Cracoviae, Anno 1403, die 6 mensis Martii.

Nos Mathias de Wansossze Iudex Kaliziensis, Woythko de Wszeradowo Ca stellanus Kaminensis et Sandiuogius de Ostrorog Vexillifer Poznaniensis haeredes recognoscimus tenore praesentium quibus expedit universis: Quod fideiussimus et tenore praesentium obligamur bona fide absque omni dolo et fraude, manu coniun- cta omnes in solidum pro strenuo viro domino Sandiuogyo haerede de Szubyn et Palatino Kaliziensi pro et super foro facto inter praedictum dominum Sandiuogium et venerabilem virum dominum Iohannem de Rzesszow Praepositum Sancti Michae lis et Canonicum Cracoviensem, pro domo eiusdem domini Sandiuogii Palatini prae- dicti sita in Cracovia in platea Sancti Andreae circa capellam Sanctae Mariae Magdalenae, quam domum praedictus dominus Sandiuogius praefato domino Iohanni Praeposito vendidit pro septingentis marcis grossorum Pragensium monetae Poloni calis numeri, quadraginta octo grossos pro qualibet marca computando, quam domum saepedictus dominus Praepositus Iohannes debet perpetuis temporibus possidere et ha bere, vendere, commutare, donare et ad suos usus conveliere, prout sibi melius et utilius videbitur expedire. Et si, quod absit, pendente Iure communi et Statuto ter- restri, videlicet trium annorum et Mum mensium, aliquis ex consanguineis, fratribus, filiastris, filiabus vel quibuscunque successoribus legitimis praedicti domini Sandiuo gii Palatini pro praedicta domo seu emptione ipsius praedictum dominum Praepo situm impediverit seu quocunque iure vexaverit, extunc idem dominus Iohannes Praepositus debet praefato domino Sandiuogio Palatino suas vexationes et impedi menta intimare, qui dominus Sandiuogius Palatinus saepedictus ipsum dominum Prae positum tenetur ab omnibus impedimentis defendere et tueri. Quodsi non fecerit, et si praedictus dominus Praepositus in Iudiciis sive expensis pro defensione dictae domus aliqua dampna perceperit, extunc nos fideiussores suprascripti obligamur et tenemur praedicto domino Praeposito ad solvendum omnia dampna, expensas litium, etiam pecuniam principalem. Quodsi non solveremus, extunc idem dominus Iohan nes Praepositus nos omnes simul, unum vel duos, quorum praesentiam ubicumque habere poterit, debet et potest ammonere verbis seriosis, opprobriosis, contumeliosis, malitiosis et quibuscunque sibi placuerit, nec respondere quicquam ipsis poterimus, etiam nec aliquo iure sive iudicio ipsum evadere possimus, quousque praedictus do minus Praepositus fuerit de dictis dampnis, quae fuerint, totaliter exsolutus. In cu ius rei testimonium sigilla nostra praesentibus sunt appensa. Datum in Cracovia in

domo praedicta, feria tertia post dominicam Invocavit, Anno Domini Millesimo Cua dringentesimo tertio.

(Ex archetypo membranaceo, cum tribus sigillis cereis viridibus, taeniolis membranaceis appensis. Sigillum primum exhibet scutum cum insigni Topor et cum hac in ambitu inscriptione: ^ ?traatitttjttint®tiiibiti.kaliä. Sigillum alterum exhibet itidem scutum cum insigni Topor et cum hac inscriptione: t§. alhtrti.ji.bf.ms.t. Sigillum tertium exhibet scutum cum insigni Nalçcz; inscri- ptio in ambitu illegibilis. — Nr. Archiv. Univ. 5770.)