Willaem graue van Henegouwen van Hollant van Zelant ende here van Vrieslant maken cond allen luden, dat voer ons quam here Gherart van Eemskerke ridder mombaer van der vrouwe van Wissinkerke zinen wiue voer hare op die eene zide, ende haer Wolffart van Berssele here van Zande- burgh, here Florens, Vranke ende Claia zinen broeders voer joncvrouwe Katelinen heren Jans TVIularts dochter op die ander zide, alse van deelinghe van erue, die si ghemeene hadden binnen Wissinkerke, behaluen den hofsteden. Ende dese erue voerseit die was ghekauelt ende ghedeelt bi vrien- den ende bi maghen jn onse jeghenwoerdichede, zo dat jonc vrouwe Kateline vorseit gheuel jn kauelinghe ende jn rechten deele al dus ghedane erue, alse hier na ghescreuen staet. Jn den eersten, die werf, meet twee ghemeten, jtem Poppen wiuen zones lant, tue ghemeten, jtem die oester burghmeede, drye ghemeten, jtem voer dat oude werf, drye ghemeten, jtem Heyne Volkrics soens lant, drye ghemeten, jtem Willem Ten soens lant ende Machtelde, drie ghemeten, jtem die Groenz- waerde jn den hoek van den weghe, ander half ghemet, jtem Gicllis sheren Hadden soens lant, viere ghemeten, jtem die teghelmeet derdhalf ghemet, jtem dat Willems Vter meet was, drie ghemete, jtem Eynouts ,lant, viere ghemeten , jtem jn die Langhemare, zesse ghemeten van der west ziden jn ende daer te vergadren metter mate. Ende omme dat wi willen, dat dese kauelinghe ende deelinghe voerseit, die voer ons is ghedaen, bi willekueren van partien ende bi horen naste

17

maghen af beeden ziden vast ende gestade bliue, hebben wi jn kennessen van descr dine, desen brief bezeglet met onzen zcgle. Ghedaen jn Middelburch, des dinxendaghes voer sinte Michiels dach, jnt jaer ons Heren M.CCC. ende dertiene. Het zegel in bruin was, is gedeeltclijk bewaard gebleven.