In nomine sancte et individue trinitatis amen. Ego Hainr(icus) Meuschendorfer, ut presentis cedule tenor ratus maneat :| et inconvulsus, universis presentia inspecturis innotesco, quod ego una cum matrona mea Chvengunde manu libera motu voluntari curiam libere possessionis in Mæuschendorf contulimus domui hospitalis sancti spiritus in pede pontis Ratispone perpetuo libere possidendam, cultam et incultam in agris, aquis, silvis, pratis, pascuis sive quocumque nomine censeantur, formula condicionis interposita videlicet, quod iam fata curia memorate uxori mee Chvengundi deserviet usque ad obitum meum et post contractionem vite mee prefata uxor mea Chvengundis sibi decetera inpretactis bonis nullam iurisditionem (!) aliquatenus usurpabit, sed ex tunc curia totalis in proventibus prefate domui accidit servitura. Ne autem aliquis error in posterum ab aliquo presenti seriei et rationi evidenti infringatur ad nostram petitionem mee videlicet et uxoris mee Chungundis presentem cedulam discretorum ac noblium virorum, videlicet domini Ditterici decani in Persen, domini Chvnradi de Paulstorf sigillorum munimine iussimus roborari. Huius rei testes sunt: dominus Dittericus decanus in Persen, dominus Chvnr(adus) de Paulstorf, Hainr(icus) Cenger, Otto Cenger, Hainr(icus) Meuschendorfer, Fridericus notarius domini •l• ducis antiquus, Guelo, Dittericus Guelo, Vlr(icus) de Novo Foro, Herdegen de Parchstain, Hainr(icus) de Fundgaden, Rudgerus Ruczo, Hampf V[..], Chvnradus Geuer, Otto scolasticus et alii quam plures. Actum anno domini Mo CCo LXXVII, sedecimo kal. nouembris.