+ In nomine domini vicesimo anno principatus domni nostri gisulfi gloriosi principis, mense octobri, quintadecima indictione. Ante me siconem comitem et iudicem adelarius, filius quondam romoaldi, coniunctus est cum leone, qui cognominatur cancellaru, filius quondam constantini. Et sicut ipsi adelario congruum fuit sua voluntate per hanc cartulam venumdedit ipsi leoni de rebus suis quas habet foris hanc civitatem salernitanam in latere montis de loco transboneia, ubi proprio traverse dicitur, terram cum castaneis et silba per fines et mensurias, iusto passu hominis mensuratas. A parte orientis finis via, que ducit inter hanc terram et terram cum castaneis, quam ipsi leoni pertinet, a parte ipsius adelarii, et terram aliorum, que fuit ipsius adelarii, et per ipsam viam rectum iuxta ipsam terram, mensurati passi septuaginta duo. A parte meridiei finis res ipsius adelarii et passi sexaginta. A parte occidentis similiter finis res ipsius adelarii et passi septuaginta duo. A parte septemtrionis finis res aliorum et passi sexaginta, Cum omnibus intra suprascriptam terram per iamdictas fines et mensurias habentibus, cunctisque suis pertinentiis et cum vice de ipsa via. Ea ratione ut semper sit integra suprascripta venditio in potestate ipsius leonis et heredum eius et liceat illum et eius heredes de ea facere quod voluerint. Et propter confirmationem huius venditionis ipse adelarius accepit ipso leone statutum pretium auri tarenos nonaginta sex in omni deliberatione. Et per convenientiam ipse adelarius guadiam ipsi leoni dedit et fideiussorem ei posuit amatum filium quondam petri. Et per ipsam guadiam ipse adelarius obligavit se et suos heredes semper defendere ipsi leoni et illius heredibus integrum illud quod ei, sicut suprascriptum est, venumdedit ab omnibus hominibus. Et tribuit ei licentiam, ut quando ipse leo et eius heredes voluerint potestatem habeant illud per se defendere qualiter voluerint cum omnibus muniminibus et rationibus, quas de eo ostenderint. Et si, sicut superius scriptum est, ipse adelarius et suos heredes ipsi leoni et illius heredibus non adimpleverint et suprascripta vel ex eis quicquam removere aut contradicere presumpserint per ipsam guadiam ipse adelarius obligavit se et suos heredes componere ipsi leoni et illius heredibus quinquaginta solidos constantinos et, sicut superius scriptum est, adimplere. Et taliter tibi iohanni notario scribere precepi. + Ego qui supra sico comes et iudex.

Source Fulltext: Codex Diplomaticus Cavensis, vol. CDC.008, -, Estratto da ALIM