In nomine Domini Amen. Ad rei memoriam sempiternam. Wladislaus Dei gra- tia Rex Poloniae, nec non teirarum Cracoviae, Sandomiriae, Syradiae, Lanciciae, Cnyaviae. Lithwaniae Princeps supremus, Pomoraniae, Russiaeque dominus et hae- res etc. significamus universis, quibus expedit praesentibus et futuris, praesentium notitiam habitnris: Quod cum supernae dispensationis provisio, cui consilia non com municant aliena, nos ineffabili dignatione de gentilitatis erroribus ad lucem de te- nebris. ac sui nominis agnitionem eduxit misericorditer mirabiliter et vocavit, ac tan dem ad regalis dignitatis fastigium et gloriae solium, licet nostris insufficientibus meritis, gloriosius exaltavit, ad hoc laboriosae meditationis indagine propositorum nostrorum studia dirigimus, curamque nostrae diligentiae praestantius extendimus. ut quos olim in erroris vetusta caligine constituti socios tenebrarum habuimus, sig- nanter indigenas terrae nostrae Lithwaniae, quos illo volente, qui coelestia simul et terrena dirígit, ad assumptionem et integritatem fidei catholicae feliciter attuli- mus, per assuefactionem et exercitium piorum operum, sine quibus ipsa fides vacua fore noscitur et inanis, in lucis filios convertamus, horum tamen ope pariter et opera, quorum animos candor aeternae lucis doctrinae et sapientiae plenitudine de- coravit, in ftmdamentis videlicet et profunditatibus scripturarum expertorum, quorum ex approbata prudentia consiliis altissimis thalamus roboratur regius, et actibus vir- tuosis reipublicae stabilitas semper salubribus proficit incrementis. Sane dulcescebat in auribus nostris crebrius nobis repetita et diutius inculcata memoria illorum de- votissimorum Principum, qui in suarum provinciis regionum studia (ïymnasiorum in stauraient, et vocatione gratuita doctarum personarum defectus et errores patria- rum suarum eliminare funditus et evellere satagebant, quorum exemplis clarissimis cor nostrum et animus refloruit, ac ad executionem votorum pia consideratione su- scitatum coepit medullitus aspirare. Videmus equidem et certo certius experimur, qualiter Parisius per convocationem et congregationem peritorum et prudentum Fran- ciam irradiat et venustat, Padwa cum Bononia totam Ytaliam clarificat et exornat, Praga Eoemiam illuminat et extollit, Almaniam Uxonia clarificat et foecundat. Pro- fecto ad hoc summi dispositione praesidii plurimarum gentium et diffusarum regio num obtinuimus principatum et regni Poloniae praedicti recepimus dyadema. ut ip- sum regnum doctarum personarum studiis illustremus, quarum doctrinis ignorantiae coecitate sublata de medio, regnum ipsum in tempore nostri felicis regiminis caete- ris regionibus possimus coaequare. Non dubitantes id ipsum regni nostri subditis sa

lubriter profuturum, in civitate nostra Cracoviensi locum, in quo Studium vigeat generale in qualibet licita facultate, de voluntate, scientia, consensu specialiter et indulto Sanctissimi in Christo patris et domini domini Bonifacii divina providentia Гaрae noni Sacrosanctae Eomanae ac universalis Ecclesiae Summi Pontificis, ipsum Studium benigne per- suarum bullarum largitionem et concessionem confinnantis, ut- pote in theologica seu Sacrae Scripturae, Iuris canonici, Phisicae, Legum et Artium liberalium facultatibus, nominandum, eligendum, constituendum, ponendum et ordi- nandum ac erigendum dignum duximus et tenore praesentium facimus et instituimus temporibus perpetuis duraturum. Sitque ibi scientiarum praevalentium margarita, ut vivos producat consilii maturitate conspicuos, virtutum ornatibus redimitos et variae facultatis doctrinis eruditos; fiatque illic fon's doctrinaimm irriguus, de cuius pleni- tudine hauriant universi literalibus cupientes imbui documentis. Eiusdem Studii ge neralis, quod in praedicta civitate nostra Cracoviensi, Deo propitio, ad decus, ho norem et gloriam nostrae sacrae Coronae Poloniae, sic ut praefertur, fundavimus, ereximus et instituimus, incrementa felicia desiderantes ampliare, frequentius et lon- ginquarum incolas regionum ad eius allicere cupientes accessum; pro cuius quidam Studii firmiori stabilimento ac dilatationem et uberius incrementum, neophitarumque praedictae Lithuanicae, caeterarumque gentium clariorem salutis illuminationem ube- rem et profectum, praesertim ad fidei catholicae propagationem, nostrae humanitatis viribus assurgere et aspirare praecordialius cupientes, Studium generale praedictum almae Universitatis Cracoviensis infrascriptorum stipendiis et incorporationibus be- neficiorum ad nostram utpote veri patroni collationem, praesentationem etc. perti- nentium, singularem ad id gerentes pietatis affectum, prout ad hoc ex assumptae dignitatis officio noscimur obligari, de nostra munificentia speciali praehonorando et benignius largiendo, dignum duximus consolandum, ut de tanto suae philacteria cel- situdinis etiam in exteras nationes per floridam fructuum salutiferorum multiplica - tionem et Magistrorum doctorum ac praedicatorum creationem et coelestis prolis foe- cundam generationem sparsim dilatare et diffundere possit feliciter et valeat, quo se latioribus beneficiorum et refectionum curialitalibus et munificentiis de nostrae libe- ralitatis intimis censerit consolatum. Damus itaque, donamus, conferimus, ascribimus. adiungimus et incorporamus perpetuis temporibus affuturis eiusdem Studii generalis Cracoviensis Sacrae Theologiae Professoribus, Doctoribus et Magistris ac Universi tati, Cancellarias nostras regales tres, dumtaxat terrarum nostrarum videlicet Ma- ioris Poloniae, Lanciciensis et Syradiensis, nec non omnes et singulas dignitates, personatus, officia, Canonicatus et praebendas ecclesiae Sancti Floriani in suburbio nostrae Cracoviensis civitatis supradictae, Praepositura tamen et Custodia eiusdem ecclesiae et duabus villis nostris regalibus, quas ad praesens venerabilis dominus Sethegius Cantor Wisliciensis et Cancellarius Syradiensis provisionals noster in hac parte de nostra speciali gratia possidet, dumtaxat exceptis. Ita tamen, quod in huiusmodi beneficiis assequendis ille Sacrae Theologiae Professor, Doctor sive Ma gister, qui primus existit tempore, sit potior de iure, et qui onus diei et aestus sentiendo pertulit, primus commodum sic recipiat et honoris, dummodo eidem pro- movendo caeterae virtutes ad assequendum huiusmodi beneficium latins suffragentur. Ipse quoque Sacrae Theologiae Professor, Doctor sive Magister aliquod de ipsis assecutus beneficiis per nos datis et incorporatis, ut praefertur, tanqnam memor ac- cepti beneficii, ad agendum gratias debitas nobis et successoribus nostris perpetuo

