Wy broder Ian , prior , broder Andreis , subprior, broder Henric van der Tolle, lesemeyster, ende dat gemeyne conuent van der predicaer oerde in Zierixe doen kond ende kenlic allen luden, dat wy opgedragen hebben heren V ranken van Borsele, here van sente Martijns dike, ende opdragen tot enen vrien eygen al sullic lant, reynten ende goet, als wy hebben ijn sente Martijns dike vors. , soe waert daer is of in wat lant gemerke dat dat is gelegen, dat here Vrankc vors. dat mach houden of doen vercopen ende sinen vrieri wille mede te done, ende wat here Vranke of omment van syner wegen daer mede doet ofte doet doen, dat houde wy vaste ende

90

stade, ende des houde wy ons wael gepayit ende alle seker- heit, die hi hier of begeren wil nv of hier namaels, of anders wie van syner wegen, die loue wy te done vollencomeliken. Jn oerkonde der waerheit soe hebben wy desen brief bese gelt met onsen gemeinen conaents segel, jnden iare ons Heren als wy scriuen duseut driehondert vier en'tachtich. Het zegel gebroken.