Wj Wolfaerd van Borselen heere van der Vere, ende Clays van Borselen, ridder, maken cont allen luden, dat wi vor ons ende vor onse nacomelinghen omme Gods dienst te meer- sene ende omme onse ende onscr ghemeeure vriende ruste ende orbare, bi consente van heere Gillise Beut, prochipape jn Zandijc, ende bi onser vriende rade, met goeder vorzie- nicheden ouereen ghedraghen sijn, datmen uut der prochi- kerken van Zandijc trecken sal eene prochikerke ter Vere jn deser mauieren. Dat alle die ghenen, die wonnachtigh zijn ende woenen sullen binnen der vesten van der Vere ende binnen den houe te Zandenburgh , daer heere Wolfaerd van Borselen nv woent, ende die desen houe toe behoren ende toebehoren sul len , prochien sullen tote der prochikerken ter Vere ende al recht al daer pleghen, dat prochiane Schuldich sijn te pleghene tote haren rechter prochikerken, behouden dien, dat die pro

c:>

chikerke van Zandijc behouden sal tiende, lant, venial, jaerlics pacht ende al ander goed, dat der papeliker prouenden, den helighen gheest, den kerken, der costerien, der straten nv toe behoort buten den palea vorschreuen. Vort alle jaerghetiden, die nv ter tijt ghezet sijn jn die kerke van Zandijc, sullen der kerken van Zandijc toe behoren, sonder eenigh wederzeg- ghen van iement van der kerken weghen ter Vere, ende alle jaerghetiden, verual ende ander goed, dat der kerken van der Vere toe gheset sal worden ende versehinen van deser tijt vortwaerds, sal der kerken van der Vere toe behoren, sonder eenigh wederzegghen van iement van der kerken weghen van Zandijc. Vort al zwilken pacht als die canoneke van sinte Bieters jn Middelburgh hebben vp die prochikerke van Zandijc, dien sal die prochipape van Zandijc alle iare betalen. Vort die dortich schellinghe zwarter turnoyse tsiaers, die beere Wou- ter Eauwelin heuet vp die prochikerke jn Zandijc van siere capelrien weghen, die hi heuet jn die capelle te Zandenburgh, die sal die prochipape van Zandijc alle iare betalen. Vort van alre precarien, die de bisscop ende die Domproost van Uutrecht hebben sullen vp die prochikerke van Zandijc, daer of sal die prochipape van der Vere ghelden een vierendeel. Vort so sal die prochipape van der Vere alle iare uutgheuen tote elken Paschen den prochipape van Zandijc eenen pacht van drien ponden zwarten turnoysen. Vort so verlie ic mi Wolfaerd van Borselen, dat heere Clays van Borselen jof sine nacomelinghe alleene gheuen sullen die eerste ghifte van der prochikerken jn Zandijc na tsheeren Gillis Beut doot, jof als si open vallen sal, sonder eenigh wederzegghen van mi jof van minen nacomelin- ghen; ende je Clays van Borselen verlie mi, dat heere Wol faerd van Borselen jof sine nacomelinghe alleene gheuen sullen die ander ghifte van der prochikerken vorzeyt, die vallen sal na mine eerste ghifte vorschreuen, sonder eenigh wederzegghen van mi jof van minen nacomelinghen; ende daer na sal ic Clays van Borselen voren ende Wolfaerd van Borselen na, jof onse nacomelinghe, die vorseyde prochikerke, als si open val- (Codex, 2d° Serie, I"° Deel, l"• Afd.). 5

