+ In nomine domini duodecimo anno principatus domni nostri guaimari gloriosi principis filii domni guaimari, mense februarius, tertiadecima indictione. Memoratorium factu a nobis leo et iohannes atrianensi, qui sumus germani filii ursi de lupino, eo quod ante subscripti testes per bona combenientia ad tenendum et laborandum tradidimus marino filio iohanni, qui dicitur de rudipertus, terra nostra cum binea et cannnietum quod abemus in locum beteri, et est per ec finis et mensurie: ab oriente fine bia plubica que pergit ad mare, sunt inde passi quadraginta duo: alia quidem parte fine bia qui descendit ad flumen de beteri, sunt inde passi sexaginta duo, et rebolbente in parte septemtrionis per fine nostra et de consortes nostros, inde passi triginta usque ripa de predictum flumen: a parte occidentis fine nostra, sunt inde rectum mensurati passi quinquaginta: ex alia quidem pars rectum mensurati da ripa de ipso flubio usque ipsa priore bia passi sexaginta octo, totum mensuratum ad iusto passum ominum. Ec bero terra cum binea et cannietum per supradicte mensurie nos germani illut ipsius marini ad tenendum et laborandum tradidimus in tali ordine, ut amodo et omni tempore ad sua et de suis eredibus sint potestatis ipsa rebus tenendi et dominandi, et fobee et omnis illorum utilitatis iusta ratione ibidem facere, et temporibus suis ipsa binea scalciare, propaginare, potare, et inpalare bona, et legnare, et zappare, et sic illam per omnis annum de super et de supter laborare et cultare, ut proficiant et non dispereant, et per omnis annum paread bona laborata, et ibidem residere et abitare, et ubi meruerit, rebus ipsa cludere, et clusam illam abere et salbam illam facere, sicut meruerit; et per omnis annum per bindemie faciant scire nos et nostris eredibus, ut ibidem dirigamus missum nostrum, et ille et eius eredes tota ipsam binea bindemiare, et omnis binum ibique ad palmentum inter nos dibidere per medietatem: nos tollamus illut medietatem, et illis medietatem. unde in eo ordine per bona combenientia guadia nobis ipse marino dedi et mediatorem nobis posuit se ipsum, et per ipsa guadia etc. Statuta mulcta viginti auri solidorum Constantini. verumtamen memoramus et ipso cannietum, qui est in ipsa mensuria, diebus bite ipsius ursi genitorem nostrum retinerent illum ad suam potestatem et post obitum eius perbeniant in nostram potestatem in eo hordine, ut per omnis annum tollatis inde, ut sufficiant legandum ad ipsa binea, et nos similiter inde tollamus, ut sufficiant legandum ad ipse binee nostre in ipso locum beteri, et ipse alie quod inde remanserit, ille inter nos dibidamus per medietatem per omnis annum: illis tolleret ille medietatem, et nos medietatem: poma qui in ipsa rebus sunt, medietatem illa nobis dare, et medietatem illa, sibi abere, quod scripsi ego iaquintus notarius. + Ego petrus + Ego romoaldus me subscripsi.

Source Fulltext: Codex Diplomaticus Cavensis, vol. CDC.005, -, Estratto da ALIM