Eugenius episcopus servus servorum Dei filio in Christo 1147 dilecto Henrico iuniori Romanorum regi, regis illustris Cunradic' 2 filio, salutem et apostolicam benedictionem.

Genitoris tui devotionem erga beatum Petrum et sanctam Romanam aecclesiam attendentes et, quod divina inspiratione compunctus, assumpto vitae signaculo, ad hostes fidei subiugan- dos et catholicam aecclesiam dilatandam se viriliter et potenter accinxit, pre oculis cordis habentes, tanquam viscera sua spe- ciali te affectione complectimur et de illius absentia quodam modo, tanquam suam in te cernentes ymaginem, consolamur. Propterea nuncios et litteras tuas paterna benignitate recepimus et, quod in annis tenerioribus constitutus, te promptum esse ad exhibendam ecclesiae Romanae ac nobis obedientiam tuis apici- bus intimasti, gratum habuimus et habemus, sperantes, ut cum aetatis tuae incremento firma devotionis et obsequii tui sinceritas erga sedem apostolicam propensius augeatur. Unde omnipotentis Dei supernam exoramus clementiam, ut dies et actus tuos de

a. spaT cod.

122 WIBALDI EPISTOLAE 43-45.

1147 bono in melius sua ineffabili pietate promoveat et per continuae salutis augmentum personam tuam feliciter prosperari concedat. Nos etenim, quod ex nobis est, in quibus cum honore Dei et ecclesiae suae poterimus, opem tibi et consilium exhibere tan- quam filio dilectissimo satagemus.