1148 Cuonradus Dei gratia Romanorum rex venerabili Wibaldo o. Febr. corbeiensium et Stabulensium abbati gratiam suam et omne

bonum.

Quia fidelitatem tuam sepenumero circa nos et regnum nostrum probatam multis experimentis cognovimus, si de pro- speritate status nostri audieris, multum te gaudere non ambi- 1147 gimus. Mandamus itaque fidelitati tuae, quod cum Nyceam in- tegro et copioso exercitu pervenissemus, mature expeditionem consummare volentes, per compendium, notis viae ducibus hoc

Oct ' 15 ostendentibus, versus Iconium proficisci cepimus1, illuc usque necessaria portantes, quantum valuimus. Et ecce, decem dierum itinere" iam peracto, totidem adhuc nobis residuo, victualia omnibus fere, equitaturis maxime, defecerant, cum Turci pe-

Oct . 26 destre vulgus, quod exercitum sequi nequibat, invadere et cedere non cessabant. Nos vicem populi deficientis et tam sua morte quam sagittis hostium pereuntis dolentes, rogatu principum omnium et baronum ad mare de terra illa deserta exercitum,

a. iteneris c.

1. 1147 Oct. 15. V. librum meum de Conrado III rege, p. 131.

WIBALDI EPISTOLA 78. 153

ut refocilaretur, reduximus, malentes incolumem ad maiora ser- 1147

n Oct.26

vare quam tam cruenta victona de sagittarus tnumphare. Cum vero ad mare venissemus et castra metati fuissemus, in maxima tempestate, non expectans serenitatem pre gaudio, rex Franco- rum1 ad tentoria nostra, nobis nescientibus, supervenit, dolens Nov. quidem exercitum nostrum fame et labore attritum, de societate autem nostra non parvum habens gaudium. Ipse siquidem et omnes principes sui fideliter ac devote obsequium suum nobis optulerunt, pecunias insuper suas et quecumque habebant vo- luntati nostrae exponebant. Coniuncti ergo cum copiis nostris et principibus, quorum quidam nobiscum remanserant, quidam infirmi et pre penuria pecuniae sequi non valebant et ob id ab exercitu recedebant, usque ad Sanctum Iohannem*, ubi sepul- chrum eius et manna scaturire cernitur, absque omni difficultate, celebraturi illic nativitatem Domini, pervenimus. Ubi per ali- Dec.25 quot dies repausantes, quia et nos infirmitas et multos nostro- rum invaserat, recuperata sanitate procedere volebamus, set in- valescente egritudine nequaquam ire valuimus. Rex igitur cum exercitu dolenter profectus, quantum potuit nos prestolatus est, set diutina infirmitas nos tenuit. Quod cum frater noster Grecorum imperator audiret, vehementer indoluit et cum filia nostra dilectissima imperatrice, sua videlicet coniuge, ad nos prepropere descendit, liberaliter nobis et principibus nostris sua et necessaria ad iter nostrum largiens, quatinus a medicis suis citius curaremur, quasi vi Constantinopolim in palatium suum reduxit, tantum illic nobis honoris exhibens, quantum nulli um- quam predecessori nostro exhibitum esse audivimus. Inde Ihe- rosolymam dominica Reminiscere* proficisci statuimus, Deo auctore novum exercitum ibi in pascha' collecturi, et Rohas processuri. Ut autem illud iter nostrum Deus prosperum facere dignetur, ut ipse ores et fratres tuos orare facias, et omni- bus fidelibus nos committas et commendatum fidei tuae filium nostrum habeas, postulamus.

1. Ludovious VII. 2. Ephesum. 3.1148 Mart. 7. 4.1148 Apr. 11.

154 WIBALDI EPISTOLAE 79. 80.