Willemen van Weldam, ridder, doe cond allen luden, dat ic gheloft hebbe ende gheloue minen lieuen beere, beeren Vran- cken van Borselen, heere van sinte Martinsdijc, scadeloos te houdene ende wel te quite als van hondert ouder Vranckerise scilde, die hi met mi ende anders mede gheloeft heft den heere van Apcouwe; ende waerd, dat heere Vranke vors. om dit vors. ghelt cost, commer ofte scade lede, dat gheloue ic hem vp te rechten ende te voldoene bi sijns zelfs sempel woerden, sonder eenich weder segghen; ende waert, dat ics niet en dede als vorscr. is, soe gheloue ic jn te comen leysten mit tween paerden, of eenen goeden man vor mi te senden mit tween paerden in een herberghe, die hi mi wisen sal of doen wisen, ende niet vter herberghen te sceyden, eer ic cost ende hooft ghelt al betaelt hebbe. Ende al dese vorscr. vorwaerden heb ic gheloeft bi miere trouwen ende zekerheden wel te houden ende te voldoene. Jn orconde desen brieue, bezeghelt met minen zeghele. Ghegheuen jnt jaer ons Heeren Ж\ CCC°. LXXXIIIJ", vpten drie ende twintichsten dach in Julio. Het zegel beschadigt!.