Andreas Mischka Archidiaconus et Officialis Cracoviensis nec non reverendi in Christo patris et domini, domini Shignei Dei gratia Episcopi Cracoviensis Vica- rius in spiritualibus generalis, significamus tenore praesentium quibus expedit uni- versis: Quod vacante altari Sancti Bartholomaei Apostoli in ecclesia cathedrali Cracoviensi per liberam resignationem honorabilis viri Magistri Iohannis de Radocho- nycze ultimi et immediati altaristae altaris praedicti ex causa assequutionis alterius beneficii, ad collationem et praesentationem venerabilis viri domini Iohannis Schaf- franyecz Decani ecclesiae Cracoviensis et Cancellarii regni Poloniae factam et per nos admissam, honorabilem virum dominum Magistrum Nicolaum de Pyantek Collegiatum Collegii almae Universitatis studii Cracoviensis per manus nostrae capiti suo impo- sitionem canonice investivimus et tenore (praesentium) investimus de eodem, commit- tentes sibi curam temporalium, administrationem spiritualium, et si quod est regimen ibidem annexum animarum. Quocirca vobis discretis vicariis (h)ebdomadariis eccle siae praedictae cathedralis Cracoviensis mandamus, quatenus praefatum Magistrum Nicolaum ad dicti altaris possessionem inducatis corporalem et realem, res, libros, calices, ornatus et claves eiusdem altaris sibi effectualiter, dum et quando praesen- tibus fueritis (requisiti), assignantes. Mandamus nihilominus omnibus et singulis dicti al taris censuariis, redituariis, decimatoribus, ut eidem Magistro Nicolao altaristae legi timo et vero rectori respondeant integraliter et cum effectu, et in omnibus obediant licitis et honestis. In cuius rei testimonium sigillum nostrum praesentibus est appen- sum. Actum et datum Cracoviae, die Veneris xj. mensis Februarii, Anno Domini M. CCCCXX quarto.

(Ex archetypo membranaceo, cum sigillo cereo viridi, tae'niola membranacea appenso. Sigillum oblongum exhibet imaginem B. V. Mariae parvulum Chri stum in manibus gestantis, sub qua scutum cum insigni Gryf dicto; in am bitu inscripto illegibilis.— Nr. Archiv. TJniv. 9226.)

145

LXXin.

Literae Andreae Mischka Archidiaconi et Officialis Cracoviensis, sententiam defini te vam, vigore cuius laneus agri in villa Parva Czaple per Mcolaum, Frankonem et Iohannem kmethones iniuste occupatus, Martino de Zarnowiec clerico, tanquam legitimo possessori adiudicatur, in se continentes.

Cracoviae, Anno 1424, die 15 mensis Iunii.

In nomine Domini Amen. Nos Andreas Mischka Archidiaconus et Officialis Cracoviensis nec non Iudex comissarius causae et partibus infrascriptis a Sede Apo stolica specialiter deputatus, significamus tenore praesentium quibus expedit univer- sis, tam praesentibus quam futuris, praesentium notitiam habituris: Quod orta coram nobis inter discretum et laboriosos viros, dominum Martinum de Zarnowyecz clericum Cracoviensis diocesis actorem ex una, et Nicolaum, Frankonem et Iohannem fratres kmethones de Przeczlawicze alias de Parva Czaple villis, laicos Cracoviensis dio cesis praedictae, de et super uno laneo agri ibidem in Parva Czaple, et ipsius oc- casione reos parte ab altera, materia quaestionis, vigore huiusmodi comissionis Se- dis Apostolicae nos ad praedicti domini Martini clerici de Zarnowyecz instantiam, praedictos Nicolaum, Frankonem et Iohannem nostrum ad iudicium legitime fecimus evocari; ipsisque partibus coram nobis, ut praemittitur, in termino eis ad hoc dato in iudicio personaliter constitutis, circumspectus vir Magister Paulus de Cleczow procurator et nomine procuratorio praedicti domini Martini, de cuius procurationis mandato apud acta nostra constitit atque constat evidenter, in iudicio comparens articulos obtulit in scriptis tenoris qui sequitur, continentes: Positiones et articulos infrascriptos procurator et nomine procuratorio honorabilis viri domini Martini clerici de Zarnowyecz in causa quam habet cum Nicolao, Frankone et Iohanne fratribus laicis de Parva Czaple, dat, facit, exhibet et producit, petens ipsis singu- lariter singulis medio iuramento per dictam partem adversam responden: qui si ne- gati fuerint, probare intendit eosdem citra onus superfiuae probationis, de quo pro testatio. Inprimis igitur ponit, et si negatum fuerit, probare intendit, quod a decem, xx., xxx., xl., 1., lx., lxx., lxxx., xc., �? annis citra vel ultra, ac a tali tempore et per totum tempus, cuius initii et contrarii memoria hominum non existit, in regno Poloniae et in diocesi Cracoviensi ac in districtu eodem inter caeteras villas in ea- dem diocesi et districtu consistentes fuit et nunc est villa sive haereditas commu- niter dicta Parva Czaple, inhabitata per homines utriusque sexus, habens in se agros et agrorum laneos sive campos cum suis peciebus agrorum, per kmethones ibi existentes culturari et excoli consuetos, liberos et alias ipsorum praetio compa- ratos, et sic fuit et est verum. Item ponit ut supra, quod in praedicta villa Parva Czaple inter caeteros kmethones in eadem villa existentes fuit et erat providus vir Stanislaus pater praefati domini Martini clerici, in eademque villa Parva Czaple

