + Ego romoaldus notarius me subscripsi. + Ego alderissi notario me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM