Aelbrecht, bi Goids ghenaden palensgraue vpten Eijn, hertoghe in Beyeren, graue van Heneg., van Hollant, van Zeelant ende heer van Vrieslant, doen cond allen luden, dat wij sculdich ghebleuen sijn heren Gherijt van Heemskerke, onsen bailiu van Aemsterlant ende van Waterlant, in sijnre rekeninghe, die hi ons ghedaen heeft van sulken ghelde, als hi van onser weghen vpghebuert heeft van zommighen onsen bruekighen scouten in Aemsterlant ende in Waterlant, ouer- mids hore brueken wille, die sij jeghens ons misdaen hebben, ende oie vanden deyniptghelde, dat hi van onser wegen vp ghebuert heeft, ghelikerwijs die boeken vander rekeninghe voirscr., die wij ende hi dair of hebben, jnhouden ende be- gripen, twee hondert ende acht ende dertich Hollantssche scilde, sulker als wij lest hebben doen slaen; ende van alsoe vele ghelouen wij heren Gherijt voim. te quiten in sijnre eerster rekeninghe, die hi ons doen sal van onser bailiuscip voirscr., mit desen brieue beseghelt mit onsen seghele. Ghegheuen

109

jnden Hage vpten achtiensten dach in Nouembrj jnt jaer cms Heren dusent vierhondert ende vier. Het zegel verloren.