+ In nomine domini tricesimo hoctabo anno principatus domni nostri guaimari, et nono anno domni guaimari eius filio, gloriosi principibus, mense februarius, decima indictione. Ante me ragemprandus iudex coniunti sunt iaquintus presbiter et primicerius filius quondam gaudiosi et riso filius ursi papacena, et, sicut inter illis combenit, ipse riso amisit modo ante me ipsius iaquinti presbiteri rebus de locum nucerie, quod ipse iaquintus ad tenendum et pastenandum et laborandum traditum abuit ipsius ursi quod ille in beneficium retinuit a pars ecclesie sancti maximi in ipso locum nuceria, ubi agella dicitur, et modo, sicut inter illis combenit, ipse riso admisit illum inclitum ad potestatem ipsius iaquinti, qui illum modo in beneficium retinet a pars ipsius ecclesie, ad securiter illut abendum amodo ipse iaquintus presbiter et pars ipsius ecclesie, et faciendum inde omnia que boluerit; et per bona combenientia sua boluntate guadia ipse riso ipsius iaquinti presbiteri dedit et mediatorem eis posuit seipsum; et per ipsa guadia obligavit se et suos eredes, ut adducerent et remicterent ad potestatem ipsius iaquinti presbiteri vel de pars ipsius ecclesie ipsum brebem pastenatione et laborationis cum ea que continet, faciendum que boluerit; et si taliter omnia suprascripta per supradicto ordine ipse riso et eius eredes ipsius iaquinti presbiteri et predicte ecclesie non adimpleberit, et quesierit ipsa rebus per qualecumque ratione tenere et laborare, et ipsum brebem non amiserit, sicut supra legitur, per ipsa guadia componere obligavit se ipse riso et suos eredes ipsorum iaquinti presbiteri vel ad pars iamdicte ecclesie triginta auri constantini et tacitum inde manerent, et tacerent inde faciant illi ominibus et partibus, qui pro eius parte quodcumque causationis ad pars ipsius ecclesie emiserit de ipsa rebus, quod ille modo admisit ad pars predicte ecclesie. et pro parte ipsius ecclesie scribere fecimus te iaquintus notarius qui interfuisti. + Ego qui supra ragemprandus iudex.

Source Fulltext: Codex Diplomaticus Cavensis, vol. CDC.005, -, Estratto da ALIM