Aelbrecht, bi Goids genaden palensgraue vpten Bijn, hertoge in Beyeren, graue van Heneg., van Hollant, van Zeelant ende beere van Vrieslant, doen cond allen luden, want wij in tiden voerleden beuolen hadden heren Filips van Borselen van Cort- gene, heren Claes soen, onse bailiuscap van onser stede van Zeerixe te bedriuen ende te bewaren van onser wegen tot zeke- ren jaren toe, gelikerwijs die brieue van beuelinge, die hi van ons daer of hadde, inhielden, ende wij oec des geliken beuolen hadden heren Claes van Borselen, einen vader, te noeme ende ons aen te brengen vroede ende goede lude, die wij zetten souden aen onse gerecht ende scepenen te wesen binnen onser stede voern., des wij bi sinen aenbrengen alrehande lude in onse gerecht geset hadden, daer wij ende onse stede groet ge- brec aen hadden, ende hadden daer om belast heren Garbrant vanden Const., profst van Bergen in Heneg., ende heren Jacob Pieters soen, onsen clercken, van onser wegen te boetscappen aen heren Claes voern., biddende, dat hi ons wilde laten zetten die een helfte van onsen gerecht in onser stede voern., om alle ge- brec te verbeteren, die wij daer aen hadden, des ons vptie tijt beer Claes weygerde ende dede ons bidden, dat wij him lieten onse gerecht kiesen ende noemen, als wij him beuolen hadden, ende waert, dat ons des niet en genoechde, dat wij him dan siin ghelt deden weder geuen vanden dienste voerscr. endede- den daer mede onse ende onser stede profijt ende oerbaer; twelke bi weder aenbrengen onser clerken voern. wij aen namen, ende hebben daer om beuolen onsen lieuen ende getrouwen

101

bereu Florijs, heerc van Haemsteden, heren Claes van Borselen heren Aelbrechts soen, heren Florijs van Borselen ende heren Jan van Heenvliet, dat sij heren Claes van Borselen van Cortgene voern. wtreyken ende betalen alsulc ghelt als hi bewisen sal mogen mit bescheidenre rekeninge, dat wij him sculdich sullen wesen vpten dienste voersc.; ende gelouen voer ons ende onsen nacomelingen onsen getrouwen den heere van Haemsteden, heren Claes van Borselen heren Aelbrechts soen, heren Elorijs van Borselen ende heren Jan van Heenvliet, dat wij onse gerechte binnen onser stede van Zeerixe zetten sullen bi hore rade ende die ghene scepenen te maken, die sij оnз eendrach- telic noemen ende aenbrengen sullen. Dit sal gedueren twe jaer lang naden date des briefs ende daren tenden tot onsen wederseggen. Jn oerconde desen brieue, besegelt mit onsen segele. Gegeuen tot Zeerixee vpten XV8ten dach van Aprillejnt jacr ons Heren M. CCC. neghen ende tnegentich. Het zegel behouden; net randschrift beschadiget.