19

cum suis progenitoribus a praedictis temporibus supradescriptis, et alias a tempore legitime praescripto habitabat et habita vit, habens et colens pro se unum laneum agri valoris triginta marcarum latorum grossorum, situm inter caeteros laneos agro- rum ibidem et signanter inter agros Czesconis quondam Wlodarii ibidem, et Sil- nisch fratris dicti Czesconis parte ex alia, ad ipsum Stanislaum patrem praefati Martini iure haereditario et paterno ex successione legitima ipsius parentum perti- nentem et spectantem, eodemque laneo agri cum suis peciebus agrorum libere et sine aliqua venditione ipsius, pro suis pueris et successoribus legitimis relicto, ut Deo placuit, viam universae carnis est ingressus, et sic fuit et est verum. Item ponit ut supra, quod idem laneus cum suis peciebus agrorum derelictus per mortem dicti Stanislai patris praefati Martini, ad praefatum dominum Martinum post mor tem patris sui praedicti iure paterno et ex successione legitima est et fuit devolu- tus ac debet devolvi, pertinetque et spectat ad eundem, et sic fuit et est verum. Item ponit ut supra, quod ab Annis Domini M. CCCCXX primo et M. CCCCXX secundo et tertio et usque ad annum praesentem praedicti Nicolaus, Franko et Io- hannes laici fratres praedictum laneum agri cum ipsius attinentiis et peciebus agro- ium nescitur quo iure aut qua de causa temerarie occupaverunt et occupant, ac se de eodem intromiserunt et intromittunt, ipsum dominum Martinum de facto dumpta- xat de eodem et de eius possessione cum ipsius fructibus et utilitatibus per poten- tiam removentes contra Deum et iustitiam, et sic fuit et est verum. Item ponit ut supra, quod praefatum dominum Martinum praedicti Nicolaus, Franko et Iohannes laici occasione dictae occupationis dicti lanei a dictis tribus annis, quolibet anno dictorum trium annorum dampnificaverunt et dampnificant minori extimatione in tri bus marcis pecuniae communis divisim, coniunctim vero in novem marcis de fructi bus et utilitatibus de dicto laneo dictis annis provenientibus et qui provenire pote- rant et possunt, et sic fuit et est verum. Item ponit ut supra, quod de omnibus et singulis praemissis fuit et est publica vox et fama, et hoc est verum. Ad quos quidem articulos et positiones circumspectus vir Magister Petrus de Proschowicze procurator praedictorum Nicolai, Frankonis et Iohannis, de cuius procurationis man dato per acta nostri Consistorii nobis plenam fecit fidem, responsiones in scriptis obtulit, iuramentoque calumpniae parte ab utraque remisso, Magister Paulus de Cle- czow procurator praefati domini Martini se et partem suam praedictos artículos et positiones ad probandum admitti petiit; ipsisque ad probandiun admissis, testes non- nullos in causa huiusmodi recepimus et admisimus, ac eosdem per Notarios nostros diligenter examinari fecimus, et ipsorum testium sic ut praemittitur, examinatorum dicta seu attestationes de voluntate procuratorum partium praedictarum publicavi- mus, exceptionesque contra eosdem testes per partem adversam, et replicationes ex adverso nonnullae fuere hinc inde oblatae, ac aliis per procuratores partium earun- dem praedictos, contradictionibus habitis et terminis servatis, iidem procuratores partium praedictarum in ipsa causa probationibus ulterioribus renuntiantes, volun- tarie concluserunt et per nos concludi petierunt, nosque cum ipsis conclusimus et habuimus pro concluso. Successive autem visis et attente inspectis petitione actoris et responsione reorum ad eam coram nobis factis, et super his communicato consi- lio iurisperitorum et inter nos deliberatione solempni praehabita, Dei nomine invo- cato, eisdem procuratoribus partium praedictarum in termino eis per nos ad Sen- tentiam in causa eadem audiendam dato, dictam nostram Sententiam diffinitivam

