Reverendo in Christo patri et domino W(ibaldo) Stabulensis 1148 aecclesiae venerabili abbati humilis eiusdem aecclesiae congre- gatio fidelem dilectionem et debitam per omnia subiectionem.

Memores, pater amantissime, piae benignitatis vestrae qua assidue iocundamur, et pre oculis cottidie habentes paternae sol- licitudinis vestrae certos fructus et semper valitura monimenta, quod solum possumus, calicem salutis accipiendo et nomen Do- mini invocando, pro vestra incolumitate vestrisque successibus iugiter Dei misericordiam supplices exoramus. Inde est, quod paternitatis vestrae presentiam continue desideramus; inde est,

a. dominus addidi.

1. Act. apost. 9, 5. 2. Ps. 18, 7. 3. Sallust. Iug. 10. 4. Ierem. 17, 5.

198 WIBALDI EPISTOLAE 124. 125.

1148 quod absentem semper diligimus et veneramur, timemus et am- plectimur. Salutantes itaque etiam nunc unanimiter dulcedinis vestrae ubertatem, ad unicum protectionis vestrae refugium con- fugimus, significantes vobis, quod dilecta nobis Odilia', coniunx quondam Anselmi villici, in articulo mortis constituta, ceteris rebus suis ordinatis, fornagia, que ex vestro beneficio in villa nostra Stabulaus tenebat, in manibus aecclesiae pro remedio animae suae et salute pie memoriae Anselmi villici contulit, ita videlicet: ut, si vestris patrociniis fulti donatione sua frui pos- semus, rata quidem haberetur; sin autem, pro decem libris de- nariorum in pignore constitutum beneficiumb suum teneremus. Nos itaque, dum adhuc eadem vivit matrona, consilii vestri so- litam clementiam super hoc pie invocamus genibusque vestris humiliter provoluti intime petimus, ut vestris adiutoriis et de- fensionibus non fraudetur aecclesia a desiderio, quod tanto tem- pore desideraverat. Nam soror eiusdem Odiliae Margarita et vir eius Anselmus atque villicus Malmundariensis multis minis ad hoc, ut donationem, vice vestra susceptam, reiciamus, nos deterrere conantur; modo filio Walteri de Rulant idem bene- ficium se daturos promittentes, modo a domno Lamberto villico vestro de Baldou decem libras denariorum pro ipso beneficio se accepturos minitantes. Super his itaque omnibus consilii vestri oportunitatem per dignationis vestrae rescripta implora- mus, quo si fruimur, minas occursantium nobis parvi pendimus. Ceterum si huc usque in aliquibus defectibus constituti fuimus, deinceps per Dei misericordiam meliora speramus. Paternitatem vestram semper nobis utilem Deus et incolumem custodiat.