+ In nomine domini vicesimo tertio anno principatus domni nostri gisulphi gloriosi principis, mense aprili, secunda indictione. Dum petrus filius quondam alfani comitis ut habet casus humane fragilitatis egrotaret quamquam in lectulo iaceret viveret et recte loqui posset, per hoc scriptum iudicii et dispositionis coram me sicone comite et iudice et aliis pro anima sua iudicavit et disposuit, quod de rebus suis post suum hobitum fieret et quod iudicavit et disposuit in manus commisit iohanni comiti cognato suo filio quondam alfani comitis. Primum quidem iudicavit ut post eius hobitum integras res suas quas ei pertinuit et pertinet foris hanc civitatem ultra fluvio lirino ubi proprie pratora et monte vetranum dicitur cum omnibus intra habentibus cunctisque suis pertinentiis et cum vice de via sua sit in potestate ademarii naturalis filii sui et heredum eius, ad faciendum ex eis ipse ademarius et eius heredes quod voluerint. Sub hac videlicet ratione, ut si quoquo tempore ipse ademarius et eius heredes ipse res vel ex eis daturi aut vendituri seu alio modo alienaturi fuerint, Venderent eas alfano fllio ipsius petri quem sibi ipse petrus heredem instituit et illius heredibus pretio quo per doctos et deum timentes homines iuxste fuerint adpretiate. et faciant ipsum alfanum et eius heredes scire pro eas emendare per tertio constituta usque diebus triginta sex. et si intra ipsa constituta suprascriptas res hemere noluerint ad iustum pretium, sicut suprascriptum est, tunc post ipsa constituta licentiam habeant ipse ademarius et eius heredes ex ipsis rebus facere quod voluerint. Nam si ante ipsa constituta ipse ademarius et eius heredes suprascriptas res vel ex eis dederint vel vendiderint seu alio modo alienaberint sicut de illorum pareat potestate subtracta absque licentia ipsius alfani et heredum eius, tunc sine pretio totas ipsas res perveniant in potestate ipsius alfani et heredum eius ad faciendum ex eis quod voluerint. Tantum ipse alfanus et eius heredes semper in suprascripta ratione defendant ipsi ademario et eius heredibus integrum illud quod ipse petrus iudicavit, ut post suum hobitum perveniret ad potestatem ipsius ademarii et heredum eius, et esset in eorum potestate ab omnibus hominibus. et quanto ipse ademarius et eius heredes voluerint potestatem habeant illud per se defendere qualiter voluerint cum omnibus muniminibus et rationibus quas de eo ostenderint. Nec non et ipse petrus disposuit ut post eius hobitum perveniat in potestatem landelayce sororis sue que quondam fuerat uxor lupeni filii leonis et heredum eius integras terras cum arbustis et vacuo quas ei pertinet habere in loco malluni ubi turminum dicitur. et integram terram cum insiteto quam ei pertinet habere in loco rota a parte iohannis filii madelmi cum omnibus que intra ipsas terras cum arbustis et vacuo de predicto loco malluni, et integra ipsam terram cum insiteto de iamdicto loco rota sunt cunctisque earum pertinentiis et cum vice de viis suis, ad faciendum ex eis illa et eius heredes quod voluerint. Et semper ipse alfanus et eius heredes integras eas, sicut suprascriptum est, ipsi landelayce et eius heredibus defendant ab omnibus hominibus; et quando ipsa landelayca eiusque heredes voluerint, potestatem habeant illas per se defendere qualiter voluerint cum omnibus muniminibus et rationibus quas de eis ostenderint. item ipse petrus iudicavit atque disposuit ut integras omnes alias res stabiles et mobiles quas eidem petro quomodocumque pertinuit et pertinet tam intra hanc civitatem quam et foris cum omnibus muniminibus ex eis continentibus, post ipsius petri habitum, perveniat ad potestate ipsius alfani filii sui et heredum eius ad faciendum ex eis quod voluerint; et statim cum ipse petrus mortuus fuerit dent ipse alfanus et eius heredes ipsi iohanni comiti, vel cui scriptura simile isti in manu paruerit, quadraginta solidos, quorum quisque habeat auri tarenos bonos quattuor, ad distribuendos illos pro anima ipsius petri sicut ei deus melius inspiraberit. et cum pervenerint in potestatem ipsius alfani et heredum eius res ipsius petri, quas nunc a normannis ablate sunt, tunc ipse alfanus et eius heredes dent ipsi iohanni, vel scriptum simile isti in manu paruerit, alios quadraginta solidos quorum quisque habeat auri tarenos bonos quattuor, distribuendos illos presente ipso alfano et heredum eius pro anima ipsius petri pauperibus et sacerdotibus sicut eis deus melius in corde miserit. Et per convenientiam ipse petrus guadiam ipsi iohanni dedit et fideiussorem ei posuit romoaldum filium quondam grimoaldi comitis. Et per ipsam guadiam ipse petrus obligavit se et suos heredes si sicut superius scriptum est non adimpleverint, et suprascripta vel ex eis quicquam remobere aut contradicere presumpserint, componere ipsi iohanni et cui hoc scriptum in manu paruerit ducentos auri solidos constantinos, et sicut superius disposuit et iudicavit firmum stabilemque permaneat. Verumtamen quoniam proprie spianum vocatur ubi ipsa terra de iamdicto loco rota est, et ne michi iudici noceat, quoniam in ipso loco malluni michi res habere pertinet. Et tres scripta unius tenoris hoc quod ipse ademarius et alium quod ipse alfanus et alterum quod ipse iohannes retinent tibi iohanni notario scribere precepi. + Ego qui supra sico comes et iudex.

Source Fulltext: Codex Diplomaticus Cavensis, vol. CDC.008, -, Estratto da ALIM