+ In nomine domini undecimo anno principatus domni nostri Guaimari filii domni guaimari, gloriosis principibus, mense martius, duodecima indictione. Memoratorium factum a me musandus diaconus ecclesie sancti maximi et filius quondam musandi, eo quod ante presentia maioni presbiteri et abbati predicte ecclesie sancti maximi, una cum illum exet petrus adbocator predicte ecclesie, et ibique adstantibus subscripti testes, per conbenientia per iuxionem ipsius abbati et pro vice ipsius ecclesie tradidi mirandi filio berengneri de saba11Saba, vel Sava, vicus apud Saranianum in Princ. Salernitano. et adfiliatus iohanni de locum barbazana, inclita medietate de una clusuria de terra 1Saba, vel Sava, vicus apud Saranianum in Princ. Salernitano. cum arbustis pertinentem ipsius ecclesie sancti maximi de ipso locum barbaciano, pertinentia nucerie propinquo ecclesia sancti polisti, quod ego supradictus musandus diaconus in beneficium teneo ad pars ipsius ecclesie sancti maximi, qui est infra as fines et mensuras: a pars orientis fine propia sepe de ipsa curte, et est per mensuria ab intus secus ipsa sepe passi centum decem: a pars septentrionis fine via pulvlica, sunt inde passi nobem: a pars occidentis fine media sepe, sunt inde passi quadraginta quattuor, et ab inde rebolbentem circa ipsa sepe in pars occidentis passi decem et septem: iterum a pars occidentis secus sepe passi tridecim, et abinde rebolbente in pars orientis iusta sepe passi undecim, et abinde rebolbente in pars meridie iusta sepe passi viginti tres, et abinde rebolbente in pars occidentis circa sepe passi viginti duo usque in via pulbica: a pars occidentis fine via ipsa, inde passi triginti sex: a pars meridie sicut rebolvit fine ipsa via pluvica, inde passi triginta octo: a pars orientis circa alia sepe passi viginti octo, et abinde rebolbente secus sepe in partibus orientis passi sidecim, de alia parte per via passi quadtuordecim et medium, totum mensuratum ad iusto passum omini; de anc vero clusuria per supradictas fines et mensuras inclita medietate ego supradictus musandus diaconus una cum ipsum adbocator ipsius mirandi, sicut dictum est, ad laborandum tradidimus. In oc ordine, ut amodo et senper ipse mirandus et suos eredes, natos nassentes, ad eorum sit potestatem ipsa medietate, quod eorum tradidimus abendum, et fovee et omnis sue utilitatis iusta rationem ibidem faciendum, et casa ibidem faciant et ibidem resideant et abitent, et annualiter apto tempore tota et inclita ipsa tradictio, quod superius ei tradidimus, qui est bonum arbustum, totum bitatum, et surtum et operatum, de super et de subter, tota ipsa tradictio operent et cultent per omnis annum et studient, et, ubi meruerit, arbores et vites illis illut ibidem plantent et propaginent, et illut studient et surgant, et totum illut sic operent, ut in bonum proficiant et non dispereat, et per omnis annum per vindemie per acto tempore faciant scire me supradictus musandus diaconus, vel pars ipsius ecclesie sancti maximi, ut ibidem ego supradictus musandus diaconus ibidem badam, vel missum ipsum ibidem dirigamus, ego vel pars ipsius ecclesie, et ille vel eius eredes tota ipsa tradictio vindemient, et omnis poma inde colligant per omnis annum, et de omnis poma et vinum exinde ibique inclita medietate nobis deant, et alia medietate inde sivi abeant, faciendum quod boluerint, et per omnis annum ego supradictus musandus diaconus, vel pars ipsius ecclesie, adsingnemus eorum organeum da vinum ad cellarium predicte ecclesie da li pariti, ubi pars ipsius ecclesie sancti maximi cellarium abet, ubi posant ipsa medietate de ipso vinum, quod da illis nobis benerit mittere, et illis per omnis annum organeum ipsum bonum concient, et labent, et studient, sicut meruerit, et reponant ipso organeum intus ipso cellarium de li pariti, ubi nos eorum mostraberimus, et per omnis annum ipse mirandus vel suis eredes cum suo espendio portent totum ipso vinum, quod de illis nobis in sorte benerit per annum, et mittant illut in ipsum organeum quod illis conciaberint, et faciamus exinde quod boluerimus; et si non subficiet unum organeum, demus eorum tanta organea, ubi posant mittere per annum ipsa nostra medietate de ipso vinum, quod de illis nobis benerit, et illis annualiter ipsa organea concient, et ipso vinum nostrum ad ipsum cellarium nostrum portent et in ipsa organea mittant, sicut supra legitur, et ipso missum nostrum annualiter nutriant, usque dum per annum pro ipse vindemie ibi steterint, sicut meruerit et illorum fuerit possivilitatis, et darent nobis palmentatica annualiter, sicut meruerit. Et de quod amodo et senper per annum in ipsa tradictione seminaberint, deant inde nobis, vel in pars ipsius ecclesie per omnis annum terraticum secundum consuetudinem de ipso locum, et obligavit se ipse abbas et successores suos defensandum ipsius mirandi et ad illius eredes amodo et senper supradicta tradictio, cum bice de via sua, da omnes omines omnique partibus: preter, quale tenpore ipse mirandus, vel suis eredibus ipsa tradictio in supradicto ordine tenere et laborare non boluerint, aut non potuerint, tunc tota et inclita ipsa tradictio per supradicto ordine laborata, et operata, et cultata, et clusa rebertatur ad potestatem ipsius ecclesie sancti maximi, ad faciendum quod boluerit; et si de pertinentia nucerie exierint pro aliubi ad avitandum, vel si talem fecerint culpam, unde cecidere debeant, similiter tota ipsa tradictio, sicut supra legitur, rebertatur ad potestatem da pars ipsius ecclesie sancti maximi, ad faciendum quod boluerit. Unde in eo ordine per conbenientia guadia michi ipse mirandus dedit, et mediatorem michi posui iaquintus filius iohanni altrude de locum pao; et per ipsa guadia obligavit se ipse mirandus et suos eredes adinplendum michi nominato mosandi diaconus, vel in pars ipsius ecclesie omnia suprascripta per supradicto ordine; et si taliter etc. Statuta mulcta viginti auri solidorum Constantini. verumtamen ipsa medietas infra suprascripte finis et mensurie, quod superius in supradicto ordine ipsius mirandi tradidimus, est in pars occidentis, et ipsa alia medietas in pars orientis remansit ad potestatem supradicte ecclesie sancti maximi, quod ego supradictus musandus diaconus in beneficium teneo, et unc brebem scripsi ego alderisi notarius. + Ego alderissi notarius me subscribsi + Ego iaquintus notarius me subscripsi.

Source Fulltext: Codex Diplomaticus Cavensis, vol. CDC.005, -, Estratto da ALIM