Otto Decanus et Iohannes Scolasticus, Canonici Cracovienses, dispensatores, diffinitores et Statutorum infrascriptorum promulgatores per reverendum in Christo patrem et dominum, dominum Petrum Dei gratia Episcopum Cracoviensem nec non Cancellarium almae Universitatis Studii Cracoviensis, per certas literas specialiter deputati, quarum quidem literarum principium fuit et est tale: „Petrus Dei gratia Episcopus Cracoviensis, honorabilibus viris Iohanni Custodi et Ottoni Scolastico, no- stris Canonicis Cracoviensibus" etc. finis vero talis: „Datum Cracoviae, Anno Do mini Millesimo CCCCmo septimo, nostro sigillo praesentibus subappenso." De qui- bus quidem literis in nostris literis prius datis, tum subscriptione publia nota- rii Mathiae Andreae de Radlow, et sigillis nostris subappensis, quarum quidem literarum principium fuit et est tale: „In nomine Domini Amen. Quoniam multitudo consistit in ordine" etc. finis vero talis: „Praesentibus venerabilibus, circumspectis et nobilibus viris Magistris et dominis Francisco Decano Sancti Floriani extra mu ros Cracovienses, Iohanne Ysneri Cantore, Nicolao Pyser Archidiacono Sandomi- riensis ecclesiarum, Sacrae Theologiae Professoribus, Iacussio de Coneczpole Pala tino Sandomiriensi, Nicolao de Chranstow haeredibus et Petro Vislai de Lubki Notario publico, testibus ad praemissa vocatis specialiter et rogatis." In quibus qui dem literis aliquas clausulas posuimus, quae videbantur gravare Magistros laboran tes in Universitate Cracoviensi: et ideo per Magistros dictae Universitatis fuit no bis humiliter supplicatum, ut easdem clausulas mutaremus, declararemus vel tolle- remus. Nos vero attendentes, quod nonnulla rationabiliter prius statuta rationabili- bus interdum commutantur et etiam moderantur, ac pensantes petitionem dictorum Magistrorum consonam rationi, et cum iusta petentibus non sit denegandus assen- sus: ideo tales clausulas gravamen Magistris laborantibus inducentes decrevimus fore declarandas, mutandas vel tollendas. Et príncipium primae clausulae dictos Magistros gravantis fuit et est tale: „Item facimus, constituimus et ordinamus, quod quilibet Magistrorum promotorum" etc. finis vero talis: „Sicut legere et disputare debebat ante promotionem ad beneficium vel Cancellariatum ;" quam quidem clausu lam sic declaramus: Quod si quis Magistrorum ad ecclesiam Sancti Floriani vel ad aliquem de Cancellariatibus promotus fuerit et non se applicaverit ad aliquam superiorem facultatem ex dispensatione Cancellarii vel Vicecancellarii et Pectoris cum Magistris collegiatis Collegii Regis Wladislai, super quo eidem facultatem au- ctoritate nobis commissa per praesentes indulgemus dispensandi quantum ad facul

tatem iuridicam, sed sine omni dispensatione ad theologicam, cui specialiter intendi- mus, providere, extunc ad duos actus obligabitur faciendos sicut prius, donec suffi- cientia aut copia fuerit laborantium Magistrorum; quorum si copia fuerit et suffi- cientia, si se applicaverit, ut praemittitur, superiori facultati, ad unum tantum actum obligabitur faciendum. Sufficientiam autem Magistrorum arbitrabitur Rector cum Decano facultatis Artium et Magistris senioribus adiunctis, sic tamen, quod in ma- ioribus et gravioribus factis fiet recursus ad Cancellarium vel eius vicesgerentem. Hoc idem volumus intelligere de actu uno faciendo per Magistrum promotum , ut praemittitur, ita quod non secundum arbitrium suum ipsum faciet, sed iuxta arbi- trium Rectoris cum Magistris praedictis, qui magis expediens facultati tenebitur exer- cere. Alia clausula, quae videbatur gravare Magistros praedictos, est, in qua poni- tur poena excommunicationis sub hac forma: „Qui vero temerarie ipsa vel aliquod ipsorum violare praesumpserit, Sententiam excommunicationis incurrat;" quam рoe- nam tollimus, ipsam commutantes in poenam mulctae, quae mulcta stabit in arbitrio Cancellarii vel Vicecancellarii et Rectoris cum Magistris praefatis, et si pertinax fuerit, primo, secundo et tertio admonitus canonice beneficio per Ordinarium spolie- tur. Ut autem haec omnia et singula robur perpetuae firmitatis obtineant, ipsa no- stris sigillis solitis appensis iussimus et fecimus munimine roborari. Datum Craco- viae, in die Sanctae Luciae virginis gloriosae, qui dies erat xiiij. mensis Decembris, Anno Domini Millesimo CCCCmoXI.

(In dorso:)

In nomine Domini nostri Ihesu Christi Amen. Sub Anno Nativitatis eiusdem Millesimo Quadringentesimo decimo quinto, in praesentia venerabilium virorum Ma gistrorum Francisca Decani ecclesiae Sancti Floriani, Nicolai Bawdissen, Iohannis Wylusch etc. Canonicorum praemissae ecclesiae Sancti Floriani, statutum fuit et conclusum, quod in antea quilibet de Magistris collegiatis Collegii Regis Wladislai, dum et quando ipsum ordo promotionis concernet ad eandem ecclesiam, Decano prae- dictae ecclesiae aut seniori Magistro de promotis circa suam introductionem iurare debeat, quod statuta et statuenda pro bono eiusdem ecclesiae inviolabiliter observet, verbo et facto promoveat, secreta collegialiter tractata sub secreto teneat, vicariis sine recusatione marcas tribuat, almucium habeat, et quod iuxta statum suum ho- norifice se regat.

(Ex archetypo membranaceo, cum uno tantum sigillo cereo rubro, taeniola membranacea vitiata appenso. Sigillum exhibet imaginem episcopi scutum cum insigni dicto Starykoñ tenentis. In ambitu vero sigilli legitur sequens lite ris gothicis minusculis exarata inscriptio: s.ioljia bt кцщг. — Nr. Archiv. Univ. 9521.)

13