C(onradus) Dei gratia Romanorum imperator augustus ka- 1150 rissimo fratri et unico amico suo E(manueli) eadem gratia Gre-

a. accesisti c. b. honoste c.

23*

35G WIRALDI EPISTOLA 237.

1150 corum imperatori augusto, sublimi, Porfirogenito, felici, frater- nam dilectionem et omne bonum.

Quanta nos karitatis et devotionis instantia, quanto fidei et humilitatis studio in sacris edibus gloriosi imperii tui susceperis, quanta humanitatis et liberalitatis gratia in lecto infirmitatis nostre non solum per tuos et tua set etiam in propria persona et propriis manibus ministraveris, tunc videlicet, quando manus Dei omnipotentis nos non solum in detrimento amissi exercitus verum etiam in verbere corporalis egrotationis percusserat, nulla potest rerum oblivio ab anime nostre tenaci memoria evellere. Pari quoque et simili recordationis constantia fixum animo te- nemus, que fuerit inter nos mutue pactionis obligatio, quid tue celsitudini spoponderimus, quid perficere promiserimus.

Set cum a sublimitatis tue regno corporaliter discessissemus, in quo nos per fidem et benivolentiam habitare sentimus, inpe- rium, quod nobis a superna maiestate collatum est, invenimus in quibusdam partibus suis ex occasione longe" absentie nostre tur- batum. Ad quos motus comprimendos et pacem reformandam dum tota cordis intentione accingimur, Pater ille misericors, qui flagellat omnem filium quem recipit1, extendit manum suam in retribuendo*, gravique terciana febre maceratos nos prorsus im- becilles et fere inutiles per sex mensium* spatium detinuit. Si itaque, Deo impediente, propositum nostrum ad tempus est retar- datum, non tamen est omnino evacuatum; et promissionis nostre effectus magis est dilatus quam frustratus. Ad excusandam itaque nostre more necessitatem, ad salutandam tue nobilitatis sospitatem mittere curavimus cum litteris presentibus nuncium celerem et expeditum; qui de nostra bona valitudine certum te et hylarem efficeret, et nos identidem de tua et filiae nostre, tue coniugis* karissime imperiique consortis, sospitate et de rerum vestrarum prosperitate letificaret.

a. longue c.

1. Hebr. 12, 6. 2. Ps. 54, 21. 3. id est inde ab exeunte mense Augusto anni 1149 (quo tempore se aegrotare coepisse, Conradus in ep. 243 p. 364 infra significat) ad mensem Februarium a. 1150. 4. Eirenes s. Berthae, quae erat soror Gertrudis reginae.

WIBALDI EPISTOIAE 237. 238. 357

Ceterum post celebratam Deo auctore curiam, quam Kalen- 1150 das May1 cum principibus Saxonie, Polonie, Boemie, Leuticiae in civitate Merseburg habere decrevimus, nuncios nostros, viros utique principales et egregios, ad tuam presentiam cum tuo pru- denti et honesto legato, videlicet Michael Bardalia, dirigemus, qui tuam magnificentiam de nostris sponsionibus ac promissio- nibus diutius dubitare non sinent.

Salutat vestram magnitudinem dilectus filius noster Hein- ricus, iunior Romanorum rex, et karissimam filiam nostram, suam utique materteram. Cui quantam gloriam Deus in primis militie et ductus sui auspiciis contulerit, lator presentium viva voce declarabit.