66

let, gheuen die eene die eene ghifte ende die andere die ander ghifte, ende al so vort houden eewelike ghedurende ons ende onsen nacomelinghen. Vort so verlie ic mi Clays van Borselen, dat heere Wolfaerd van Borselen jof sine nacomelinghe alleene gheuen sullen die eerste ghifte van der costerien in Zandijc na Betten Pieter Jonghen sons doot, jof al s si open vallen sal, sonder eenigh wederzegghen van mi jof van minen nacomelin ghen; ende jc Wolfaerd van Borselen verlie mi, dat heere Clays van Borselen jof sine nacomelinghe alleene gheuen sullen die ander ghifte van der costerien vorseit, die vallen sal na mine eerste ghifte vorschreuen, sonder eenigh wederzegghen van mi jof van minen nacomelinghen; ende daer na sal jc Wolfaerd van Borselen voren ende jc Clays van Borselen na, jof onse nacomelinghe, dese vorzeyde costerie, als si open vallet, ghe uen die eene die eene ghifte ende die andere die ander ghifte, ende al so vort houden eewelike ghedurende ons ende on sen nacomelinghen. Vort so verlie ic mi Clays van Borse len , dat heere Wolfaerd van Borselen ende sine nacomelin ghe alleene gheuen sullen die prochikerke ende die costerie ter Vere met allen rechte, dat daer toe behoort ende toe be- horen sal, eewelike ghedurende sonder eenigh wederzegghen van mi jof van minen nacomelinghen; ende jc Wolfaerd van Borselen verlie mi, dat heere Clays van Borselen ende sine nacomelinghe alleene gheuen sullen die prochikerke, costerie ende capelrie te sinte Catelinen kerke jn Borselen, met allen rechte dat daer toe behoort, eewelike ghedurende sonder eenigh wederzegghen van mi ende van minen nacomelinghen. Vort so hebben wi Wolfaerd ende Clays vorseit overeen ghedra- ghen, dat alle die ghene, die woenachtigh sijn ende woenen sullen benorden den ouden Zwene, dat loopt dore den polre, (¡lemen heet der Dietscher Heeren polre, toe behoren sullen ende prochien ter prochikerken, diemen heet onser Vrouwen kerke in den Niewen Polre, ende al recht daer pleghen, dat prochiane schuldich sijn te pleghene tote hare rechter prochi kerken, sonder eenigh wederzegghen van iement van der ker

G7

ken weghen van Zandijc; ende jc Clays van Borselen verlie mi, dat heerc Wolfaerd van Borselen ende sine nacomelinghe allee ne gheuen sullen die kerke ende die costerie in den Nie- wen Polre, met allen rechte dat daer toe behoort ende toe behoren sal, sonder eenigh wederzegghen van mi ende van minen nacomelinghen. Vort so hebben wi Wolfaerd ende Clays ouereen ghedraghen, dat alle die offeranden, die vallen sullen in die capelle te Zandenburgh, jof so wat ghelde, dat daer verschinen sal van sepulturen, van uutvaerden, jof van daghe- lieser offeranden van ons zeluen, van onsen nacomelinghen, jof van anders iement, dat sal bliuen der capellen vors., omme die capelle mede te houdene in den reke ende die orlemente ende die boeke mede te verbeterne aldaer ende mede te verwaerne; ende daer toe sal ieghelijc van ons beiden jof van onsen nacomelinghen eenen man toe zetten, ende die twee manne sullen tghelt, dat daer vallen sal, ontfaen ende vort legghen an die capelle, an die orlemente ende boeke aldaer, als vorschreuen es, ende daer of rekeninghe doen. Vort so verlie ic mi Clays van Borselen, dat heere Wolfaerd van Borselen ende sine na comelinghe alleene gheuen sullen die eerste ghifte van der ca- pelrien, die heere Wouter Rauwelin nv heuet in die capelle te Zandenburgh, na tsheeren Wouters doot vorseit, jof als si open vallen sal, sonder eenigh wederzegghen van mi jof van minen nacomelinghen; ende jc Wolfaerd van Borselen verlie mi, dat heere Clays van Borselen jof sine nacomelinghe alleene gheuen sullen die ander ghifte van der seluer capelrien, die vallen sal na mine eerste ghifte vorschreuen, sonder eenigh wederzegghen van mi iof van minen nacomelinghen; ende daer na sal ic Wolfaerd van Borselen voren ende jc Clays van Borselen na, jof onse nacomelinghe, die vorseyde capelrie, als si open vallet, gheuen die eene die eene ghifte ende die an der die ander ghifte, ende al so vort houden eewelike ghedu- rende ons ende onsen nacomelinghen. Vort so verlie jc mi Wolfaerd van Borselen, dat heere Clays van Borselen jof si ne nacomelinghe alleene gheuen sullen die eerste ghifte van