teneatur. Eo tamen per omnia semper salvo, quod cum crescentibus inposterum temporibus, memorati Sacrae Theologiae Professores, Doctores sive Magistri in tan- tum de beneflciis supradictis, Cancellariis, dignitatibus, personatibus, officiis, Cano- nicatibus et praebendis assecuti fuerint, quod valor redituum huiusmodi beneficio rum assecutorum et iam per eosdem pacifice possessorum ad centum marcas et am pláis se extenderit, extunc centum marcae, de quibus eisdem Sacrae Theologiae Professoribus, Magistris et Doctoribus alias circa fundationem primariam Studii su- pradicti per nos provisum extiterat, de quibus etiam centum marris in aliis literis nostris desuper datis clarius expressum est atque cautum, ad thesaurum nostrum redire volumus integraliter et reverti. Volumus insuper et omnino decernimus, quod praefati Sacrae Theologiae Professores, Doctores et Magistri, postquam aliquod de beneficiis praedictis fuerint, ut praefertur, assecuti, more solito legere et residentiam personalem facere in praedicta Universitate teneantur, sub fide praestiti iuramenti et privatione beneficiorum praedictorum, nisi infirmitate non ficta impediti aut gravi senio confecti dinoscantur. Verum quia artes sunt aliarum ministrae facultatum, vo lumus, quod primae centum marcae ex vacatione beneficiorum occurrentes pro Ma gistris Artium iuxta priorem fonnam et modum divisionum principalius deriventur, tandem Sacrae Theologiae Professores. Doctores et Magistri caeteri futurorum con- solationes et vocationes beneficiorum stabiliter praestolentur. Et ut omnia praemissa et singula perpetui roboris obtineant firmitatem, praesentes literas nostras in fidem et testimonium omnium praemissorum scribi mandavimus, ac nostri maioris sigilli pendentis munimine iussimus roborari. Actum et datum Cracoviae, ipso die Sancti Viti, Anno Domini Millesimo Quadringentesimo primo. Praesentibus magnifico Prin cipe domino Boleslao alias Switrigaijlo Duce Lithwaniae, fratre nostro carissimo, ac reverendis in Christo patribus dominis Dobrogostio Archiepiscopo Gneznensi, Petro Cracoviensi et Nicolao AVladislaviensi Episcopis, nec non strenuis militibus Sandziwogio de Schubino Kalisiensi, Iescone Liganza Lanciciensi, Iacussio de Co- neczpole Syradiensi, Mathia Gnewcouiensi Comitibus Palatinis, Iohanne de Than- czyn Cracoviensi, Cristino de Ostrow Sandomiriensi, Petro Kmithe Lublinensi, Pe tro Epischca Wisliciensi et Nicolao de Michalow Woyniciensi Castellanis ac aliis multis nostris fidelibus fide dignus. Per manus egregii Zaclice Cancellarii ac stre- nui Clementis de Moscorzow Yicecancellarii Regni Poloniae, nostrorum fidelium dilectorum.

Scriptum per Budislaum Canonicum AМй�?cчenвem etc.

(Ex archetypo membranaceo, cum sigillo maiestatico maiori, ex alba cera effecto. ft!is seiicis coloris v-üidis et rosei appenso. Sigillum eiusdem typi ac sub Nr. XVI.— Nr. Archiv. Univ. 9515.)