+ In nomine domini sextodecimo anno principatus domni nostri guaimarii glorioso principe, mense martius, secunda indictione. memoratorium factum a me sandi filio benedicti et rodolfo filio ursi, eo quod ante subscripti testes vice nostra et de consortibus nostris tradidimus nos iaquinti filio radoaldi da piru de rebus nostra cum castanietum et quercietum, quod nos cum consortibus nostris communiter abemus in locum rota, ubi ad silva plana dicitur, per hec finis: a pars septemtrionis fine via puplica: ab occidente fine nostra, sicut medio vallone discernit qui dicitur da cosce: de super capite similiter fine nostra, sicut limite discernit, quod est a parte meridie: ab oriente similiter fine nostra, sicut vadit usque in via traversa que intrat in aliis rebus nostris, et abiente per ipsa via et coniungente ad ipsa alia via puplica priore. istut per iamdicte finis inclitum nos illut ei tradidimus; unde per bona combenientia guadia nobis ipse iaquintus dedit et mediatorem nobis posuit andreas filius maioni; et per ipsa guadia obligavit se tali ordine, ut amodo usque duo frudia recollecta sue potestatis eos tenere et omnis sue utilitati iuxta rationem ibidem facere, et eos laborare et seminare et recolligere secundum consuetudinem ipsius loci, et de quod ibidem seminaverit, deant inde nobis terraticum iuxta consuetudinem de ipso locu. quod si taliter omnia suprascripta ipse iaquintus et eius eredes nobis nostrisque heredibus non adimpleverit, vel aliquit inde contradixerit, per ipsa guadia obligavit se nobis nostrisque heredibus componere decem auri solidos constantinos, et omnia suprascripta per imvitis nobis compliret. et unc brebem scripsi ego iohannes notarius qui interfuit. + ego petrus + ego bisantius presbiter.

Source Fulltext: Codex Diplomaticus Cavensis, vol. CDC.004, -, Estratto da ALIM