+ In nomine domini bicesimo anno principatus domni nostri guaimarii glorioso principe, mense nobember, septima indictione. memoratorium factu a me falco filio maraldi, eo quod ante subscripti testes per bona combenientia wadia mihi dedit balsamo per absolutione riinardi genitori suo tali ordine, ut tollere legitima uxore gemma sorore mea et alia dies nuptiarum daret ei firmum iscriptum morgincaput, quod est quartam pars de sua substantia, sicut modo est lex et consuetudo ominis langobardi, alia dies nuptiarum dandum ad suam uxorem; quod si alia dies nuptiarum ipsum iscriptum ipsius sorori mee non dederit, vel si eam legitima uxor tollere noluerit, obligabit se componere mihi meique eredibus centum auri solidos costantinos, et per inbitis eam legitima uxorem tollere, et ipsum iscriptum morgincaput ei dare, et iniuste ei non facere, et bene eam abere et colere secundum suam possibilitate; et si iniuste ei facere presumserit, et si a nos pulsatus fuerit, et ausus exinde non fuerit iurare cum suis parentibus secundum legem ubi nos eis evbangeli parata abuerimus, per omnes bices componere mihi meique eredibus, aut cui brebem iste in manum paruerit causandum quinquaginta auri solidos constantinos, et per inbitis eam bene abere et colere secundum suam possibilitatem, pingnera, que exinde pingnerata fuerit, absque iustitia retdantur. et per eadem wadia obligabit se tali ordine, ut si ipsa sorore mea aput illum foras cibitatem vel casstello depredata fuerit per quabis gentes, tunc de quantum pretium a nostris partibus pro ex ea comparandum datum fuerit tertiam pars, ille a sua parte dare due sortis, et abead maxsima certamen et inquisitione infra italia pro ex ea comparandum et aput se eam reducat uxor abendum. quod si eam illam comparare noluerit, obligabit se componere mihi meique eredibus triginta auri solidos costantinos et in antea per inbitis illam comparare, et aput se eam reducat uxor abendum in supradicto ordine, iscepto si eam illam inbenire non potuerit, aut ad ipso pretium illam comparare non potuerit, unde ausus nobis exinde fuerit iurare secundum legem quod diligenter eam illam comparare boluisset et non potuisset, sit exinde solutura calumniis et retdat nobis ipso pretium, quod nos ei dederimus. quod si taliter illut nobis ipse balsamus non adinpleberit et aliquit inde nobis contradixserit, tunc per ipsa wadia obligabit se componere mihi meique eredibus, aut cui brebem iste in manum paruerit causandum, biginti auri solidos constantinos et in antea illut nobis adinplere; unde omnes supradicte wadia quod nobis ipse balsamus dedit, mediatorem exinde posuit maraldo filium idem maraldi, et unc brebem scripsit ego roderissi notarius qui interfuit. + ego iaquintus presbiter + ego mirandus.

Source Fulltext: Codex Diplomaticus Cavensis, vol. CDC.004, -, Estratto da ALIM