Alle den ghenen de desen brief sellen sien of horen lesen, do wi verstaen Hemic van Hermalen, de Henrix sone was van Hermalen, ende Wouter siin broeder, mit kennesse der waerheyt, dat wi mit onsen vryen wille ende mit welberadene sinne ende sonder beduanc ouer een ghedraghen siin ende ver- soent weder haren Ghisebrechte here van Yselsteyne ende weder haren Acrnoude, siin soen, ende weder alle des heren kindere van Yselsteyne jn ' deser manieren, datt wi vrylike quijt laten ende quijt scelden tot haren Aernouds behoef van Ysel steyne ende tot siinre erfnamen alt gherechte ende crue ende visschery, de gheleghen siin tuschen Yselsteyne enten Dam, dat ons vader was ende des haer Aernoud vorghenoemt haer toe in brueewere gheseten heeft, wt ghenomen dat erue, dat hi Alfaer Hubrechts sone verlyet heeft; ende voert so scelde wi vrylike quijt tot behoef haren Aernouds vorghenoemt ende sire erfnamen alsulke gherechte ende tienden, alse onse vader legghende hadde in den kerspel van Hermalen, alse op Bilen- velt ende op Broydijcs velt ende in Gheruerscoep, wtgheno- men alsule goet, alse haer Aernoud voerseyt desen vorghenoem- den Alfaer verlyet heeft, dat gheleghen is an den Broydiic; voert so scelde wi vrylike quijt tot behoef haren Aernouds vorghenoemt ende srre erfnamen alsule goet, alse aen haren Aernoud vorghenoemt versocht is van den ghenen, de ons va der manne waren, wtghenomen alsule goet, alse haer Aernoud voerseyt Alfacr vorghenoemt ende Gheraerde, Niclaes sone, verlyet heeft, so waer dat gheleghen si; voert selle wi dit (Codex j 2d° Serie, l"• Deel, i"° Md.). 2

IS

voerseyde goet quijt scelden ende op laten tot behoef haren Aernouds voerseyt ende sire erfnamen, alse voer dien heren daert af roert, wanneer data ons haer AernouJ vorghenoemt vermaent of doet vermanen sonder alrehande archeyt. Ende waer dat sake, dat ons de here van Yselsteyne of haer Aernond siin sone of enich des heren kindere van Yselsteyne ons bescul- dichden ende men ter waerheyt op ons proeuen mochte, dat wi brokich waren weder hem, so soude wi tot hore mauinghe in comen tot Yselsteyne, alse dat te beteren biden here van Yselsteyne vorghenoemt ende bi haren Aernoud, sinen soen; ende waer dat sake, dat enich hoerre vriende ons bescul- dichden ofte wi hem, dies selle wi beteringhe gheuen ende nemen biden here van Yselsteyne vorghenoemt ende bi haren Aernoud sinen soen. Ende alle dese voerseyde ponten, de in desen brieue bescreuen staen, die heb wi Henric ende Wouter vorghenoemde ghesuoren ende gheloeft vast ende stade te hou- den, alse goede knapen ende wittachtighe lude sculdich siin te houden ende te voldone. Ende waer dat sake, dat wi ons in enighen voerseyden ponte verbraken, so kennede wi ons seluen meenedich ende trouweloes ende gheuen oerlof allen lants heren, so waer dat wi in horen lande quamen, dat si ons houden ende ouergheuen den here van Yselsteyne of haren Aernoude sinen sone, alse misdadighe lude. Ende om dat wi willen, dat alle dese voerscreuen ponten vast ende ghestade ende onverbroken bliuen, so heb wi Henric ende Wouter vor ghenoemde desen brief beseghelt mit onsen seghellen; ende oт de meerre oreuntscap ende vestenesse deser dinghe, so heb wi ghebeden onsen maghen Ghisebrechte van Langherake ende Wouter van Langherake, Willaem haren Eueraeds sone ende Henric Ghisebrecht Haeffen sone van Hermalen, desen brief mede te beseghellen in kennesse der waerheyt. Ende wi Ghisebrecht, Wouter, Willaem ende Henric vorghenoemde hebben doer bede wille Henrix van Hermalen ende Wouters, siins breeders, onser neven, onse seghelle mede an desen brief ghedaen tot eenre vaster oreunde. Ghegheuen int jaer ons

19

Heren dusent dre hondert ende dre ende tuintich, des sater- daghes na onser Vrouwen daghe te Lichtmisse. De reven zegels verloren.