1148 Domno W(ibaldo) omni veneratione dignissimo sanctae Cor- beiensis aecclesiae abbati W(ino) prepositus, A(lmarus) decanus reliquusque sancti Liborii1 pusillus grex, orationis et servitutis suae fidelem exhibitionem.

Quia post dominum nostrum episcopum in episcopatu nostro primum vos divina promovit ordinatio, idcirco in angustiis no- stris ad vos confugimus potissimum, sperantes, a vestra pru- dentia nostris malis adhiberi medelam et consilium. Domnus Folquinus, gravis hospes pauperibus, nostris colonis frequenter incumbens pe.cuniamque ab ipsis assidue set modo insolentius extorquens, tantum eos attenuavit, ut non modo debita sua ne- queant persolvere, set etiam malint" nbivis gentium mendicare quam tantis pressuris deinceps subiacere. Ego quoque W(ino) prepositus, cum sim preter preposituram satis aecclesiae auctus beneficiis, de meo annuos prebendae supplendo defectus plus quam tribus mensibus, adeo rebus sum imminutus, ut nec fra- tribus amodo servire nec propriis valeam necessitatibus sub- venire. Unde, cum primum videro faciem domini mei episcopi, tam honore quam nomine prepositi cupio carere et exui. Nam, quantum ego inopiae pauperum parcendo indulgeo, tantum pre- fatus domnus F(olquinus) diversis exactionibus instat atterendo. Unanimi igitur affectu pietati vestrae, sancte . pater, valido cla- more supplicamus, quatinus dominum nostrum episcopum con- veniatis et, sicut scitis et de vobis confidimus, commoneatis, ut aecclesiae suae in extremo laboranti subveniat, ne et nos neces-

a. malt c.

1. Paderbornensis.

WIBAXDI EPISTOLAE 117. 118. 1 193

sario, sine quo militare nequimus, privemur subsidio, et domus 1148 Dei, deficientibus vel dispersis ministris, divino careat servitio.