Johan, bider genaden Goids hertoge van Lothrijck, van Bra bant ende van Lymborch, maregraue des Heyligen Eijcx, graue van Henegouwen, van Hollant, van Zeelant ende heer van Vrieílant, ende Jacob van Beyeren, bider seluer genaden her- toginne, maregrauinne, grauynne ende vrouwe der landen voirs., doen cond allen luden: Want onse lieue ende getruwe Jacob, heer van Gaesbeeck, van Putte, van Stryen ende van Apcoude, heer Hubert, heer van Culenborch, vander Lecke, van Weerden ende van Ackoyen, Willem van Brederode, heer van Steyn ende vander Merwede, heer Floriis van Borsselen, heer van Zulen ende van sinte Mertijnsdijck, heer Heynric van Was- senair, heer Claes Keruinck van Heymerswale ende Floriis van Borsselen, onse borge geworden siin aen heren Gheriits haut van Heemskerc, heer van Oisthuysen, voir die somme van viue ende dertich hondert Engelsce noblen, gelijc die brieue dairvp gegeuen clairliken inhouden ende begrijpen; so ist, dat wij voir onse oer ende erfnamen gelooft hebben ende

124

gelouen mit desen brieue den voirscr. onsen borgen scadelos te houden ende wail te quiten vander somme gelts voirscr., ende hebben hem die bewiist vp te bueren ende te ontfangen wt onser eerster bede, die ons in onsen lande van Zeelant gegeuen sal werden, jn sulker manieren als hier na gescreuen staet, dats te weten: tot wat tiden dat ons die voirs. bede gegeuen sal wesen, so gelouen wij onзеп borgen voirs. te doen geuen een quitancie bezegelt mit onsen zeglen vp onsen rent- meester Bewesterschelt in Zeelant, die dan ter tijt sal wesen, vander sommen gelts voirs., ende dan sullen wij onsen rent- meester voirs. also goet hebben, dat hi die voirscr. quitancie sal aennemen ende onsen borgen voirs. goede bezegelde brieue geuen ende voirwaerde dair off doen, dair sii mede bewairt siin, dat hi die voirs. som gelts sal betalen tot sulken dage als die voirs. brieue inhouden ende begripen. Jn oircond desen brieue, bezegelt mit onsen zegelen. Gegeuen vpten derden dach van April jnt jair ons Heren m. ccc. ende achtien naden loop ons hoofs van Hollant.

Op de pUque staet: Bij mijnen here den hertoge ende mijnre vrouwen der hertoginne, daer dio here van Rots, treso rier van Brabant bi was.

get. de Amersoyen. Het zegel verloren.