protulimus huiusmodi sub tenore: Christi nomine invocato et ipsum solum prae ocu- lis habentes, pro tribunali sedentes, de iurisperitorum consilio, per hanc nostram Sententiam diffinitivam, quam ferimus in his scriptis, pronuntiamus, decernimus et declaramus: praedictum laneum agri ad ipsum Martinum clericum iure paterno et successione fuisse et esse legitime devolutum, ac ad ipsum pertinere et spectare de bere, dictumque laneum agri per Nicolaum, Frankonem et Iohannem laicos prae- dictos illicite et iniuste fuisse et esse occupatum, ipsisque talia facere non licuisse, et ob hoc eosdem Nicolaum, Frankonem et Iohannem laicos ab eodem laneo et ab eius occupatione removendos fore et removeri debere et amovemus, eundem quoque la neum agri cum suis attinentiis praedicto Martino clerico adiudicandum fore et ad- iudicari debere et adiudicamus, et Nicolao, Franconi ac Iohanni laicis praedictis de et super laneo et iure ipsius ac occupatione perpetuum silentium imponendum fore et imponimus, praedictosque Nicolaum, Frankonem et Iohannem occasione occupa tions dicti lanei in tribus marcis monetae in regno Poloniae communiter decurren- tis, pro dampnis et perceptis quolibet anno a temporae motae litis, nec non et in expensis huiusmodi tam coram nobis legitime factis, eidem Martino condempnandos fore et condempnamus, quarum expensarum taxationem nobis in posterum reservamus. Lecta, lata et in scriptis pronuntiata est praesens Sententia diffinitiva per nos An- dream Mischka Archidiaconum et Officialem Cracoviensem ac Comissarium praeli- batum. In quorum omnium fldem et testimonium praemissorum praesentes nostras Sententiae diffinitivae literas, praedicto Magistro Paulo de Cleczow procuratore prae- fati domini Martini de Zarnowyecz et nomine ipsius instante et petente, per discre- tum Mathiam Laurentii de Synczicze Notarium publicum, nostrumque et causae huiusmodi coram nobis scribam infrascriptum subscribi mandavimus, nostrique ap- pensione sigilli iussimus communiri. Actum et datum Cracoviae, sub Anno Nativi- tatis Domini Millesimo Quadringentesimo vicesimo quarto, Indictione secunda, Pon- tificatus Sanctissimi in Christo patris et domini nostri Martini divina providentia Papae quinti anno septimo, die vero Mercurii decima quinta mensis Iunii, in domo habitationis nostrae sita ex opposito Collegii Iuristarum, mane hora causarum. Praesentibus circumspectis et discretis viris dominis Michaele Czcziborij de Wolya dransgowa, Mathia Gregorii de Malycze Notariis, Iohanne de Sczepanowicze, Io- hanne de Brest et Paulo de Cleczow procuratoribus causarum Consistorii Craco- viensis, testibus ad praemissa.

(L. S. n.) Et ego Mathias Laurentii de Sinczicze Gneznensis diocesis clericus, publicus imperiali auctoritate nec non praefati venerabilis viri domini Andreae Mischka Archidiaconi et Officialis Cracoviensis et Commissa- rii Notarius ac facti huiusmodi coram eo scriba, quia praedictis Sen tentiae diffinitivae lectioni, promulgationi, petitioni et decreto, aliisque omnibus et singulis praemissis, dum sic ut praemittitur, fierent et age- rentur, una cum praenominatis testibus praesens interfui, eaque omnia et singula sic fieri vidi et audivi: ideo hoc praesens publicum Instru- mentum, me aliis occupato, per alium fideliter scriptum confeci et in hanc publicam formam redegi, meque huic manu propria subscribens signo et nomine meis solitis et consuetis una cum appensione sigilli praefati venerabilis viri domini Andreae comissarii et de eius speciali

mandato consignavi rogatus et requisitus in fidem et testimonium omnium praemissorum.

(Ex archetypo membranaceo, cum sigillo cereo viridi, taeniola membrana cea appenso. Sigillum oblongum exhibet imaginem B. Mariae V. parvulum Christum in manibus gestantis, sub qua scutum cum insigni Gryf. In ambitu legitur inscriptio uteris minusculis sic dictis gothicis exarata: „ s ^ anbm. atdji- biac^ttatnnifn.— Nr. Archiv. Univ. 473.)