GS

der capelrien, die Alaerd tsheeren Wolfaerds sone zettede jn die capelle te Zandenburgh ende heere Jan Seotte nv besit, na tsheeren Jans doot vors., jof als si open vallen sal, sonder eenigh wederzegghen van mi jof van minen nacomelinghen; ende je Clays van Borselen verlie mi, dat heere Wolfaerd van Borselen jof sine nacomelinghe alleene gheuen sullen die ander ghifte van der zeluer capelrien, die vallen sal na mine eerste ghifte vorsehreuen, sonder eenigh wederzegghen van mi jof van minen nacomelinghen; ende daer na sal ic Clays van Borselen voren ende je Wolfaerd van Borselen na, jof onse nacomelinghe, die vorseide capelrie, als si open vallet, gheuen die eene die eene ghifte ende die ander die ander ghifte, ende al so vort houden ewelike ghedurende ons ende onsen naco melinghen. Vort so verlie jc mi Clays van Borselen, dat heere Wolfaerd ende sine nacomelinghe alleene gheuen sullen eewe- iike ghedurende die capelrie, die heere Wolfaerd van Borselen, mijn breeder, tsheeren Wolfaerds vader vors., zettede in die capelle te Zandenburgh ende heere Jan van Uutrecht nv bezit, na tsheeren Jans doot vors., jof als si open vallen sal; ende daer toe alle die capelrien ende beneficien, die al daer ghezct sullen worden van heere Wolfaerde vorschreuen ende van sinen nacomelinghen, die sullen heere Wolfaerd vors. ende sine naco melinghe alleene gheuen eewelike ghedurende, sonder eenigh wederzegghen van mi jof van minen nacomelinghen; ende je Wolfaerd van Borselen verlie mi, dat heere Clays van Borselen ende sine nacomelinghe alleene gheuen sullen eeuwelike ghedu rende alle die capelrien ende beneficien, die in die capelle vors. ghezet sullen worden van heere Clayse van Borselen ende van sinen nacomelinghen, sonder eenigh wederzegghen van mi jof van minen nacomelinghen; ende waer dat zake, dat in die capelle vors. eenighe capelrie jof beneficie ghezet worde van anders iement dan van ons jof van onsen nacomelinghen, die souden wi Wolfaerd van Borselen ende Clays van Borselen jof onse nacomelinghe ghemeene gheuen, als si open viele. Ende omine dat wi Wolfaerd van Borselen ende Clays van Borselen

69

willen, dat alle dese vorschreuene dinghe vast ende ghestade bliuen ende wel ghehouden, vor ons ende vor onse nacome- linghe ende eewelike ghedurende sonder iements wederzegghen in allen manieren als vorschreuen es, so hebben wi desen brief bezeghelt met onsen zeghelen. Ende omme dat je Gillis Beut, prochipape jn Zandijc, tote deseu zaken mijn consent ghegheuen bebbe, al so verre alst mi van miere kerken weghen vorseit anegaet, so hebbe je desen brief mede bezeghelt met minen zeghele. Ende omme die meerre zekerheden so hebben wi ghebeden eerzamen luden ende wisen, beeren Morense van Bor selen , beeren Oliuiere van Eueringhen, beeren Costine van Eenesse ende heeren Willemme den Vrieze van den Oost ende rudders, dat si jn kennessen hier of desen brief met ons beze ghelt hebben met haren zeghelen. Ende bidden ende verzoe- ken onsen gheesteliken vader den bisscop van Uutrecfit, jof den ghenen die jn sine stede es, dat hi dit consentere, limi- tere ende confirmere met sinen openen brieue in der manieren vorschreuen. Ghegheuen op Onser Vrouwen dagh ter Lechtmis- sen jnt iaer ons Heeren dusent drie hondert zeuene ende viertich. Van de zeven zegels zijn behouden die van Wolfaard van Borse len, van Olivier van Everinghen en van Willem de Vriese.

Het transfix der öissckqppelijke bevestiging luidt aldus: Suederus Vter Loe, canonicus Traiectensis, reuerendi in Christo patris ae domini, domini Johannis, Dei gratia episcopi Traiecten sis, in remotis agentis in spiritualibus et temporalibus, vicarius generalis, ad noticiam vniuersornm dedueimus per presentes, quod nos ecclesiarum de Zandijc et Vere diuisioni et parochiarum limitationi ceterisque omnibus et singulis in litteris, qui bus hec nostra cedula est transfixa, contentis, in quantum ad reuerendum patrem et dominum nostrum episcopum predictum et ad nos ex commissione eiusdem premissa et singula ipsorum speetant, con- sentimus ipsaque ratificamus, approbamus et in Dei nomine, auetoritate domini nostri predicti, hijs presentibus confirmamus, jure tamen euiuslibet in premissis semper saluo. Jn quorum testimonium sigillum vicariatus nostri presentibus duximus ap

70

ponendum. Datum anno Natiuitatis Domini M°. CCC. quadra- gesimo octauo in crastino Penthecostes.